প্ৰিয়ংকা গান্ধীৰ আজি অগ্নিপৰীক্ষা, ১৪ লাখ ভোটাৰৰ হাতত ভাগ্য
প্ৰথমবাৰৰ বাবে নিৰ্বাচনত প্ৰাৰ্থী হিচাপে নমা প্ৰিয়ংকা গান্ধীৰ আজি অগ্নিপৰীক্ষা। আজি কেৰালাৰ ৱায়ানাড লোকসভাৰ আসনত অনুষ্ঠিত হ’ব উপ-নিৰ্বাচন। ৰাহুল গান্ধীয়ে এৰি থৈ যোৱা আসনত কংগ্ৰেছৰ হৈ নিৰ্বাচন নামিছে প্ৰিয়ংকা।
কিয়নো ৰাহুল গান্ধীয়ে লোকসভা নিৰ্বাচনত ৱায়ানাদৰ লগতে ৰায়ে বৰেলী আসনৰ পৰাও সাংসদ নিৰ্বাচিত হৈছিল। নিয়ম অনুসৰি যিহেতু এজন প্ৰাৰ্থীয়ে কেৱল এখন আসনৰ পৰাহে বিধায়ক হব পাৰে, সেয়ে ৰাহুল গান্ধীয়ে ৱায়নাড এৰি ৰায়ে বৰেলীৰ আসন নিজৰ লগত ৰাখিবলৈ সিদ্ধান্ত লৈছিল।
এতিয়া তেওঁৰ ভগ্নী প্ৰিয়ংকা গান্ধী ভাদ্ৰাই এই ৱায়নাড আসনৰ পৰাই নিজৰ ভাগ্য পৰীক্ষাৰ বাবে প্ৰথমবাৰৰ বাবে নিৰ্বাচনত অৱতীৰ্ণ হৈছে। ৰাজ্যখনত ইউডিএফৰ সৈতে কংগ্ৰেছৰ মিত্ৰতা।
কেৰালাৰ এঅ ৱায়নাড সমষ্টিটোত বিজেপিয়ে প্ৰিয়ংকাৰ বিৰোধে নব্য হৰিদাসক প্ৰক্ষেপ কৰিছে আৰু বাওঁ মিত্ৰজোঁটৰ এলডিএফে সত্যন মোকেৰীক প্ৰক্ষেপ কৰিছে। আজিৰ ভোটদানৰ পাছত হে জানিব পৰা যাব কি হয় ফলাফল।
কংগ্ৰেছৰ মহাসচিব প্ৰিয়ংকা গান্ধী ৱাদ্ৰাৰ সক্ৰিয় সংসদীয় ৰাজনীতিত প্ৰৱেশৰ সপোন পূৰণ হ’ব নে নহয়, আজি উপ-নিৰ্বাচনত সিদ্ধান্ত ল’ব ৱায়ানাদৰ ভোটাৰে। ৰাহুল গান্ধীয়ে ৱায়ানাদৰ আসন এৰি যোৱাৰ বাবে ইয়াত অনুষ্ঠিত হ’বলগীয়া উপ-নিৰ্বাচনত ১৬ জন প্ৰাৰ্থীৰ ভাগ্য নিৰ্ণয় কৰিব প্ৰায় ১৪ লাখ ভোটাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
