এজন-দুজন নহয় ২৫০০ লোকৰ বিৰুদ্ধে মুঠ ৭ টা গোচৰ ৰুজু, আজিয়ো দেশজুৰি চৰ্চিত সেই ঘটনা
কালি ২৪ নৱেম্বৰ তাৰিখ দেওবাৰে দেশজুৰি চৰ্চিত হোৱা চম্বলৰ ঘটনাৰ পাছত আজি বহু লোকৰ বিৰুদ্ধে গোচৰ ৰুজু। এজন দুজন নহয়, মুঠ ২৫০০ গৰাকী লোকৰ বিৰুদ্ধে গোচৰ ৰুজু। তাকো মুঠ ৭ টাকৈ গোচৰ ৰুজু ২৫০০ গৰাকী লোকৰ বিৰুদ্ধে।
উল্লেখ্য যে, কালি দেওবাৰে চম্বলৰ জামা মছজিদ জৰীপৰ বাবে যাওতে এক হিংসাত্মক সংঘৰ্ষৰ সৃষ্টি হয়। আদালতলৈ গৈছে সম্বলৰ জামা মছজিদৰ গোচৰ। হিন্দু পক্ষই সেই স্থানত হৰিহৰ মন্দিৰ ভাঙি জামা মছজিদ নিৰ্মাণ কৰা বুলি দাবী কৰিছিল। যাৰ পিছতে আদালতে জামা মছজিদৰ জৰীপৰ বাবে নিৰ্দেশ দিছিল। এই নিৰ্দেশতে ডি এম-এছ পিকে ধৰি এটা দলে পুৱাই ৬ বজাত জামা মছজিদত উপস্থিত হৈছিল।
৬ মান বজাত ডি এম-এছ পিৰ সৈতে এটা দল জামা মছজিদৰ জৰীপ কৰিবলৈ আহিছিল। পুৱাই দলটো দেখি ওচৰৰ মুছলমান সমাজে আপত্তি দৰ্শাই আৰপ ছুটীৰ দিনত ইমান পুৱা কিয় এই সমীক্ষা চলোৱা হৈছে বুলি প্ৰশ্ন কৰে। কিন্তু জৰীপৰ বাবে যোৱা দলটোই এই জৰীপ হোৱাৰ কথা প্ৰকাশ কৰাৰ লগে লগে ক্ষোভিত হৈ পৰে মুছলমান সমাজ।
কিন্তু মছজিদৰ ভিতৰলৈ জৰীপৰ বাবে যোৱাত বাধা দি আছিল ভিৰে। আৰক্ষীয়ে ৰখাবলৈ চেষ্টা কৰাত একাংশ লোকে আৰক্ষীলৈ বুলি শিলগুটি নিক্ষেপ কৰে। হঠাতে শিলগুটি নিক্ষেপ কৰাত পলায়ন কৰিবলগীয়া হয় আৰক্ষী। পাছলৈ অধিক ভয়ংকৰ হৈ পৰে পৰিস্থিতি।
চাৰিওফালে অগ্নিসংযোগো কৰে প্ৰতিবাদকাৰীয়ে। যাৰ ফলত কন্দুৱা গেছৰ লগতে লাঠি চাৰ্জ কৰিবলৈ বাধ্য হয় আৰক্ষী। এই হিংসাত্মক ঘটনাত ৩ গৰাকী লোকে প্ৰাণ হেৰুৱাৰ লগতে বহু লোক আহত হৈছিল, ২৪ গৰাকী আৰক্ষী বিষয়াও আহত হৈছিল।
সেই ঘটনাৰেই আজি ২৫০০ গৰাকী লোকৰ বিৰুদ্ধে ৭ টা কৈ গোচৰ ৰুজু কৰিছে। আৰক্ষীয়ে জানিবলৈ দিয়া অনুসৰি, চিচি টিভ কেমেৰা আৰু দ্ৰোণৰ জৰিয়তে আটক কৰিব এই ২৫০০ গৰাকীলোকক।
বৰ্তমানে অঞ্চলটোৰ সুৰক্ষাৰ বাবে অহা ৩০ নৱেম্বৰ তাৰিখলৈ বহিৰাগত লোকৰ প্ৰৱেশৰ ক্ষেত্ৰত নিষেধাজ্ঞা জাৰি কৰিছে প্ৰশাসনৰ ফালৰ পৰা। ইয়াৰ উপৰিও কোনো দলৰ নেতা বা সামাজিক সংগঠনৰ লোকৰ ক্ষেত্ৰতো আনিছে নিয়ম। চম্বলত প্ৰৱেশৰ বাবে অনুমতি লব লাগিব প্ৰশাসনৰ ফালৰ পৰা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
