ভাৰতত কেতিয়া আৰম্ভ হ’ব ৬ জি! ৫ জি সন্দৰ্ভতো সলনি হ’ব বহু
টেলিকম সঁজুলি আৰু নেটৱৰ্ক ডিপ্ল’ইমেণ্টৰ আগশাৰীৰ কোম্পানী এৰিক্সনে শেহতীয়াকৈ ৬জি সন্দৰ্ভত এটা ডাঙৰ আপডেট প্ৰকাশ কৰিছে। কোম্পানীটোৱে কয় যে বৰ্তমান বিশ্বই ৫জি ষ্টেণ্ডলোন (Standalone) আৰু ৫জি এডভাঞ্চ (Advanced) ৰ যুগত প্ৰৱেশ কৰিছে।
ইয়াৰ পিছত ৬জিয়ে টেলিকম খণ্ডত এনে পৰিৱৰ্তন আনিব যিয়ে নেটৱৰ্কক ৰূপান্তৰিত কৰিব। এৰিক্সনৰ মতে, যোগাযোগ সেৱা প্ৰদানকাৰী (CSP) সমূহে বৰ্তমান ৫জিক অধিক ফলপ্ৰসূ আৰু ব্যাপক কৰি তুলিবলৈ কাম কৰি আছে।
কেৱল এয়াই নহয়, আজিকালি কোম্পানীসমূহেও চেটেলাইট সংযোগৰ ওপৰত বহুত গুৰুত্ব দিছে, অৰ্থাৎ অতি সোনকালে ভাল নেটৱৰ্ক উপলব্ধ হ’ব আনকি যিবোৰ অঞ্চলত বৰ্তমান সংযোগ ভাল নহয়, সেইবোৰতো ভাল নেটৱৰ্ক হব।
শেহতীয়াকৈ এৰিক্সনে প্ৰকাশ কৰা এক প্ৰতিবেদনত কয় যে ২০৩০ চনৰ আশে-পাশে ৬জি প্ৰযুক্তি মুকলি হ’ব পাৰে। ভাৰত, জাপান, দক্ষিণ কোৰিয়া, আমেৰিকা, চীন আদি দেশত ইতিমধ্যে ৬জিৰ প্ৰস্তুতি আৰম্ভ হৈছে।
বৰ্তমান ৩২০ টাতকৈও অধিক টেলিকম অপাৰেটৰে ৫জি এছ এ নেটৱৰ্কৰ বাণিজ্যিক সেৱা আগবঢ়াই আছে। অৱশ্যে ই বিশ্বৰ মাত্ৰ ২০% অংশহে সামৰি লৈছে। এৰিক্সনে কয় যে ২০৩০ চনৰ ভিতৰত এই সংখ্যা ৬০% লৈ বৃদ্ধি পাব।
শেহতীয়াকৈ ভাৰতত ৫জি নেটৱৰ্কৰ সম্প্ৰসাৰণ অতি দ্ৰুতগতিত হৈছে। এয়াৰটেল আৰু জিঅ’ই মিলি দেশৰ প্ৰায় সকলো ৰাজ্য আৰু জিলাতে ৫জি সেৱা আৰম্ভ কৰিছে। যি সময়ত এয়াৰটেলে NSA অৰ্থাৎ Non-Standalone ৫জি নেটৱৰ্কৰ কাম কৰি আছে, যিটো বৰ্তমানৰ ৪ জি আন্তঃগাঁথনিৰ ওপৰত ভিত্তি কৰি অস্থায়ী সমাধান হিচাপে গণ্য কৰা হৈছে।
কেৱল এয়াই নহয়, এৰিক্সনে নিজৰ প্ৰতিবেদনত কয় যে উন্নত টেলিকম নেটৱৰ্কৰ বাবে ৫জি এক ডাঙৰ মাইলৰ খুঁটি হিচাপে প্ৰমাণিত হ’ব। এই প্ৰযুক্তিত অধিক ক্ষমতা আৰু উন্নত ব্যৱহাৰকাৰী অভিজ্ঞতা পোৱা যায়। ২০৩০ চনৰ ভিতৰত যেতিয়া ৫জি এডভান্সড সম্পূৰ্ণৰূপে মুকলি হ’ব, তেতিয়া মোবাইল ডাটা ট্ৰেফিক বৰ্তমানৰ তুলনাত তিনিগুণলৈকে বৃদ্ধি পাব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
