আধাতে পঢ়া সামৰি ৰাজনীতিত প্ৰৱেশ, এতিয়া ৰেকৰ্ড গঢ়ি চতুৰ্থ বাৰৰ বাবে মুখ্যমন্ত্ৰী হোৱাৰ দিশে সোৰেণ
আজি বৃহস্পতিবাৰে ঝাৰখণ্ডত নতুন চৰকাৰে শপত পাঠ পঢ়ি চৰকাৰ গঠন কৰিব। শেহতীয়া বিধানসভা নিৰ্বাচনত জয়ী হোৱা ঝাৰখণ্ড মুক্তি মৰ্চাৰ নেতা হেমন্ত সোৰেণে বৃহস্পতিবাৰে চতুৰ্থবাৰৰ বাবে ৰাজ্যৰ মুখ্যমন্ত্ৰী হিচাপে শপত গ্ৰহণ কৰিব।
চলিত বৰ্ষৰ ৩১ জানুৱাৰীত ভূমি কেলেংকাৰীৰ সৈতে জড়িত ধন সৰবৰাহৰ গোচৰত ইডিয়ে গ্ৰেপ্তাৰ কৰিছিল সোৰেণক, তাৰ পিছত মুখ্যমন্ত্ৰীৰ পদৰ পৰা পদত্যাগ কৰিবলগীয়া হৈছিল। যাৰ বাবে ৰাজ্যৰ নতুন মুখ্যমন্ত্ৰী হিচাপে কাম কৰিছিল চম্পাই সোৰেণে। ৰ
পাছত চলিত বৰ্ষৰে ৪ জুলাইত জেলৰ পৰা ওলাই অহাৰ পাছত হেমন্তই সোৰেণে চম্পাই ছ’ৰেনক মুখ্যমন্ত্ৰীৰ আসনৰ পৰা গুচাই নিজে হয়। কিন্তু কাৰ্যকাল শেষ হোৱাত পুনৰ নিৰ্বাচন হয়। সেই নিৰ্বাচনৰ পাছত ২৩ নৱেম্বৰত ঘোষণা কৰা ফলাফলৰ পিছত হেমন্ত সোৰেণ পুনৰ নিৰ্বাচিত হয়। আৰু এতিয়া আজি মুখ্যমন্ত্ৰী হিচাপে শপত পাঠ পঢ়িব।
ঝাৰখণ্ড মুক্তি মৰ্চাৰ নেতা হেমন্ত সোৰেণে এইবাৰ চতুৰ্থবাৰৰ বাবে ঝাৰখণ্ডৰ মুখ্যমন্ত্ৰী হ’বলৈ ওলাইছে। তেখেতক পিতৃ শিবু সোৰেণো ঝাৰখণ্ডৰ তিনিবাৰকৈ মুখ্যমন্ত্ৰীৰ আসনত অধিষ্ঠিত আছিল।
হেমন্ত সোৰেণৰ শিক্ষা জীৱনলৈ চোৱা হয় যদি, ১৯৭৫ চনৰ ১০ আগষ্টত জন্মগ্ৰহণ কৰি প্ৰাথমিক শিক্ষা আৰম্ভ কৰি ১৯৯০ চনত পাটনাৰ এম জি হাইস্কুলৰ পৰা মেট্ৰিকত উত্তীৰ্ণ হয়। পিছত ১৯৯৪ চনত পাটনা হাইস্কুলৰ পৰা হাইস্কুল শিক্ষা সমাপ্ত কৰে।
ৰাঁচীৰ বি আই টি (মেছৰা)ত মেকানিকেল ইঞ্জিনিয়াৰিঙৰ নামভৰ্তি কৰিছিল যদিও কিছু কাৰণত পঢ়া-শুনা সম্পূৰ্ণ কৰিব নোৱাৰিলে হেমন্ত সোৰেণে। পাছলৈ ৰাজনীতিত প্ৰৱেশ কৰে।
কল্পনা সোৰেণৰ সৈতে বিবাহিত জীৱনত হেমন্ত সোৰেণৰ দুই পুত্ৰ সন্তান। পত্নী কল্পনা সোৰেণো ৰাজনীতিত জড়িত। এইবাৰৰ নিৰ্বাচনত গাণ্ডে বিধানসভাৰ আসনৰ পৰা পত্নী কল্পনাই জয়লাভ কৰে। আনহাতে স্বামী মুখ্যমন্ত্ৰী নিৰ্বাচিত হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
