আপুনি SBI, HDFC ব IDFC ফাষ্ট বেংকৰ গ্ৰাহক নেকি? আপোনাৰ বেংক একাউণ্ট ডি এক্টিভ হৈ গৈছে? এই প্ৰতিবেদন আপোনাৰ বাবে সহায়ক হ’ব৷ ভাৰতীয় ৰিজাৰ্ভ বেংকৰ নিৰ্দেশ অনুসৰি যদি কোনো গ্ৰাহকে নিজৰ KYC নিৰ্ধাৰিত সময়ৰ ভিতৰত বেংকত জমা নকৰে তেন্তে তেনে একাউণ্ট ছাচপেণ্ড কৰি দিয়া হ’ব৷ তেতিয়া গ্ৰাহকে সেই একাউণ্টৰ পৰা কোনো লেনদেন কৰিব নোৱাৰে, আনকি জমা ধনো তুলিব নোৱাৰে৷ ফলত ঘোৰ বিপদ আহে গ্ৰাহকলৈ৷
২ ডিচেম্বৰত আৰ বি আই বা ভাৰতীয় ৰিজাৰ্ভ বেংকৰ নিৰ্দেশ অনুসৰি দেশজুৰি ডি এক্টিভ বেংক একাউণ্টসমূহক পুনৰ এক্টিভেট কৰিবলৈ গ্ৰাহকক সুযোগ দিব প্ৰায় সকলো বেংকেই৷ বেছিভাগ ক্ষেত্ৰতেই কে ৱাই চি সঠিক সময়ত জমা নকৰিলে একাউণ্টসমূহ ছাচপেণ্ড কৰা হয়৷ কেৱাইচি নিয়ম মানি দিলেই সেই ডি এক্টিভেট একাউণ্টসমূহ আকৌ এক্টিভ হৈ পৰে৷
কেনেকৈ ডি এক্টিভ একাউণ্ট এক্টিভ কৰিব? প্ৰত্যেক বেংকৰেই আছে নিজস্ব কিছু কিছু নিয়ম৷
HDFC বেংকৰ নিয়ম
বন্ধ একাউণ্টসমূহ আকৌ খুলিবলৈ গ্ৰাহকে তিনিটা নিয়ম মানি চলিব লাগে৷ আৰম্ভণিতেই গ্ৰাহকে বেংকৰ যি শাখাত একাউণ্ট আছে সেই শাখালৈ যাব লাগিব৷ নিজৰ স্বাক্ষৰ কৰা আবেদনপত্ৰ জমা কৰিব লাগিব৷ নিজে স্বাক্ষৰ কৰা চৰকাৰী পৰিচয়পত্ৰ আৰু নিজৰ স্থায়ী ঠিকনাৰ প্ৰমাণ দিব লাগিব৷ ইয়াৰপাছতেই খুলি যাব বন্ধ হৈ থকা একাউণ্টসমূহ৷ সম্ভৱ হ’ব লেনদেনো৷
IDFC বেংকৰ নিয়ম
স্বাক্ষৰ কৰা আবেদনপত্ৰ জমা দিব লাগিব৷ দিব লাগিব kyc নথিও৷ ইয়াৰপাছতেই একাউণ্ট এক্টিভ হৈ পৰিব৷ ইয়াৰ বাবে কোনো খৰচ কৰিব নালাগে গ্ৰাহকে৷ আৰ বি আইৰ নিয়ম অনুসৰি ডি এক্টিভ একাউণ্ট এক্টিভ কৰিব লাগিলে কোনো অৰ্থ বেংকক দিব নালাগে৷
SBI বেংকৰ নিয়ম
এই ক্ষেত্ৰত গ্ৰাহকে যিকোনো শাখালৈ গৈ নিজে স্বাক্ষৰ কৰা আবেদনপত্ৰ জমা কৰি kyc নথি বেংকত জমা দিব৷ বেংকে নথি পৰীক্ষাৰ পাছতেই আপোনাৰ ছাচপেণ্ড একাউণ্ট পুনৰ আৰম্ভ হ’ব৷ এছ এম এছৰ মাধ্যমেৰেও গ্ৰাহকে একাউণ্ট এক্টিভেছন কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
