শ্বাহৰুখ খানৰ তিনি সন্তানৰ ভিতৰত দুই সন্তানে ইতিমধ্যেই বলীউডত ভৰি দিছে৷ কেৰিয়াৰৰ আৰম্ভণি কৰিছে ছুহানা খান আৰু আৰিয়ান খানে৷ ছুহানা অভিনয় ক্ষেত্ৰত আৰু আৰিয়ানে পৰিচালনা জগতত ভৰি দিছে৷ শ্বাহৰুখৰ সৰু পুত্ৰ আব্ৰাহামো পিছ পৰি থকা নাই৷ মাত্ৰ ১১বছৰ বয়সতেই ডেবিউ কৰিছে আব্ৰামে৷ অভিনয় কিংবা অন্য ক্ষেত্ৰত নহয়, ভয়েছ অভাৰ আৰ্টিষ্ট হিচাপে এইবাৰ চিনেমাৰ ক্ৰেডিট লিষ্টত নাম উঠিছে আব্ৰামৰ৷
অভিনয় কিংবা অন্য ক্ষেত্ৰত নহয়, ভয়েছ অভাৰ আৰ্টিষ্ট হিচাপে এইবাৰ চিনেমাৰ ক্ৰেডিট লিষ্টত নাম উঠিছে আব্ৰামৰ৷ মুফাছাঃ দ্যা লায়ন কিং ছবিত শ্বাহৰুখৰ পৰিয়ালৰ তিনি সদস্যই কাম কৰিছে একেলগে৷ ছবিত মুফাছাৰ চৰিত্ৰত কণ্ঠ দিছে শ্বাহৰুখ খানে৷ ছিম্বাৰ চৰিত্ৰত কণ্ঠ দিছে আৰিয়ান খানে৷ আৰু মুফাছাৰ পুত্ৰ, বেবি মুফাছাৰ চৰিত্ৰত কণ্ঠ আব্ৰামে৷ আৰু তাতেই মোটা টকা উপাৰ্জন কৰিছে আব্ৰামে৷
শুনা গৈছে এই ডাবিঙৰ কামৰ বাবে আব্ৰাম খানে আয় কৰিছে মুঠ ১৫ লাখ টকা৷ দ্যা লায়ন কিঙত শ্বাহৰুখে প্ৰথমবাৰৰ বাবে পুত্ৰ আৰিয়ান খানৰ সৈতে একেলগে কাম কৰিছে৷ এইবাৰ দুই পুত্ৰৰ সৈতে একেলগে অভিনয় কৰা এই ছবিয়ে ২০ ডিচেম্বৰত মুক্তি লাভ কৰিব৷ ইতিমধ্যেই প্ৰকাশে আহিছে ছবিৰ ট্ৰেলাৰ৷ তাতেই আব্ৰামৰ কণ্ঠস্বৰে মন জয় কৰিছে সকলোৰে৷
উল্লেখ্য যে শ্বাহৰুখ খানে কেতিয়াও বিচৰা নাই যে তেওঁৰ সন্তানে পঢ়াশুনা এৰি অভিনয় ক্ষেত্ৰলৈ আহক৷ আৰিয়ান, ছুহানাকো শ্বাহৰুখে প্ৰথমে আনুষ্ঠানিক শিক্ষা শেষ কৰাইহে এই ক্ষেত্ৰলৈ আনিছে৷ কিন্তু আব্ৰামৰ ক্ষেত্ৰত কিছু পৃথক পন্থা ল’লে শ্বাহৰুখে৷ পঢ়াশুনাৰ সমান্তৰালকৈ আব্ৰামক ছবিৰ জগততো পৰিচয় কৰাইছে শ্বাহৰুখে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
