আজি বছৰটোৰ দীৰ্ঘতম পূৰ্ণিমা, লগতে ১৯ বছৰৰ পাছত বিৰল মহাজাগতিক আশ্চৰ্য্য
আজি ২০২৪ চনৰ শেষ পূৰ্ণিমা । লগতে আজি বছৰটোৰ সবাতোকৈ দীঘল পূৰ্ণিমাৰ নিশা। ইয়াৰ উপৰিও আজি আকাশত এক অনন্য জ্যোতিৰ্বিজ্ঞানৰ পৰিঘটনাই শোভা বঢ়াব। এই স্বকীয় পৰিঘটনা প্ৰায় ১৯ বছৰত এবাৰ ঘটে, যিটোক “চন্দ্ৰৰ ডাঙৰ স্থবিৰতা” বুলি জনা যায়। এই বছৰৰ শেষৰ পূৰ্ণিমাটো উত্তৰ দিশৰ পৰা উদয় হ’ব — যিটো পৰিঘটনা প্ৰতি ১৮.৬ বছৰৰ মূৰে মূৰে ঘটে।
ডিচেম্বৰৰ পূৰ্ণিমাক লং নাইটছ মুন আৰু কোল্ড মুন আদি বিভিন্ন নামেৰে জনা যায়। বিশেষভাৱে ইয়াক ‘শীতল চন্দ্ৰ’ বুলি কোৱা হয় , কিয়নো এই পূৰ্ণিমা ডিচেম্বৰৰ শীতৰ সময়ত হয়।
উত্তৰ গোলাৰ্ধৰ বাবে এই পূৰ্ণিমা বছৰৰ আটাইতকৈ দীঘলীয়া নিশা। আজিৰ দিনটোতে চন্দ্ৰই আকাশৰ শিখৰেৰে সৰ্বোচ্চ পথ গ্ৰহণ কৰে, যাৰ ফলত ইয়াৰ দৃশ্যমান হোৱাটো আন পূৰ্ণিমাতকৈ দীঘলীয়া হয়। যাৰ বাবে ইয়াক “দীঘলীয়া ৰাতিৰ চন্দ্ৰ” বুলি কয়।
অহা বছৰ এই শীতল চন্দ্ৰ ৫ ডিচেম্বৰত বিয়লি ৪:৪৪ বজাত হ’ব। উল্লেখযোগ্য যে শীতল চন্দ্ৰৰ সময় ঠাই অনুসৰি ভিন্ন হয় আৰু নিৰ্দিষ্ট সময় আৰু তাৰিখ স্থানীয় সময়ৰ ওপৰত ভিত্তি কৰি দিয়া হয়।
এই বছৰ লছ এঞ্জেলছৰ গ্ৰীফিথ মানৱ নিৰীক্ষণ কেন্দ্ৰই প্ৰকাশ কৰা অনুসৰি অহা আজি ১৫ ডিচেম্বৰৰ নিশা পূৰ্ণিমাৰ চন্দ্ৰ আকাশৰ আটাইতকৈ উত্তৰ বিন্দুত উপনীত হ’ব। যাৰ বাবে ইয়াক অধিক উজ্জল দেখা যাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
