গেছ পৰিবাহী টেংকাৰ ব্লাষ্ট, ৪০খনৰো অধিক বাহনলৈ বিয়পে জুই, বৰ্তমানলৈ ৪ গৰাকী নিহত
২০ ডিচেম্বৰ শুকুৰবাৰে পুৱাই আহে এক অতিকে ভয়ংকৰ অগ্নিকাণ্ডৰ খবৰ। এখন গেছ পৰিবাহী টেংকাৰ ব্লাষ্ট হৈ সংঘটিত হয় এই ভয়ংকৰ অগ্নিকাণ্ডৰ ঘটনা। যি অগ্নিকাণ্ডত মুহুৰ্ততে অন্য ৪০ খন মান বাহনলৈ বিয়পি পৰে জুই।
এই ভয়ংকৰ তথা অতিকে শিহৰণকাৰী ঘটনা সংঘটিত হৈছে ৰাজস্থানৰ ৰাজধানী জয়পুৰত। পুৱাৰ ভাগত সংঘটিত হৈছে এই ঘটনা। আজমেৰ ৰোডত সংঘটিত হয় এই ঘটনা।
বৰ্তমানলৈ জানিব পৰা অনুসৰি, এখন চি এন জি গেছ পৰিবাহী টেংকাৰ আছিল, য’ত এই অগ্নিকাণ্ডৰ সূত্ৰপাত হয় লগে লগে ৰাজপথত থকা অন্য প্ৰায় ৪০ খন মান বাহনলৈ মুহুৰ্ততে বিয়পি পৰে জুই।
অগ্নিকাণ্ডত বহুতো লোক আহত হোৱাৰ খবৰ। লগতে বৰ্তমানলৈ ৪ গৰাকী লোকে এই অগ্নিকাণ্ডৰ ফলত প্ৰাণ হেৰুওৱা বুলি তথ্য লাভ। আহতৰ সংখ্যা এতিয়াও জানিব পৰা হোৱা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
