আৰ জি কাৰ হাস্পতাল গোচৰ, ২.৪৫ বজাত ঐতিহাসিক ৰায়দান, সঞ্জয়ৰ কি হ’ব শাস্তি
বিগত বৰ্ষৰ ৯ আগষ্টৰ সংঘিটত হোৱা ঘটনাই সমগ্ৰ দেশতে ক্ষোভৰ সৃষ্টি কৰা আৰু দীৰ্ঘদিন ধৰি প্ৰতিবাদ অব্যাহত থকা সেই মহিলা চিকিৎসকৰ সৈতে সংঘটিত হোৱা জঘন্য অপৰাধৰ আজি ঐতিহাসিক ৰায়দান।
ছিয়ালডাহ আদালতৰ অতিৰিক্ত জিলা আৰু অধিবেশন ন্যায়াধীশ অনিৰ্বন দাসে শনিবাৰে সঞ্জয় ৰায়ক যোৱা বছৰৰ ৯ আগষ্টত চিকিৎসালয়ত এগৰাকী স্নাতকোত্তৰ প্ৰশিক্ষাৰ্থী মহিলা চিকিৎসকক ধৰ্ষণ আৰু হত্যাৰ গোচৰত দোষী সাব্যস্ত কৰে।
পশ্চিম বংগৰ ৰাজধানী কলকাতাৰ আৰ জি কৰ গোচৰত আজি ঘোষণা কৰা হ’ব এই শাস্তি। এতিয়া দিনৰ ২.৪৫ বজাত আদালতে ৰায় দিব। ইয়াৰ পূৰ্বে দুপৰীয়া ২.৩০ বজাৰ পিছত ৰায়দানৰ কথা আছিল যদিও দোষী আৰু অন্যান্যৰ চূড়ান্ত বক্তব্য শুনানি গ্ৰহণ কৰি আদালতে দুপৰীয়া ২.৪৫ বজালৈকে ৰায় সংৰক্ষিত কৰি ৰাখে।
ইয়াৰ পূৰ্বে কলকাতাৰ আদালতে চৰকাৰী আৰ জি কাৰ চিকিৎসা মহাবিদ্যালয় আৰু চিকিৎসালয়ত এগৰাকী মহিলা প্ৰশিক্ষাৰ্থী চিকিৎসকক ধৰ্ষণ আৰু হত্যাৰ গোচৰত সঞ্জয় ৰায়ক দোষী সাব্যস্ত কৰিছিল। যিবোৰ ধাৰাত ৰয়ক দোষী সাব্যস্ত কৰা হৈছে, সেইবোৰৰ অধীনত তেওঁ নূন্যতম যাৱজ্জীৱন কাৰাদণ্ডৰ সন্মুখীন হ’ব পাৰে, আনহাতে সৰ্বোচ্চ মৃত্যুদণ্ড হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
