দেশৰ সবাতোকৈ জনপ্ৰিয় মুখ্যমন্ত্ৰী হিমন্ত বিশ্ব শৰ্মা, পিছ পেলালে কাক কাক !
অসমৰ মুখ্যমন্ত্ৰী হিমন্ত বিশ্ব শৰ্মাৰ জনপ্ৰিয়তা বৃদ্ধি পাইছে, ২০২৫ চনৰ ফেব্ৰুৱাৰী মাহৰ শেহতীয়া ইণ্ডিয়া টুডেৰ মুড অৱ দ্য নেশ্যন (এম অ’ টি এন) সমীক্ষাত অসমৰ মুখ্যমন্ত্ৰী ড০ শৰ্মাৰ ৰেটিং ৫১ শতাংশৰ পৰা ৫৫.৪ শতাংশলৈ বৃদ্ধি পাইছে।
সমীক্ষাত প্ৰকাশ পাইছে যে অসমৰ ৫৫% তকৈ অধিক লোকে তেওঁৰ কৰ্মক্ষমতাৰ ওপৰত সন্তুষ্টি প্ৰকাশ কৰি নিজৰ প্ৰিয় মুখ্যমন্ত্ৰী হিচাপে ভোটদিছে। হিমন্ত বিশ্ব শৰ্মাই চন্দ্ৰবাবু নাইডু, মমতা বেনাৰ্জী, সিদ্ধাৰমাইয়াৰ দৰে আন ২৫ গৰাকী মুখ্যমন্ত্ৰীক পিছ পেলাই শীৰ্ষত উপনীত হয়।
এম অ’ টি এন সমীক্ষাত দেখা গৈছে যে বিগত এটা বছৰত শৰ্মাৰ ৰেটিংত ক্ৰমাগতভাৱে উৰ্ধমুখী হৈছে। ২০২৩ চনৰ আগষ্ট মাহত অসমৰ ৪৯.২% উত্তৰদাতাই তেওঁৰ নেতৃত্বত সন্তুষ্ট হৈছিল, যিটো ২০২৪ চনৰ ফেব্ৰুৱাৰী মাহত ৪৮.৬% আৰু ২০২৪ চনৰ আগষ্ট মাহত ৫০.৮% লৈ সামান্য বৃদ্ধি পাইছিল, তাৰ পিছত ২০২৫ চনৰ ফেব্ৰুৱাৰী মাহত ৫৫.৪% লৈ বৃদ্ধি পায়।
মুখ্যমন্ত্ৰী শৰ্মাৰ জনপ্ৰিয়তা বৃদ্ধিক তেওঁৰ শক্তিশালী নেতৃত্ব শৈলী আৰু কাৰ্যকৰী নীতিগত ব্যৱস্থাৰ এক শক্তিশালী সূচক হিচাপে দেখা যায় যিয়ে অসমৰ জনসাধাৰণৰ মাজত ভালদৰে অনুৰণন ঘটাইছে। এই বৰ্ধিত সমৰ্থনে ৰাজ্যখনৰ শাসকীয় বিজেপিৰ বাবে এক উত্থানেই নহয়, সমগ্ৰ দেশৰে নিৰ্বাচনত ষ্টাৰ নেতা হিচাপে আত্মপ্ৰকাশ পাাইছে। দিল্লী নিৰ্বাচনেই তাৰ উদাহৰণ।
উল্লেখ্য যে, ২০২৫ চনৰ ২ জানুৱাৰীৰ পৰা ৯ ফেব্ৰুৱাৰীৰ ভিতৰত ইণ্ডিয়া টুডে-চিভোটাৰ মুড অৱ দ্য নেচন (এম অ’ টি এন) সমীক্ষাত লোকসভাৰ সকলো খণ্ডৰ ১২৫,১২৩ জন ব্যক্তিৰ ওপৰত সমীক্ষা কৰা হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
