আকৌ এবাৰ মোদী চৰকাৰে দিছে বৃহৎ সুযোগ৷ এইবাৰ কাম শিকাৰ সময়তেই শিক্ষানবীশসকলে মাহিলী পাব ৫ হাজাৰকৈ টকা৷ এইবাৰ দ্বিতীয় ৰাউণ্ডৰ বাবে পি এম ইণ্টাৰ্ণচিপ আৰম্ভ কৰিছে কেন্দ্ৰীয় চৰকাৰে৷ জানি থওক কি কি যোগ্যতা লাগিব এই ধনলাভৰ বাবে? কেতিয়া কৰিব লাগিব ৰেজিষ্ট্ৰেছন?
প্ৰথম ৰাউণ্ডত ৬ লাখৰো বেছি আবেদনৰ অভূতপূৰ্ব প্ৰতিক্ৰিয়াৰ পাছত প্ৰধানমন্ত্ৰীৰ ইণ্টাৰ্ণচিপ স্কিমৰ দ্বিতীয় ৰাউণ্ড আৰম্ভ কৰিব৷ তাতেই ১ লাখতকৈ বেছি ইণ্টাৰ্নছিপ পদৰ সুবিধা দিছে চৰকাৰে৷ এই স্কিম উচ্চাকাংক্ষী তৰুণ পেছাদাৰক তেল আৰু গেছ, বেংকিং, হস্পিটেলিটি, অটোমোটিভ, মেনুফেকচাৰিং আৰু এছ এম চি জিসহ বিভিন্ন চেক্টৰৰ নেতৃস্থানীয় সংস্থাসমূহ ১২ মাহৰ মাহিলী টকাৰ ইণ্টাৰ্ণচিপৰ সুযোগ দিছে৷
দেশৰ কৰ্মসংস্থাপন বৃদ্ধিৰ বাবে এই উদ্যোগ
প্ৰধানমন্ত্ৰীৰ এই উদ্যোগত সকলো মিলি ৭৩০খন জিলা ৩০০ টাতকৈ বেছি কোম্পানীয়ে অংশগ্ৰহণ কৰিছে৷ মূলত যুৱকসকলৰ ব্যৱহাৰিক অভিজ্ঞতা অৰ্জন আৰু পেছাদাৰ নেটৱৰ্কত কাম কৰাৰ অভিজ্ঞতা দিয়াৰ বাবে এই সুযোগ দিয়া হৈছে৷ এইক্ষেত্ৰত আবেদনকাৰীয়ে চেক্টৰ, কৰ্মক্ষেত্ৰত আগ্ৰহৰ ওপৰত ভিত্তি কৰি ইণ্টাৰ্নছিপ বাচি ল’ব পাৰে৷ আনকি এই ক্ষেত্ৰত সুবিধাৰ বাবে তেওঁলোকে বৰ্তমান ঠিকনাৰ পৰা এক নিৰ্দিষ্ট এলেকা ঠিক কৰি ল’ব পাৰে৷ এই দ্বিতীয় ৰাউণ্ডত প্ৰতিজন প্ৰাৰ্থীয়ে সময়সীমাৰ পূৰ্বে সৰ্বোচ্চ ৩টা ইণ্টাৰ্ণচিপত আবেদন কৰিব পাৰে৷
প্ৰধানমন্ত্ৰী ইণ্টাৰ্ণচিপ স্কিমৰ যোগ্যতা, সুবিধা
কৰ্পোৰেট বিষয়ক মন্ত্ৰণালয়ৰ নেতৃত্বত স্কিমটোৰ লক্ষ্য ২১ৰ পৰা ২৪ বছৰ বয়সীয়াসকলে কামৰ সুযোগ পাব৷ বৰ্তমান যিসকল শিক্ষাৰ্থী তেওঁলোকক কাম শিকাই সময়ত নিযুক্ত কৰোৱাই চৰকাৰৰ এই প্ৰকল্পৰ লক্ষ্য৷ এই স্কিমত নিৰ্বাচিত ইণ্টাৰ্নে মাহত ৫০০০ টকা সাহায্য পাব৷ পৰবৰ্তীসময়ত ৬০০০ টকাৰ এককালীন সাহায্য পাব৷ এই ইণ্টাৰ্ণচিপসমূহ নূন্যতম ৬ মাহৰ বাবে দিয়া হয়৷
কোনে কোনে পাব এই সুযোগ?
১. যিসকলে ফুল টাইম চাকৰি কৰিছে তেওঁলোকে এই সুযোগ নাপায়৷
২. এই ক্ষেত্ৰত পৰিয়ালৰ সদস্যৰ বাৰ্ষিক ৪লাখ টকাতকৈ বেছি আয় কৰে তেতিয়াহ’লে আপুনি আবেদন কৰিব নোৱাৰিব৷
৩. কোনোৱে চৰকাৰী চাকৰি কৰিলে ইয়াত আবেদন কৰিব নোৱাৰিব৷
প্ৰধানমন্ত্ৰী ইণ্টাৰ্ণচিপ স্কিমৰ দ্বিতীয় ৰাউণ্ডৰ শেষ তাৰিখ
প্ৰাৰ্থীয়ে ১২ মাৰ্চ, ২০২৫ পৰ্যন্ত ৰেজিষ্ট্ৰেচনৰ বাবে আবেদন কৰিব পাৰিব৷
https://pminternship.mca.gov.in/login/-গৈ আবেদন কৰক৷
ইয়াৰপাছতেই ৰেজিষ্ট্ৰেচন নাওত ক্লিক কৰক৷
আপোনাৰ নম্বৰ লিখক আৰু কমপ্লিটত ক্লিক কৰক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
