প্ৰায় ৫ ঘণ্টা ধৰি ভয়ংকৰ অগ্নিকাণ্ড, প্ৰাণ হেৰুৱালে একে পৰিয়ালৰে ৫ সদস্যৰ লগতে মুঠ ৬
উত্তৰ প্ৰদেশৰ কানপুৰত সংঘটিত হৈছে এক অতিকে হৃদয়বিদাৰক ঘটনা। একে পৰিয়ালৰে ৫ গৰাকী লোকে হেৰুৱালে প্ৰাণ। লগতে প্ৰাণ হেৰুৱাই এগৰাকী অন্য লোকেও। এই ঘটনা সংঘটিত হৈছে কালি ৪ মে’ৰ নিশা প্ৰায় ৯.৩০ মান বজাত।
এটা ৫ মহলীয়া অট্টালিকাত থকা এটা জোতা বনোৱা ফেক্টৰীত এই অগ্নিকাণ্ডৰ ঘটনা সংঘটিত হয়। অট্টালিকাটোৰ চতুৰ্থ মহলাত এই জুইৰ সুত্ৰপাত হয়। কিন্তু সেই মহলাতে ৬ জন লোক আৱদ্ধ হৈ পৰাত অকালতে প্ৰাণ হেৰুৱাই।
প্ৰাণ হেৰুওৱা লোক কেইগৰাকী- জোতা ব্যৱসায়ী পিতৃ, মাতৃ আৰু ৩ কন্যা, লগতে আন এগৰাকী লোক। সম্ভৱতঃ ঘৰৰ সহায়ক আছিল ষষ্ঠ নিহত লোক গৰাকী।
ঘটনা ইমানেই ভয়ংকৰ আছিল যে, প্ৰায় ৩৫ খন মান অগ্নি নিৰ্বাপক বাহিনীৰ বাহন আহি জুই নিৰ্বাপনৰ চেষ্টা কৰে। কিন্তু পুৱতি নিশা প্ৰায় ৩ মান বজাত হে এই জুই নিয়ন্ত্ৰণলৈ আহে। জুই নিয়ন্ত্ৰণলৈ অহাৰ পাছতহে উদ্ধাৰকাৰী দলে ঘৰটোত প্ৰৱেশ কৰাত ৬ গৰাকী লোকৰ অদ্নিদ্বগ্ধ নিথৰ দেহ উদ্ধাৰ কৰে।
ঘটনা সন্দৰ্ভত এতিয়াও ইয়াৰ সঠিক কাৰণ জানিব পৰা হোৱা নাই, যদিও শ্বৰ্ট চাৰ্কিট হোৱাৰ ফলতেই এই ভয়ংকৰ অগ্নিকাণ্ড সংঘটিত হোৱাৰ সম্ভাৱনা বুলি ব্যক্ত কৰিছে আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
