আই পি এলৰ ১৮ বছৰীয়া ইতিহাসত লজ্জাজনক ৰেকৰ্ড দিল্লীৰ নামত
ইণ্ডিয়ান প্ৰিমিয়াৰ লীগৰ ১৮ সংখ্যক ছিজনত প্লে অফত প্ৰৱেশ কৰা চতুৰ্থটো দল ২১ মে’ত মুম্বাই আৰু দিল্লীৰ মাজত অনুষ্ঠিত হোৱা মেচখনেৰে সিদ্ধান্ত লোৱা হয়।
এই মেচখনত মুম্বাই দলৰ আধিপত্য সম্পূৰ্ণৰূপে দেখা যায়, য’ত প্ৰথমে বেটিং কৰি মুম্বাইয়ে ১৮০ ৰান সংগ্ৰহ কৰে। পিছত দিল্লী দলক ১২১ ৰানত বান্ধি ৰাখি ৫৯ ৰানত জয়লাভ কৰে। ইয়াৰ লগে লগে মুম্বাই দলটোৱে প্লে অফৰ বাবে নিজৰ স্থান নিশ্চিত কৰিলে।
আনহাতে ছিজনৰ আৰম্ভণিতে পইণ্ট টেবুলত এক নম্বৰ স্থানত থকা দিল্লী কেপিটেলে প্লে অফৰ স্থান হেৰুৱাইছ৷ ইয়াৰ লগে লগে আই পি এলৰ ১৮ বছৰীয়া ইতিহাসত দিল্লীৰ নামত এক লজ্জাজনক অভিলেখো পঞ্জীয়ন হয়।
আই পি এলৰ ইতিহাসত প্ৰথমবাৰৰ বাবে কোনো দলে প্ৰথম চাৰিখন মেচতে জয়লাভ কৰি ছিজনটো সৰ্বাধিক পইণ্টেৰে চিজন আৰম্ভ কৰে যদিও পিছলৈ প্লে অফত নিজৰ স্থান নিশ্চিত কৰিব নোৱাৰিলে। এই অতি দুৰ্বল অভিলেখ এতিয়া দিল্লী কেপিটেলছৰ নামত পঞ্জীয়ন কৰা হৈছে।
অক্ষৰ পেটেলৰ অধিনায়কত্বত দিল্লী কেপিটেলছে ছিজনৰ আৰম্ভণি সুন্দৰভাৱে কৰিছিল, প্ৰথম চাৰিখন মেচত লক্ষ্ণৌ, হায়দৰাবাদ, চেন্নাই আৰু আৰ চি বিক পৰাস্ত কৰাৰ পিছত ১৩ এপ্ৰিলত মুম্বাই ইণ্ডিয়ানছৰ বিৰুদ্ধে ছিজনৰ প্ৰথমটো পৰাজয়ৰ সন্মুখীন হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
