বিশেষ ঘোষণা, অলিম্পিকত সোণৰ পদক জয় কৰিলেই পাব ৭ কোটি লগতে চাকৰি
এক বিশেষ সিদ্ধান্ত গ্ৰহণ কৰিছে দিল্লী চৰকাৰে। এইবাৰৰ পৰা অলিম্পিকত সোণৰ পদক লাভ কৰিলেই দিল্লী চৰকাৰৰ ফালৰ পৰা লাভ কৰিব ৭ কোটি টকা লগতে চৰকাৰী চাকৰি।
মুখ্যমন্ত্ৰীৰ ক্ৰীড়া প্ৰসাৰ আঁচনিৰ অধীনত দিল্লী চৰকাৰে গ্ৰহণ কৰিছে এই ঐতিহাসিক সিদ্ধান্ত। দিল্লীৰ মন্ত্ৰী আশীষ ছুদে জনাইছে যে অলিম্পিকত বিজয়ীসকলৰ নগদ পুৰস্কাৰ চৰকাৰে বৃদ্ধি কৰিছে। পদক জয় কৰিলেই লাভ কৰিব বহু টকা।
সংবাদমেলত মন্ত্ৰী আশীষ ছুদে কয় যে অলিম্পিকত সোণৰ পদক লাভ কৰা প্ৰতি খেলুৱৈক দিয়া হ’ব ৭ কোটি টকা, ৰূপৰ পদক লাভ কৰা খেলুৱৈক দিয়া হব ৫ কোটি টকা আৰু ব্ৰঞ্জৰ পদক লাভ কৰা খেলুৱৈক দিয়া হব ৩ কোটি টকা।
কেৱল সিমানেই নহয়, লগতে ইয়াকো সদৰি কৰি যে, অলিম্পিকত স্বৰ্ণ আৰু ৰূপৰ পদক লাভ কৰা খেলুৱৈক গ্ৰুপ এ আৰু ব্ৰঞ্জৰ পদক বিজয়ীসকলক দিল্লী চৰকাৰে গ্ৰুপ বি পৰ্যায়ৰ চাকৰি প্ৰদান কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
