আপুনি যদি প্ৰতিদিনে নানান কামত UPIৰ সুবিধা ব্যৱহাৰ কৰে তেন্তে এই খবৰটো আপোনাৰ বাবে গুৰুত্বপূৰ্ণ৷ প্ৰকৃততে নেশ্ব্যনেল পেমেণ্টছ কৰ্পোৰেছন অফ ইণ্ডিয়াই ১ আগষ্ট ২০২৫ৰ পৰা UPI পেমেণ্ট সম্পৰ্কিত নতুন নিয়ম কাৰ্যকৰ কৰিব৷ এই নিয়মসমূহৰ উদ্দেশ্য হৈছে UPI চিষ্টেমক পূৰ্বতকৈ দ্ৰুত, নিৰাপদ আৰু নিৰ্ভৰযোগ্য কৰি তোলা৷
নিয়মসমূহ
১. বেলেন্স চেক কৰাৰ সীমা
UPI ব্যৱহাৰকাৰীয়ে দিনে মাত্ৰ ৫০ বাৰ এপত তেওঁলোকৰ একাউণ্ট বেলেন্স চেক কৰিব পাৰিব৷ অৰ্থাৎ UPI চিষ্টেমক নিয়ন্ত্ৰণ কৰিবলৈ সীমা আৰোপ কৰা হৈছে৷
২. লিংকড একাউণ্ট তথ্য
যি বেংক একাউণ্টৰ সৈতে আপোনাৰ মোবাইল নম্বৰটো লিংক কৰা আছে সেই মোবাইল নম্বেৰেৰে দিনে মাত্ৰ ২৫ বাৰহে পৰীক্ষা কৰিব পাৰিব আপোনাৰ UPIৰ বেলেন্স তথ্য৷
৩. অটো পে পেমেণ্টৰ বাবে নিৰ্ধাৰিত সময়সীমা
UPIৰ মাধ্যমেৰে চাবস্ক্ৰিপছন ভিত্তিক অটো ডেবিট যেনে Netflix বা SIP ইত্যাদি কেৱল নন পিক সময়তে ব্যৱহাৰ কৰিব পাৰিব৷ অৰ্থাৎ পুৱা ১০ বজাৰ পূৰ্বে আৰু দুপৰীয়া ১ বজাৰ পৰা বিয়লি ৫ বজালৈকে আৰু নিশা ৯.৩০ মিনিটৰ পাছত৷
৪. UPI লেনদেনৰ স্থিতি পৰীক্ষা কৰাৰ সীমা
যদি কোনো পেমেণ্ট ৰৈ গৈছে তেন্তে আপুনি কেৱল তিনিবাৰহে তাৰ স্থিতি পৰীক্ষা কৰিব পাৰিব৷ আৰু প্ৰতিটো পৰীক্ষাৰ মাজত কমপক্ষেও ৯০ ছেকেণ্ডৰ ব্যৱধান থাকিব লাগিব৷
এই নতুন নিয়মসমূহৰ উদ্দেশ্য হৈছে UPI চাৰ্ভাৰৰ ওপৰত লোড কমোৱা আৰু ঘনে ঘনে বিভ্ৰাটৰ দৰে সমস্যা প্ৰতিৰোধ কৰা৷
বিগত ৬মাহৰ ডাঙৰ পৰিবৰ্তন
১. উন্নত গতিৰ বাবে APIৰ সময়সীমা হ্ৰাস
২০২৫ চনৰ জুনত NPCI UPI APIৰ প্ৰতিক্ৰিয়া সময়ক Request-Payআৰু Response-Pay-ৰ বাবে ১৫ ছেকেণ্ড আৰু লেনদেনৰ স্থিতি পৰীক্ষা আৰু ব্যৰ্থ লেনদেন বিপৰীতকৰণৰ বাবে ১০ ছেকেণ্ড কমাই আনিছে৷ ই লেনদেনৰ গতি বৃদ্ধি কৰিছে৷
২. পেমেণ্টৰ পূৰ্বে সুবিধাভোগীৰ নাম দেখা যাব
৩০ জুন ২০২৫ ৰ পৰা প্ৰতিটো ইউ পি আই পেমেণ্ট কৰাৰ পূৰ্বে আপুনি বেংকত নিবন্ধিত গ্ৰাহকৰ নাম দেখা পাব৷ এই পৰিবৰ্তনৰ ফলত জালিয়াতিমূলক লেনদেন ব্যাপকভাৱে হ্ৰাস পাব বুলি আশা কৰা হৈছে৷
৩. চাৰ্জবেক সীমা স্থিৰকৰণ
NPCIয়ে ডিচেম্বৰ ২০২৪ চনত UPI চাৰ্জবেকৰ সীমা নিৰ্ধাৰণ কৰিছে৷ এজন গ্ৰাহকে ৩০ দিনত সৰ্বোচ্চ ১০ বাৰ আৰু একেই ব্যক্তি বা প্ৰতিষ্ঠানৰ সৈতে সৰ্বোচ্চ ৫বাৰ চাৰ্জবেক দাবী কৰিব পাৰিব৷
এই পৰিবৰ্তনসমূহৰ কাৰণ কি?
প্ৰতিমাহে UPIত প্ৰায় ১৬ বিলিয়ন লেনদেন হয়৷ চিষ্টেমত উচ্চ লোডৰ কাৰণে, এপ্ৰিল আৰু মে মাহত প্ৰায়েই বিভ্ৰাটৰ অভিযোগ আহিছিল৷ NPCI য়ে কৈছে যে বেছিভাগ সমস্যা UPI API-তে অতিৰিক্ত কলৰ কাৰণে হয়৷ যেনেকৈ প্ৰতি ২ মিনিটত বেলেন্স চেক কৰা বা একেই লেনদেন বাৰেবাৰে ৰিফ্ৰেছ কৰা৷ এই নতুন নিয়মসমূহে এই প্ৰক্ৰিয়াসমূহ কমোৱাত সহায় কৰিব, যিয়ে চিষ্টেমটোক আৰু দ্ৰুত আৰু মসৃণ কৰি তুলিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
