১৯৯৫ত প্ৰথমবাৰ বিশ্বৰ সকলোতকৈ ধনী ব্যক্তিৰ খিতাপ তেওঁ অৰ্জন কৰিছিল৷ তাৰপিছতেই ১৮ বছৰ ধৰি লেথাৰিকৈ তেওঁ বিশ্বৰ ধনী ব্যক্তিৰ তালিকাত প্ৰথম স্থানত আছে৷ মাত্ৰ ১৩ বছৰ বয়সৰ পৰা প্ৰগ্ৰামিঙৰ পথেৰে যাত্ৰা আৰম্ভ কৰিছিল এসময়ৰ সৰ্বোচ্চ ধনী ব্যক্তিয়ে৷ কিন্তু বৰ্তমান নিজৰ সম্পত্তিৰ সৰ্বস্ব বিলাই দিয়াৰ সিদ্ধান্ত হৈছে৷ মাইক্ৰছফ্ট সংস্থাৰ অন্যতম কৰ্ণধাৰ বিল গেটছে তেওঁৰ সমূহ সম্পত্তিৰ ৮০শতাংশই বিলাই দিয়াৰ সিদ্ধান্ত লৈছে৷
বিল গেটছ, সম্পূৰ্ণ নাম উইলিয়াম হেনৰি গেটছ তৃতীয়৷ ১৯৫৫ চনৰ ২৮ অক্টোবৰত যুক্তৰাষ্ট্ৰৰ ছিয়াটলত তেওঁৰ জন্ম৷ সৰুৰে পৰাই কম্পিউটাৰত বিশেষ আগ্ৰহ আছিল বিল গেটছৰ৷ ছফ্টৱেৰ কি কেনেকৈ কাম কৰে? নতুন নতুন উদ্ভাৱনৰ প্ৰতি আগ্ৰহ আছিল অতি প্ৰবল৷ মাত্ৰ ১৩ বছৰ বয়সৰ পৰাই কম্পিউটাৰ প্ৰগ্ৰামিঙৰ বিষয়ক লৈ তেওঁ বিভিন্ন কাম কৰিছে৷
ছিয়াটলৰ লেকছাইড স্কুলৰ ছাত্ৰ আছিল তেওঁ৷ ১৯৭৩চনত গণিত আৰু কম্পিউটাৰ চায়েন্সত পঢ়াশুনা আৰম্ভ কৰে হাৰ্ভাৰ্ড বিশ্ববিদ্যালয়ৰ পৰা৷ কিন্তু পঢ়াশুনা তেওঁ শেষ নকৰিলে৷ নতুন কিছু উদ্ভাৱনৰ তাগিদাতেই আধাতেই পঢ়া এৰি তেওঁ ছফ্টৱেৰ তৈয়াৰৰ কামত লাগে৷ প্ৰথমে বন্ধুৰ সৈতে মিলি ট্ৰাফ আৰু ডাটা নামৰ এটা ছফ্টৱেৰ তৈয়াৰ কৰিছিল৷ এই ছফ্টৱেৰে বাহনৰ ট্ৰেফিক ডাটা বিশ্লেষণ কৰিবলৈ সক্ষম বুলি তেতিয়া তেওঁ দাবী কৰিছিল৷ কিন্তু সেই আৱিষ্কাৰে তেওঁৰ মনক শান্ত ৰাখিব পৰা নাছিল৷ পাছলৈ তেওঁ বিশ্ববিদ্যালয় বাদ দি সমগ্ৰ সময় মাইক্ৰছফ্ট তৈয়াৰৰ কামত নিজকে নিযুক্ত কৰে৷
চিকিৎসা সংক্ৰান্তিয় নানান কামত ইতিমধ্যেই প্ৰায় ১০ হাজাৰ কোটি ডলাৰ ব্যয় কৰিছে গেটছে৷ ইয়াৰ ফলত বিশ্বত শিশুমৃত্যুৰ হাৰ কমিছে বুলিও দাবী কৰিছে বহুতে৷ কিন্তু তেওঁ ইয়াতেই সন্তুষ্ট নহয়৷ তেওঁৰ আশাংকা যে যি হাৰত বিদেশী সাহায্য কমাই অনা হৈছে তেনে পৰিস্থিতিত আফ্ৰিকাৰ দেশসমূহৰ আৰু উন্নতি নহব৷ শেষ জীৱনত যেন তেওঁ সম্পদৰ সকলোখিনিয়েই উন্নয়ণমূলক কোনো কামত লগাব পাৰে সেই চেষ্টাই কৰিছে গেটছে৷
প্ৰতিষ্ঠা দিৱসৰ অনুষ্ঠানত তেওঁ কয়, ‘যদি মোৰ আৰু সময় থাকিলহেতেন এনে ভাৱ আহে৷ মই মানিবই লাগিব যে মোৰ এয়া জীৱনৰ শেষ অধ্যায়৷ আৰু মই এই সম্পদৰ এজন অভিভাৱক৷ মই নিশ্চিত কৰি যাব লাগিব যাতে মোৰ এই অৰ্থ সঠিকভাৱে ব্যয় হয়৷ এয়াই মোৰ জীৱনৰ শেষৰটো সপোন৷’
উল্লেখ কৰা প্ৰয়োজন যে বিল গেটছে শীঘ্ৰেই ৭০বছৰত ভৰি দিব৷ বাৰ্ধক্য আহিলেও আগন্তুক ২০ বছৰৰ সপোন তেওঁৰ দুচকুত৷ শেষ বয়সত তেওঁ বিপুল সম্পদ এৰি সাধাৰণ জীৱন যাপনৰ প্ৰতি খুবেই আগ্ৰহী৷ সেয়ে তেওঁ ভাষণত কৈছে, ‘মই আশা কৰো ২০বছৰৰ সপোন থাকিলেও ২০ বছৰতকৈ বেছি সময় মই জীয়াই থাকিম৷ যিমান খিনি প্ৰয়োজন যেন লাগে বাৰ্ধক্যৰ বাবে সেইখিনি সামান্য ধন নিজৰ বাবে ৰাখি বাকীখিনি মই আফ্ৰিকাৰ বাবেই দিব খোজো৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
