সকলোৱেই বিচাৰে পৰিয়ালটো সুখৰ হওক৷ সংসাৰত শান্তি থাকক৷ সমৃদ্ধিও থাকক৷ সেইমতেই পৰিশ্ৰমো কৰে৷ কিন্তু পৰিশ্ৰমৰ অন্তত বহুতেই কাঙ্খিত ফল লাভ নকৰে৷ ইয়াৰ কাৰণ বাস্তুদোষ বুলি জ্যোতিষশাস্ত্ৰত উল্লেখ আছে৷ বাস্তু দোষৰ বাবেই সংসাৰত অশান্তি আৰম্ভ হব পাৰে৷ জীৱনলৈ আহিব পাৰে নানান বাধা৷ ইয়াৰোপৰি শাৰীৰিক সমস্যাইয়ো ঘেৰি ধৰিব পাৰে৷ সেয়ে বাস্তুক লৈ সাবধান হোৱা জৰুৰী৷ মানি চলক কেইটামান নীতি৷ তেতিয়া সংসাৰত পজিটিভ এনাৰ্জি বিৰাজ কৰিবই৷ আপুন আৰু পৰিয়ালৰ অন্যান্য সদস্যসকলে সুখ আৰু সমৃদ্ধিও লাভ কৰে৷ ঘৰলৈ লক্ষ্মীৰো আগমন হয়৷ সময় নষ্ট নকৰি জানি থওক বাস্তু টিপছ৷
ঘৰৰ সমুখভাগত তুলসী গছ ৰাখক
বাস্তুশাস্ত্ৰমতে তুলসী হৈছে সৌভাগ্যৰ প্ৰতীক৷ ই ঘৰত পজিটিভ এনাৰ্জি আনি দিব পাৰে৷ বাহিৰ কৰিব যিকোনো নেতিবাচক শক্তি৷ তুলসী হৈছে মা লক্ষ্মী আৰু ভগৱান বিষ্ণুৰ প্ৰতীক৷ সেই কাৰণেই ঘৰত তুলসী গছ ৰখা শুভ৷ বিশেষকৈ ঘৰৰ মূল প্ৰৱেশদ্বাৰত যদি তুলসী গছ লগাই বহু উপকাৰ আপুনি লাভ কৰিব৷
শোৱাৰ দিশ
বাস্তুশাস্ত্ৰ অনুসৰি আপুনি কোন দিশে শোৱে তাৰ ওপৰতো বহু কথা নিৰ্ভৰ কৰে৷ আনকি আপোনাৰ স্বাস্থ্যও নিৰ্ভৰ কৰে তাৰ ওপৰত৷ সেয়ে শোৱাৰ দিশ নিৰ্বাচন কৰক৷ এইক্ষেত্ৰত ভুলতো উত্তৰ দিশৰ মূৰ থৈ নুশুৱ৷ এনেকৈ শুলে ভয়াৱহ স্বাস্থ্যজনিত সমস্যা আহিব পাৰে৷ উত্তৰ দিশত এক বিশেষ শক্তি থাকে৷ সেই শক্তিয়ে আমাৰ শৰীৰৰ শক্তিৰ সৈতে বিপৰীত প্ৰতিক্ৰিয়া তৈয়াৰ কৰিব পাৰে৷ যাৰ ফলত সমস্যা হোৱাৰ আশংকা বাঢ়ে৷ সেয়ে উত্তৰ দিশত মুৰ থৈ নুশুওৱাটো মঙ্গল৷ দক্ষিণ বা পূৰ্ব দিশত মূৰ থৈ শুৱ পাৰে৷
ঘৰৰ খিৰিকি কোন দিশে দিব?
ঘৰৰ খিৰিকি এক গুৰুত্বপূৰ্ণ বিষয়৷ এইক্ষেত্ৰত দক্ষিণ দিশত খিৰিকি থকা জৰুৰী৷ এই দিশত খিৰিকি থাকিলে ঘৰ সমৃদ্ধিৰে ভৰি পৰিব৷ পজিটিভ এনাৰ্জিয়ে বিৰাজ কৰিব সমগ্ৰ স্থানত৷ ইয়াৰোপৰি দক্ষিণ দিশত খিৰিকি থাকিলে উপকাৰ লাভ হয় বুলি শাস্ত্ৰত উল্লেখ আছে৷
ঘড়ী কোন দিশে ৰখা উচিত?
ঘৰৰ ৱাল ঘড়ীৰ মুখ সকলোসময়তে পশ্চিম আৰু উত্তৰ দিশত হ’ব লাগে৷ ঘড়ী প্ৰকৃততে সময়ৰ প্ৰতীক৷ সেয়ে এই দুই দিশত ঘড়ি ৰাখিলে পজিটিভ এনাৰ্জিৰে ঘূৰিবলৈ ধৰে৷ যাৰ ফলত জীৱনলৈ প্ৰশান্তি আহে৷
আচবাব ঠিক দিশত ৰাখক
বাস্তুশাস্ত্ৰমতে সঠিক দিশত আচবাবো ৰখা উচিত৷ তেতিয়াহে পজিটিভ এনাৰ্জি আহে৷ ইয়াৰোপৰি পৰিয়ালৰ সকলোৰে স্বাস্থ্যও ভালে থাকিব৷ এইক্ষেত্ৰত দক্ষিণ পশ্চিম দিশত আচবাব ৰাখিলে সকলোতকৈ বেছি লাভ পাব৷ সংসাৰলৈ উভতি আহিব শান্তি৷ ইয়াৰোপৰি সুৰক্ষিত থাকিব পৰিয়ালৰ সদস্যসকলো৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
