বুধবাৰে পুৱা ভয়াৱহ বিমান দুৰ্ঘটনাত মৃত্যু হৈছে মহাৰাষ্ট্ৰৰ উপমুখ্যমন্ত্ৰী অজিত পাৱাৰৰ৷ পুণেৰ বাৰামতিত ভাঙি পৰে তেওঁৰ বিমান৷ লগে লগেই বিমানখনত জুই লাগে৷ তাতেই মৰ্মান্তিক পৰিণতি এন চিপি প্ৰেচিডেণ্টসহ পাঁচজনৰ৷ এই ঘটনাই আকৌ এবাৰ মনত পেলাইছে ২০২৫ৰ আহমেদাবাদৰ বিমান দুৰ্ঘটনাৰ ছবিও৷ এয়াৰ ইণ্ডিয়াৰ বিমান দুৰ্ঘটনা, গুজৰাটৰ প্ৰাক্তন মুখ্যমন্ত্ৰী বিজয় ৰূপানিৰ মৃত্যুৰ কথাবোৰো আকৌ এবাৰ মনলৈ আহিছে বহুজনৰ৷ কেৱল অজিত পাৱাৰ, বিজয় ৰুপানিয়েই নহয় বিমান দুৰ্ঘটনাত ৰাজনীতিবিদৰ মৃত্যুৰ তালিকাত আছে একাধিক নাম৷
বিজয় ৰুপানি(২০২৫)
২০১৬ চনৰ পৰা ২০২১ চন পৰ্যন্ত গুজৰাটৰ মুখ্যমন্ত্ৰী আছিল বিজয় ৰুপানি৷ বিজেপিৰ চিনিয়ৰ লিডাৰ আছিল তেওঁ৷ আহমেদাবাদ চৰ্দাৰ বল্লভভাই পেটেল ইণ্টাৰনেশ্ব্যনেল এয়াৰপোৰ্টত ২০২৫ চনৰ ১২ জুনত এয়াৰ ইণ্ডিয়া ফ্লাইট ১৭১ টেক অফৰ পাছতেই ভাঙি পৰে৷ লণ্ডনলৈ যাত্ৰা কৰিছিল সেই বিমানে৷ যাত্ৰী আছিল ৰুপানি৷ তাতেই তেওঁৰ মৃত্যু হয়৷
দোৰজি খাণ্ডু (২০১১)
অৰুণাচল প্ৰদেশৰ মুখ্যমন্ত্ৰী আছিল দোৰজি খাণ্ডু৷ ২০১১ চনৰ ৩০ এপ্ৰিলত তাৱাঙৰ পৰা ইটানগৰ যোৱাৰ পথত ৱেষ্ট কামেনত ভাঙি পৰে পৱন হংস হেলিকপ্টাৰ৷ সেই কপ্টাৰত আছিল দোৰজি৷ চীনৰ সীমান্তৰ কাষত লুগুথাঙৰ পৰা তেওঁৰ দেহ উদ্ধাৰ হয়৷
ৱাই এছ ৰাজাশেখৰ ৰেড্ডি(২০০৯)
অন্ধ্ৰপ্ৰদেশৰ ৱাই এছ ৰাজাশেখৰ ৰেড্ডি, যি পৰিচিত আছিল YSR নামেৰে৷ হেলিকপ্টাৰ ক্ৰাছত মৃত্যু হয় তেওঁৰ৷ ২০০৯ চনৰ ২ ছেপ্টেম্বৰত এই দুৰ্ঘটনা৷ YSR আছিল অবিভক্ত অন্ধ্ৰপ্ৰদেশৰ মুখ্যমন্ত্ৰী৷ হায়দৰাবাদৰ পৰা চিত্তুৰলৈ গৈছিল Bell 430 হেলিকপ্টাৰ৷ ভাঙি পৰে হেলিকপ্টাৰখন৷ যাৰ ধ্বংসাৱশেষ পোৱা গৈছিল নাল্লামালাত৷
ওপি জিন্দাল (২০০৫)
শিল্পপতি ওপি জিন্দল আছিল হাৰিয়ানাৰ মন্ত্ৰীও৷ উত্তৰপ্ৰদেশৰ ছাহাৰানপুৰত ২০০৫ চনৰ মাৰ্চ মাহত ভয়াৱহ দুৰ্ঘটনা ঘটে৷ দিল্লীৰ পৰা চণ্ডীগড়গামী হেলিকপ্টাৰ টেক অফৰ পাছতেই ভাঙি পৰে৷ মৃত্যু হয় তেওঁৰ৷ ২০০৫ চনৰ ৩১ মাৰ্চত এই ঘটনা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
