ভাৰত-ইউৰোপ চুক্তিৰ ফলত ১ কোটিৰ বাহন কিনিব পাৰিব ৫৫লাখত, মাৰ্ছিডিজ, বিএমডব্লিউৰ কিমানত কিনিব?

ভাৰত আৰু ইউৰোপীয় ইউনিয়নৰ মাজত স্বাক্ষৰিত নতুন মুক্ত বাণিজ্য চুক্তিক লৈ ইতিমধ্যেই আৰম্ভ হৈছে আলোচনা৷ প্ৰধানমন্ত্ৰী নৰেন্দ্ৰ মোদী, ইউৰোপীয় কমিছনৰ প্ৰেচিডেণ্ট উৰচুলা বন ডেৰ লাইন আৰু ইউৰোপীয় কাউন্সিলৰ প্ৰেচিডেণ্ট এণ্টনিও কস্তাই এই চুক্তিক সকলো চুক্তিৰ জননী বুলিও উল্লেখ কৰিছে৷ মঙ্গলবাৰে এই ঐতিহাসিক চুক্তি চূড়ান্ত কৰে দুইখন দেশেই৷

এই চুক্তিৰ আওতাত ভাৰতত আমদানি হোৱা প্ৰায় ৯০শতাংশ পণ্যৰ ওপৰত শুল্ক শূন্য অথৱা উল্লেখযোগ্যভাৱে কমি যাব৷ ইয়াৰ সকলোতকৈ ডাঙৰ প্ৰভাৱ পৰিব পাৰে অটোমোবাইল চেক্টৰত৷ বিশেষকৈ ইউৰোপৰ পৰা আমদানি হোৱা বিলাসবহুল বাহনৰ দাম৷

১১০ শতাংশ শুল্ক কমি ১০শতাংশ

বৰ্তমান ইউৰোপৰ পৰা আমদানি কৰা বাহনৰ ওপৰত ভাৰতে ৭০ৰ পৰা ১১০ শতাংশ পৰ্যন্ত আমদানি শুল্ক দিব লাগিছিল৷ প্ৰায় ৪০ হাজাৰ ডলাৰৰ অৰ্থাৎ ৩৭ লাখ টকাতকৈ কম দামৰ বাহনত শুল্প আছিল ৭০শতাংশ৷ তাতকৈ বেছি দামৰ বাহনৰ শুল্ক ১১০ শতাংশ আছিল৷ ভাৰত-ইইউ এফ টিএ অনুসৰি এই বিপুল শুল্প কমি মাত্ৰ ১০ শতাংশলৈ নমাই আনিব পাৰে৷ যদিও এই ৰেহাই এঢাপতে নহয়৷ ঢাপে ঢাপেহে সেয়া কাৰ্যকৰ হ’ব৷

 ১ কোটিৰ বাহনৰ দাম কিমান হ’ব?

ইউৰোপৰ পৰা ভাৰতলৈ অহা বাহনৰ বেছিভাগেই বিলাসী বাহন৷ যেনে মাৰ্ছিডিজ বেঞ্জ, বিএমডব্লিউ, অডি, ভলভো, পোৰ্ছে, স্কোভা, ভক্সৱেগন৷

এক সহজ উদাহৰণ যদি চাই তেন্তে ইউৰোপৰত বাহনৰ দাম ৫০ লাখ, বৰ্তমান শুল্ক ১১০ শতাংশ বা প্ৰায় ৫৫ লাখ৷ ফলত ভাৰত আহি পোৱালৈকে এই বাহনৰ দাম হয় ১.০৫ কোটি৷ এতিয়া যদি এফ টি এ কাৰ্যকৰ হোৱাৰ পাছত শুল্ক ১০ শতাংশলৈ নামি আহে শুল্ক হ’ব মাত্ৰ ৫লাখ৷ মুঠ দাম ভাৰত আহি পোৱালৈ হ’ব প্ৰায় ৫৫লাখ৷ অৰ্থাৎ এবাৰতে ৫০ লাখ টকা দাম কমি যাব৷ যদি বাস্তৱত ডিলাৰ মাৰ্জিন, পৰিবহন খৰচ, বিমা আৰু আৰ টিও টেক্স যোগ হলে কিছু খৰচ বাঢ়িব যদিও দাম ব্যাপকভাৱে কমিব সেয়া স্পষ্ট৷

কিয় পৰি গ’ল ভাৰতীয় বাহন  কোম্পানীৰ শ্বেয়াৰ?

এই চুক্তি ঘোষণাৰ পাছতেই শ্বেয়াৰ বজাৰত ইয়াৰ প্ৰভাৱ পৰিবলৈ আৰম্ভ হব৷ মঙ্গলবাৰৰ পৰা ভাৰতীয় বাহন নিৰ্মাতা সংস্থাসমূহৰ শ্বেয়াৰত বৃহৎ পতনে দেখা দিছে৷

মাহিন্দ্ৰা এণ্ড মাহিন্দ্ৰাঃ ৪.২৫ শতাংশ পতন৷

হুণ্ডাই মোটৰ ইণ্ডিয়াঃ ৩. ৬০শতাংশ পতন৷

মাৰুতি ছুজুকিঃ ১.৫০শতাংশ পতন

টাটা মোটৰছঃ ১.২৯শতাংশ পতন

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ