মহাৰাষ্ট্ৰৰ ৰাজনীতিত এক নতুন অধ্যায়ৰ সূচনা৷ পাৱাৰ পৰিয়ালতো এয়াই প্রথম৷ ৰাজ্যৰ প্ৰথমগৰাকী মহিলা উপমুখ্যমন্ত্ৰী হিচাপে শপত গ্ৰহণ কৰিলে সুনেত্ৰা পাৱাৰে৷ শনিবাৰে মুম্বাইৰ লোকভৱনত আয়োজিত এক অনুষ্ঠানত ৰাজ্যপাল আচাৰ্য দেৱব্ৰতে তেওঁক শপতবাক্য পাঠ কৰোৱায়৷ সুনেত্ৰাৰ শপতগ্ৰহণ অনুষ্ঠানত উপস্থিত আছিল মুখ্যমন্ত্ৰী দেৱেন্দ্ৰ ফড়নবীশ আৰু উপমুখ্যমন্ত্ৰী একনাথ শিণ্ডে আউ এন চিপি নেতাসকল৷ অৱশ্যে পাৱাৰ পৰিয়ালৰ আন কোনো সদস্য তাত উপস্থিত নাছিল৷
বিগত বুধবাৰে বাৰামতীত এক মৰ্মান্তিক বিমান দুৰ্ঘটনাত অজিত পাৱাৰৰ অকাল প্ৰয়াণৰ পাছত তেওঁ এৰি যোৱা আসনত বহিছে ৰাজ্যসভাৰ সাংসদ সুনেত্ৰা৷ লোকভৱনত শপত লোৱাৰ সময়ত NCP বিধায়কসকলে অজিত দাদা অমৰ ৰহে আৰু বাহিনী চাহেব আগে বঢ়ো শ্লোগানেৰে পৰিবেশ জীঁপাল কৰি তোলে৷
ইফালে শনিবাৰে দুপৰীয়া বিধানভৱনত NCP- পৰিষদীয় দলৰ বৈঠকত সুনেত্ৰাক সৰ্বসন্মতিক্ৰমে বিধানসভাৰ দলনেতা নিৰ্বাচিত কৰা হয়৷ প্ৰফুল্ল পেটেল আৰু সুনীল ততকৰৰ উপস্থিতিত এই সিদ্ধান্ত লোৱাৰ পাছত মুখ্যমন্ত্ৰী দেবেন্দ্ৰ ফড়ণবীছৰ সৈতে দেখা কৰে NCP-দলৰ প্ৰতিনিধিয়ে৷ ইয়াৰপাছতেই দ্ৰুতগতিত শপত গ্ৰহণৰ প্ৰস্তুতি সম্পন্ন হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
