সংসদত নৱমবাৰৰ বাবে বাজেট উত্থাপন কৰি ডাঙৰ ঘোষণা কৰিছে কেন্দ্ৰীয় বিত্তমন্ত্ৰী নিৰ্মলা সীতাৰমনে৷ টেকনোলজি আৰু উদ্ভাৱনক বিকশিত ভাৰতৰ সকলোতকৈ ডাঙৰ ইঞ্জিন হিচাপে দাবী কৰিছে নিৰ্মলাই৷ তেওঁ জনাইছে যে ভাৰতে এতিয়া আৰু কেৱল প্ৰযুক্তিয়েই ব্যৱহাৰ কৰি থাকিব তেনে নহয়৷ এই ক্ষেত্ৰত নেতৃত্বও দিব৷ সেয়ে এই বিষয়ক গুৰুত্ব দিয়েই কণ্টেণ্ট ক্ৰিয়েটৰ আৰু গেমিং ছেক্টৰৰ বাবে কেইবাটাও ডাঙৰ ঘোষণা কৰিছে কেন্দ্ৰীয় বিত্তমন্ত্ৰীয়ে৷
গেমিং চেক্টৰত মুকলি হ’ব চাকৰি
গেমিং চেক্টৰত ১০ লাখতকৈ বেছি পেছাদাৰ ব্যক্তি নিয়োগ কৰা হব৷ কণ্টেণ্ট তৈয়াৰ কেনেকৈ কৰে সেয়া শিকাবৰ বাবে নতুন কণ্টেণ্ট ক্ৰিয়েটৰ লেবো তৈয়াৰ কৰিব৷ ক্ৰিয়েটৰ ইকোনমি ক্ৰমশ সমৃদ্ধ হৈছে৷ ডিজাইনাৰ ইডুকেচন প্ৰচাৰৰ বাবে নেশ্ব্যনেল ডিজাইল স্কুল প্ৰতিষ্ঠা কৰা হব৷ বাজেটত এই ঘোষণা কৰিছে কেন্দ্ৰীয় বিত্তমন্ত্ৰী নিৰ্মলা সীতাৰমণে৷
কণ্টেণ্ট ক্ৰিয়েটৰ লেব তৈয়াৰ কৰা হ’ব
এনিমেছন ভিজুৱেল এফেক্টছ, গেমিং আৰু কমিক্স ছেক্টৰক উৎসাহিত কৰাৰ বাবে বিত্তমন্ত্ৰীয়ে সমগ্ৰ দেশত ১৫০০০ মাধ্যমিক বিদ্যালয় আৰু ৫০০ খন কলেজ কণ্টেণ্ট ক্ৰিয়েটৰ লেব তৈয়াৰৰ কথা ঘোষণা কৰিছে৷
২০২৬ চনৰ বাজেটত গেমাৰ, কণ্টেণ্ট ক্ৰিয়েটৰসকলৰ বাবে কি ঘোষণা কৰা হৈছে?
ABGC কণ্টেণ্ট ক্ৰিয়েটৰ লেবছঃ চৰকাৰ এনিমেছন, ভিজুয়েল এফেক্টছ, গেমিং, কমিক্সৰ বাবে ডেডিকেটেড কণ্টেণ্ট ক্ৰিয়েটৰ লেবছ তৈয়াৰ কৰাৰ সিদ্ধান্ত লৈছে৷ কণ্টেণ্ট ক্ৰিয়েটৰসকলক উৎসাহিত কৰিবলৈ এই সিদ্ধান্ত লোৱা হৈছে৷
AI- এইবাৰৰ বাজেটত AI-ক অৰ্থনীতিৰ বাবে এক পাৱাৰ হাউছ হিচাপে তুলি ধৰা হৈছে৷ এই AI কণ্টেণ্ট তৈয়াৰৰ উন্নতি ঘটিব৷
উন্নত ইণ্টাৰনেটঃ চৰকাৰে উন্নত ইণ্টাৰনেটৰ বাবে ১২.৩ লাখ কোটি টকা বাজেটত ৰাখিছে৷ ইয়াৰ ফলত দেশৰ ইণ্টাৰনেট কানেকছন আৰু ডিজিটেল নেটৱৰ্ক আৰু শক্তিশালী হব৷
স্কিলৰ আপডেট কৰাঃ তৰুণসকলে নতুন প্ৰযুক্তি শিকোৱা আৰু ভৱিষ্যতৰ চাকৰিৰ বাবে তেওঁলোকক প্ৰস্তুত কৰাৰ ওপৰত জোৰ দিয়া হ’ব৷
উৎপাদন উৎসাহঃ নানান ক্ৰীড়া সামগ্ৰী আৰু অন্য ৭টা ক্ষেত্ৰত উৎপাদনক উৎসাহিত কৰা হব৷ ফলত প্ৰয়োজনীয় সামগ্ৰীসমূহ আৰু কম দামত গ্ৰাহকে পাব৷
ষ্টাৰ্টআপৰ বাবে টকাঃ গেমিং ষ্টাৰ্টআপ আৰু সৰু কোম্পানীসমূহক সহায় কৰাৰ বাবে ১০,০০০ কোটি টকাৰ এটা ফাণ্ড তৈয়াৰ কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
