সমাগত ২০২৬ চনৰ বিধানসভা নিৰ্বাচন। ৯ এপ্ৰিলত অনুষ্ঠিত হ’ব বিধানসভা নিৰ্বাচন। শাসক-বিৰোধী সকলোৱে দাখিল কৰিলে মনোনয়ন। চৌদিশে বাজিছে নিৰ্বাচনৰ ৰণডংকা। সকলোৱে নিজৰ নিজৰ এজেণ্ডা লৈ আগবাঢ়ি আহিছে। শাসক- বিৰোধীয়ে দিছে বিভিন্ন নিৰ্বাচনী টোপ!
এইবাৰ খোৱাঙৰ পৰা নিৰ্বাচনী যুঁজত নামিছে লুৰিণজ্যোতি গগৈ। কিন্তু নিৰ্বাচনৰ প্ৰাকমুহূৰ্ততে ডাঙৰ ঘোষণা কৰিছে অজাপৰ সভাপতিগৰাকীয়ে। তেওঁ কয়, ‘বিৰোধীয়ে চৰকাৰ গঠন কৰিলেই ‘১০০দিনত ন্যায় পাব জুবিন গাৰ্গে। বিৰোধী মিত্ৰজোঁটৰ প্ৰথম কামেই হ’ব জুবিন গাৰ্গক ন্যায় দিয়া।’
ইয়াৰোপৰি আজি লুৰিণজ্যোতি গগৈয়ে কয়, ‘ৰাজ্যৰ সকলো দৰিদ্ৰ মহিলাই লাভ কৰিব ধন। মিটিঙলৈ নোযোৱাকৈয়ে দৰিদ্ৰ মহিলাই পাব ধন। এইবাৰ বিৰোধী ঐক্য হৈছে। এইবাৰ মাত্ৰ বিৰোধী দলে অসমত চৰকাৰ গঠন কৰিব।’
উল্লেখ্য যে, উল্লেখ্য যে, এইবাৰ অসমত মুঠ ভোটাৰৰ সংখ্যা ২.৫০ কোটি। ইয়াৰে মহিলা ভোটাৰৰ সংখ্যা ১ কোটি ২৫ লাখ, পুৰুষ ভোটাৰৰ সংখ্যা ১ কোটি ২৫ লাখ, তৃতীয় লিংগৰ ভোটাৰৰ সংখ্যা ৩৪৩ গৰাকী। অসমত সৰ্বমুঠ ভোট কেন্দ্ৰৰ সংখ্যা ৩১,৪৮৪ গৰাকী। ইফালে বিধানসভা নিৰ্বাচনৰ ফলাফল ঘোষণা হ’ব ৪ মে’ত । এতিয়া কোনে গঠন কৰিব পাৰে চৰকাৰ, সেয়া হ’ব লক্ষণীয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
