এল পি জি চিলিণ্ডাৰক লৈ খেলিমেলি চলি থকাৰ মাজতেই সুখবৰ৷ এইবাৰৰ পৰা এলপিজি চিলিণ্ডাৰ বুক কৰি ডেলিভাৰিৰ বাবে অপেক্ষা কৰিব নালাগে৷ আপুনি নিজেই চিলিণ্ডাৰত ভৰাব পাৰিব গেছ৷ কিন্তু কেনেকৈ? এল পি জি এটিএমেৰে ভৰাব পাৰিব গেছ৷ দেশত আৰম্ভ হৈছে এলপিজি এটিএম৷ কেনেকৈ কাম কৰে এই ATMয়ে?
দিল্লীৰ পাৰ্শ্ববৰ্তী এলেকাত প্ৰথম LPG ATM আৰম্ভ হৈছে গুৰগাওঁত৷ চোহনাৰ চেক্টৰ ২২ত চেন্ট্ৰেল পাৰ্ক ফ্লাৱাৰ ভেলিত এল পি জি ভেণ্ডিং মেছিন আৰম্ভ হৈছে যি সম্পূৰ্ণ এটিএমৰ দৰেই কাম কৰে৷ ভাৰত পেট্ৰলিয়ামৰ তৰফৰ পৰা পাইলট প্ৰকল্প হিচাপে এই পৰিসেৱা আৰম্ভ কৰা হৈছে৷ বিগত ৬ মাৰ্চত এই মেছিন ইন্সটল কৰা হৈছে৷ এই এটিএমৰ পৰা চিলিণ্ডাৰত মাত্ৰ দুইৰ পৰা তিনি মিনিটতেই চিলিণ্ডাৰ ভৰাব পাৰিব৷ দিন হওক বা ৰাতি যিকোনো সময়তে এই পৰিসেৱা পোৱা যায়৷ অৰ্থাৎ নিশা গেছ শেষ গৈ গলে আৰু নোখোৱাকৈ থাকিব নালাগে৷ দিনৰ পাছত দি গেছৰ ডেলিভাৰি পোৱাৰ বাবে অপেক্ষা কৰিব নালাগে৷ কোনো ফোন বুকিঙৰো প্ৰয়োজন নহয়৷
এই এলপিজি এটিএমৰ আৰু এক সুবিধা আছে৷ ইয়াত লোহাৰ চিলিণ্ডাৰ দিয়া নহয়৷ তাৰ সলনি ফাইবাৰেৰে তৈয়াৰ কৰা কম্পছিট চিলিণ্ডাৰ দিয়া হয়৷ ইয়াৰ ওজন মাত্ৰ ৩ কিঃগ্ৰাঃ৷ ইয়াত ১৪ কিঃগ্ৰাঃ এলপিজি ভৰাব পাৰিব৷ এই চিলিণ্ডাৰটো স্বচ্ছ হোৱাৰ বাবে সহজেই দেখা যায় কিমান গেছ বাকী আছে৷
কেনেকৈ গেছ ভৰাব পাৰিব?
কম্পচিট চিলিণ্ডাৰ লৈ এটিএমলৈ যাওক৷
এইবাৰ ডিজিটেল স্ক্ৰিণত নিজৰ ৰেজিষ্টাৰ্ড মোবাইল নম্বৰ দিয়ক আৰু অটিপি ভেৰিফাই কৰাওক৷
ইয়াৰপাছতেই চিলিণ্ডাৰত থকা বাৰকোড বা কিউআৰ কোড স্কেন কৰক৷
ইউপিআই বা ডেবিট কাৰ্ডৰ মাধ্যমেৰে ডিজিটেল পেমেণ্ট কৰক৷
লগে লগে মেছিন এলিজিবিলিটি চেক কৰি এলপিজি ভৰাই দিব চিলিণ্ডাৰত৷
সমগ্ৰ প্ৰক্ৰিয়া শেষ হবলৈ মাত্ৰ দুইৰ পৰা তিনি মিনিট লাগিব৷
যদি কোনোৱে লোহাৰ চিলিণ্ডাৰৰ সলনি ফাইবাৰৰ চিলিণ্ডাৰ ল’ব খোজে তেতিয়া সেয়াও এটিএমতেই কৰিব পাৰিব৷
এই মেছিনত ১০ টা চিলিণ্ডাৰৰ ষ্টক থাকে৷ ষ্টক দুটা চিলিণ্ডাৰলৈ নামি আহিলে অটোমেটিক কাষৰ গেছ এজেন্সিলৈ যায়৷ তেওঁলোকে গেছ ৰিফিল কৰি যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
