ডিজিটেল পেমেণ্টৰ নিয়ম সলনি হৈছে সমগ্ৰ দেশত৷ ১ এপ্ৰিলৰ পৰা কাৰ্যকৰ হ’ব নতুন নিয়ম৷ সম্প্ৰতি এই নতুন নিয়ম আনিছে ৰিজাৰ্ভ বেংক অফ ইণ্ডিয়া বা আৰ বি আই৷ মূলত অনলাইন পেমেণ্টত ডিজিটেল জালিয়াতি দূৰ কৰিবলৈ এই সিদ্ধান্ত লৈছে আৰ বি আইয়ে৷ ডিজিটেল লেনদেন চলাৰ সময়ত ফ্ৰড ফিছিং বা এছ এম এছ বা ভিডিঅ’ কলৰ দ্বাৰা হোৱা জালিয়াতি ৰখাবলৈ বদ্ধপৰিকৰ আৰ বি আই৷ ইয়াৰ বাবেই নতুন পদক্ষেপ লৈছে আৰ বি আইয়ে৷
কি কি নিয়ম কৰা হৈছে?
এইবাৰৰ পৰা সকলো লেনদেনতেই টু ফেক্টৰ অথোৰাইজেছনৰ দ্বাৰা সুৰক্ষিত থাকিব৷ অনলাইন লেনদেনত এই নিয়ম বাধ্যতামূলক৷
১ এপ্ৰিলৰ পৰা লেনদেন কৰাৰ বাবে কেৱল অটিপি বা পিন দিলেই কাম নহ’ব৷
এইবাৰৰ পৰা এটা নিৰ্দিষ্ট লেনদেনৰ বাবে কেৱল এটাই কোড বা অটিপি ব্যৱহাৰ কৰিব পাৰিব৷ এই কোড বা অটিপি এক নিৰ্দিষ্ট সময় পৰ্যন্তই ব্যৱহাৰ কৰিব পাৰিব৷ অৰ্থাৎ কৰোবাত যদি ১০০ টকাৰ পেমেণ্টত এই কোড ব্যৱহাৰ কৰে তেতিয়া পাছত আকৌ আপুনি যদি ২০০ টকা দিবৰ বাবে পূৰ্বৰ কোড ব্যৱহাৰ কৰিব নোৱাৰিব৷
এইবাৰৰ পৰা বেংকিং এপসমূহৰ হাতত থাকিব বহু বিকল্প৷ কেৱল পিন, অটিপিয়েই নহয়, এইবাৰৰ পৰা বায়োমেট্ৰিক বা টোকেনে বেংকৰ এপত গ্ৰাহকক আৰু সুৰক্ষিতভাৱে পৰিসেৱা প্ৰদান কৰা সম্ভৱ হ’ব৷
১ এপ্ৰিলৰ পৰা গ্ৰাহকৰ নিৰাপত্তাৰ স্তৰ আৰু বাঢ়িব৷ ইয়াৰ ফলত যদি কোনো আৰ্থিক জালিয়াতি বা ক্ষতি হয়, তাৰ দায় বেংকৰ ওপৰত পৰিব৷ লেনদেন সম্পৰ্কিত কোনো আৰ্থিক ক্ষতি হলে তাৰ বাবে জগৰীয়া হ’ব বেংকো৷
ইয়াৰ ফলক সুবিধা হ’ব গ্ৰাহকৰ৷ কেৱল অটিপি পালেই আৰু টকা লুটিব নোৱাৰিব প্ৰতাৰকে৷ তাৰ সৈতে পাৰ কৰিব লাগিব বহু সুৰক্ষাৰ স্তৰ৷ পূৰ্বে কেৱল অটিপি দিলেই অনলাইন পেমেণ্ট কৰিব পাৰে কিন্তু এইবাৰ তাৰ সৈতে ডিজিটেল কোড, ফিঙ্গাৰপ্ৰিণ্ট ছিকিউৰিটিসহ কেইবাটাও স্তৰ পাৰ কৰিব লাগিব৷ সকলোতকৈ বেছি লাভ হ’ব বেছি পৰিমাণৰ ধন লেনদেনৰ সময়ত৷ কাৰণ বেছি পৰিমাণে টকা তোলাৰ সময়ত কেৱল অটিপি দিলেই নহ’ব, দিব লাগিব আৰু কিছু প্ৰমাণ, যেনে টু ফেক্টৰ অথোৰাইজেছন৷
এই নতুন নিয়মৰ ফলত বেংকসমূহৰ দায়িত্ব আৰু বাঢ়ি গৈছে৷ এই নতুন নিয়মসমূহৰ ফলত গ্ৰাহকৰ সমস্যাৰ সমাধান হব আৰু নিৰাপত্তা আৰু বাঢ়িব৷ আৰ বি আইয়ে জনাইছে যে দেশৰ বাহিৰলৈ টকা পঠিওৱাৰ সময়তো এই ব্যৱস্থা থাকিব৷ ডিজিটেল লেনদেন আৰু সুৰক্ষিত কৰিব বিচাৰিছে আৰ বি আইয়ে৷ দেশত এই চিষ্টেম এইবছৰৰ অক্টোবৰ মাহৰ ভিতৰতেই আৰম্ভ হব৷ এক কথাত আধুনিক প্ৰযুক্তিৰ লগতে দেশৰ আৰ্থিক সুৰক্ষাক আৰু শক্তিশালী কৰিব এই নতুন নিয়মে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
