মলাইকা আৰোৰা মানে চৰ্চা। কেতিয়াবা সৌন্দৰ্য-বয়স আৰু কেতিয়াবা ব্যক্তিগত জীৱনৰ বাবে। আৰবাজৰ সৈতে বিচ্ছেদ আৰু অৰ্জুন কাপুৰৰ সৈতে দীৰ্ঘম্যাদী সম্পৰ্কৰ পিছত মলাইকা অৰোৰাৰ জীৱনত নতুন প্ৰেমৰ আগমণ হৈছে। এই চৰ্চা বহুদিন ধৰি চলি আছে যদিও, এইবাৰ এই কথাত ইন্ধন যোগাইছে মালাইকাৰ একক পদক্ষেপে। চৰ্চিত প্ৰেমিক হীৰা ব্যৱসায়ী হৰ্ষ মেহতাক এতিয়া পৰিয়ালৰ সৈতে চিনাকি কৰাই দিছে মলাইকাই।
দেওবাৰ আছিল ইষ্টাৰ। সেই উপলক্ষে মলাইকাক পুত্ৰ আৰহান খান আৰু ভগ্নী অমৃতা অৰোৰাৰ সৈতে বাহিৰলৈ যোৱা দেখা গৈছিল। পিছে পেপৰাজীয়ে তেওঁলোকৰ পৰিয়ালৰ সমাৱেশত যোগদান কৰা হৰ্ষ মেহতাক কেমেৰাত ধৰা পেলালে। আনকি তেওঁক মলাইকাৰ গাড়ীত উঠাও দেখা গ’ল। যদিও মলাইকা আৰু হৰ্ষক কেমেৰাৰ পৰা আঁতৰি থাকিবলৈ একেলগে ফ্ৰেম কৰা দেখা নগ’ল, তথাপিও একেখন গাড়ীতে চলাই থকা আৰু আৰহানৰ উপস্থিতিত হৰ্ষৰ উপস্থিতিয়ে বহু সূত্ৰ দিয়ে।
এই ভিডিঅ’টো ছ’চিয়েল মিডিয়াত ভাইৰেল হোৱাৰ লগে লগে নেটিজেনসকলৰ মন্তব্যৰে ভৰি পৰিছে। বহুতৰ মতে হৰ্ষৰ খোজ আৰু চেহেৰা মলাইকাৰ প্ৰাক্তন প্ৰেমিক অৰ্জুন কাপুৰৰ সৈতে যথেষ্ট মিল আছে। আন কিছুমানে কৈছে যে বয়সৰ ব্যৱধান থকাৰ পিছতো দুয়োৰে মাজত যেন ভাল মিল আছে। কিন্তু আটাইতকৈ ডাঙৰ প্ৰশ্নটো হ’ল – হৰ্ষৰ আৰহানৰ সৈতে হোৱা সাক্ষাৎ তেওঁলোকৰ সম্পৰ্কৰ পৰৱৰ্তী পৰ্যায়ৰ লক্ষণ নেকি?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
