জুবিন গাৰ্গ নোহোৱা হোৱা বহু মাহ পাৰ হ’ল। ১৯ ছেপ্তেম্বৰত অসমবাসীয়ে পাইছিল সেই বেয়া খবৰটো। কিন্তু আজি পৰ্যন্ত পোহৰলৈ অহা নাই জুবিনৰ মৃত্যু প্ৰকৃত ৰহস্য। জুবিন অবিহনে কষ্টত দিন পাৰ কৰিছে গৰিমাই।
ৰাজ্যত আৰম্ভ ৰঙালীৰ আনন্দ। আজি গৰু বিহু। কিন্তু জুবিন অবিহনে প্ৰথমটো ৰঙালী বিহু পাৰ কৰিব লাগিব জুবিনৰ পৰিয়ালে। কেৱল পৰিয়ালে নহয়, সমগ্ৰ অসমবাসীয়ে প্ৰাণৰ শিল্পীজনৰ অবিহনে প্ৰথমটো ব’হাগ পালন কৰিব। মৃত্যু চিৰসত্য ঘটনা, কিন্তু জুবিনৰ এনে ৰহস্যজনক মৃত্যুক সহজভাৱে মানি ল’ব পৰা নাই পৰিয়ালবৰ্গই।
ৰঙালীৰ এই সময়ত জুবিন গাৰ্গৰ পত্নী গৰিমা গাৰ্গ শইকীয়াই দিছে এক আৱেগিক পোষ্ট। জুবিনৰ অনুভৱ প্ৰতিটো ক্ষণতে অনুভৱ কৰে গৰিমাই। গৰিমাই সামাজিক মাধ্যমত পোষ্ট শ্বেয়াৰ কৰি লিখিছে, “নিথৰ ব’হাগ, শূন্য বসন্ত।” যদিও গৰিমাই ক’তো জুবিন গাৰ্গৰ নাম উল্লেখ কৰা নাই, তথাপিও অনুৰাগীসকলে অনুভৱ কৰিছে যে, এয়া জুবিনক মনত কৰি গৰিমাই পোষ্ট দিছে। কমেন্ট বক্সত সকলোৱে শান্তনা দিছে গৰিমাক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
