বিশ্বৰ অন্যতম বৃহৎ কোম্পানী এপলৰ নেতৃত্ব সলনি হ’ল। দীৰ্ঘদিন ধৰি কোম্পানীটোৰ নেতৃত্ব দি অহা টিম কুকে মুখ্য কাৰ্যবাহী বিষয়া পদৰ পৰা পদত্যাগ কৰিছে। তেওঁৰ সলনি কোম্পানীটোৰ নতুন CEO হৈছে জন টাৰ্নাছ।
জন টাৰ্নেছ কোন?
জন টাৰ্নাছ এপলতে কাম কৰা এজন অভিজ্ঞ অভিযন্তা, তেওঁ ২০০১ চনতে কোম্পানীটোত যোগদান কৰিছিল। তেওঁ প্ৰায় সমগ্ৰ কেৰিয়াৰে এপলত কটাইছে৷ কোম্পানীটোতো তেওঁৰ বহু গুৰুত্বপূৰ্ণ ভূমিকা আছে৷ পেনচিলভেনিয়া বিশ্ববিদ্যালয়ৰ পৰা মেকানিকেল ইঞ্জিনিয়াৰিঙত ডিগ্ৰী লৈছে জন টাৰ্নেছে৷
কিয় পৰিবৰ্তন কৰা হ’ল CEO?
এপলৰ ঘোষণা অনুসৰি অহা ১ ছেপ্টেম্বৰত জন টাৰ্নাছে মুখ্য কাৰ্যবাহী বিষয়াৰ ভূমিকা গ্ৰহণ কৰিব। এক মসৃণ পৰিৱৰ্তনৰ বাবে টিম কুকে আগষ্ট মাহলৈ কোম্পানীটোৰ কাম চলাই নিব৷ তাৰপিছতেই কুকে কোম্পানীটোৰ ব’ৰ্ডৰ কাৰ্যবাহী অধ্যক্ষ হিচাপে কাৰ্যনিৰ্বাহ কৰিব।
এপলত টাৰ্ণছৰ যাত্ৰা
২০১৩ চনত টাৰ্নাছে হাৰ্ডৱেৰ ইঞ্জিনিয়াৰিঙৰ ভাইচ প্ৰেচিডেন্টৰ দায়িত্ব গ্ৰহণ কৰিছিল৷ ২০২১ চনত সমগ্ৰ হাৰ্ডৱেৰ বিভাগৰ মুৰব্বী হয়। এই সময়ছোৱাত তেওঁ এপলৰ সকলোবোৰ হাৰ্ডৱেৰৰ কাম নিজেই দায়িত্ব লৈ আগুৱাই নিছিল৷ তেওঁৰ নেতৃত্বত কোম্পানীটোৱে কেইবাটাও ডাঙৰ সিদ্ধান্ত লৈছিল যিসমূহে এপলক এক নিজস্ব ৰূপ দিছে৷
জন টাৰ্নাছৰ নেতৃত্বত এপলে এপল ৱাচ, এয়াৰপডছ, ভিজন প্ৰ’কে ধৰি কেইবাটাও উল্লেখযোগ্য সামগ্ৰী মুকলি কৰে। এপলে মেকৰ বাবে নিজাকৈ ছিলিকন চিপ প্ৰৱৰ্তন কৰাৰ সিদ্ধান্ত বিশেষভাৱে সফল হৈছিল, ইণ্টেলৰ ওপৰত নিৰ্ভৰশীলতা নাইকিয়া কৰিছিল আৰু মেকৰ বিক্ৰী যথেষ্ট বৃদ্ধি কৰিছিল।
তেওঁৰ নেতৃত্বৰ শৈলী কি?
খবৰ অনুসৰি টাৰ্ণছৰ আচৰণ শান্ত আৰু সংযত। তেওঁৰ পৰিচালনা শৈলী টিম কুকৰ দৰেই বুলি গণ্য কৰা হয়, স্থিৰতা আৰু স্পষ্ট চিন্তাধাৰাৰ ওপৰত ভিত্তি কৰি গঢ় লৈ উঠিছে। ষ্টিভ জবছৰ দৰে আক্ৰমণাত্মক বুলি গণ্য নহ’লেও তেওঁৰ অভিযান্ত্ৰিক বুজাবুজি আৰু এটা দলক চলাই ৰাখিব পৰা ক্ষমতাই তেওঁক এজন শক্তিশালী নেতা কৰি তুলিছে।
টিম কুকে কিয় টাৰ্নাছক বাছি লৈছিল?
প্ৰায় এবছৰ ধৰি নিজৰ উত্তৰাধিকাৰীক বিচাৰি আছিল টিম কুকে৷ শেহতীয়াকৈ কোম্পানীটোৰ ব’ৰ্ডৰ সৈতে আলোচনা কৰি এই সিদ্ধান্ত নিজেই গ্ৰহণ কৰিছে টিম কুকে। তেওঁ টাৰ্ণছক প্ৰশংসা কৰি কয় যে তেওঁ এজন সুদক্ষ অভিযন্তা, উদ্ভাৱকৰ মানসিকতা থকা ব্যক্তিৰ লগতে সততাৰে নেতৃত্ব দিয়াৰ ক্ষমতা তেওঁৰ আছে৷
ভৱিষ্যতৰ আটাইতকৈ ডাঙৰ প্ৰত্যাহ্বান
লাভ আৰু সামগ্ৰীৰ মানদণ্ডৰ ক্ষেত্ৰত এপলে আগবাঢ়ি আছে, তথাপিও কৃত্ৰিম বুদ্ধিমত্তাৰ ক্ষেত্ৰত এপল বহু প্ৰতিযোগীতকৈ পিছপৰি আছে। চিইঅ’ হিচাপে জন টাৰ্নাৰৰ আটাইতকৈ ডাঙৰ প্ৰত্যাহ্বান হ’ব চিৰিৰ উন্নতি আৰু এআইত এপলৰ বাবে এক শক্তিশালী উপস্থিতি স্থাপন কৰা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
