আজি ঘোষণা কৰা হ’ল অভি-নীল হত্যাকাণ্ডৰ দোষীৰ শাস্তি। ৮ বছৰ জোৰা প্ৰতীক্ষাৰ অন্ত পেলাই ২০ এপ্ৰিলত আদালতে দেশ কঁপোৱা অভি-নীল হত্যাকাণ্ডৰ ৰায়দান প্ৰদান প্ৰদান কৰিছিল। দেশৰ প্ৰচলিত আইন ব্যৱস্থাক উপহাস কৰি ২০১৮ৰ ৮ জুনত কাৰ্বি আংলঙৰ পাণজুৰি গাঁৱত এদল উন্মত্ত লোকে দুই প্রকৃতিপ্রেমী যুৱক গুৱাহাটীৰ অভিজিৎ নাথ আৰু নীলোৎপল দাসৰ প্ৰাণ কাঢ়ি লৈছিল। তেতিয়াৰে পৰা ভুক্তভোগী পৰিয়ালে আছিল ন্যায়ৰ অপেক্ষাত।
অৱশেষত ৮ বছৰৰ অন্তত শাস্তি ঘোষণা কৰে নগাঁও সত্ৰ ন্যায়াধীশ আদালতে। অভি-নীল হত্যাকাৰীক যাৱজ্জীৱন কাৰাদণ্ডৰ কথা ঘোষণা কৰাৰ লগতে ২০ হাজাৰকৈ জৰিমণা ভৰিব লাগিব। এতিয়া ২০ অপৰাধীয়ে কটাব লাগিব আজীৱন জে’লত।
অলফাজুজ তিমুঙৰ নেতৃত্বতে সংঘটিত হৈছিল ভয়ংকৰ কাণ্ড।দোষী সাব্যস্ত হোৱা ২০ অপৰাধী ক্ৰমে বিশ্বৰাম স্বৰ্গীয়ৰী, পংঠেং বসুমতাৰী, অলফাজুজ তিমুং, ইনচেন ইংতি, ৰাইকম তিমুং, ৰত্নেশ্বৰ তেৰাং ফুকন লেকতে, আনছ তিমুং, প্ৰেছ তিমুং, ৰূপছিং ক্ৰ’, ধন’ মেছ, বাবু সিং ক্ৰ’, বিক্ৰম হাঞ্চে, চিকাৰী ৰংপি, বাবু ৰংপি, বিদ্যাছিং ৰংপি, মেনছিং ক্ৰ’, দ্বীপজ্যোতি বসুমতাৰী, ৱাৰেছ ৰংপি আৰু অনদা মেছ।
উল্লেখ্য যে, অভি-নীল হত্যাকাণ্ডৰ মুঠ অভিযুক্তৰ সংখ্যা আছিল ৪৫ জন। ইয়াৰে ২৫জনক ৰেহাই দিছিল আদালতে। এই ঘটনাটো চাক্ষুষ সাক্ষী আছিল ১২জন। কিন্তু পাঁচজনে সত্যতা স্বীকাৰ কৰাৰ বিপৰীতে সাতজনে সত্যতা স্বীকাৰ নকৰি গোচৰ প্ৰক্ৰিয়া লেহেমীয়া কৰি তুলিছিল। ফলত আদালতে দুয়োপক্ষৰ যুক্তি শুনাৰ ব্যৱস্থা গ্রহণ কৰে। এক দীঘলীয়া পৰিক্ৰমাৰ অন্তত আজি ২০ জনৰ শাস্তি ঘোষণা কৰে আদালতে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
