যৌৱনকালত ভৰি দিয়াৰ লগে লগে প্ৰতিগৰাকী নাৰীৰ মাহেকীয়া হয়। এই সময়ছোৱাত মহিলাসকল যথেষ্ঠ সাৱধানতাৰে থকা উচিত। মাহেকীয়াত খোৱাৰ পৰা আৰম্ভ কৰি চলা-ফুৰালৈকে সকলোতে গুৰুত্ব দিব লাগে। মাহেকীয়াত মহিলাসকলে নিজৰ স্বাস্থ্যৰ কথা ভবাটো দৰকাৰ। আপোনাৰ মাহেকীয়া ঠিকে আছে নে নাই সেইটো নিৰ্ণয় কৰিবলৈ মাহেকীয়াৰ চক্ৰৰ দিন আৰু প্ৰবাহ দুয়োটাতে গুৰুত্ব দিয়াটো গুৰুত্বপূৰ্ণ।
মাহেকীয়াত অত্যাধিক ৰক্তক্ষৰণে প্ৰায়ে পিচিঅ’এছ বা ফাইব্ৰইডৰ সৈতে জড়িত ৰোগৰ ইংগিত দিয়ে, কিন্তু যদি প্ৰবাহ কম হয়, তেন্তে ইয়াক প্ৰায়ে আওকাণ কৰে।
আপোনাৰ মাহেকীয়াৰ ৰক্তস্ৰাৱৰ সময়সীমা হঠাতে কমি যোৱাটোও আপোনাৰ স্বাস্থ্যৰ বাবে বিপদজনক হ’ব পাৰে। ইয়াৰ কাৰণ হ’ব পাৰে হৰম’নৰ পৰিৱৰ্তন, মানসিক চাপ, জীৱনশৈলী বা কোনো অন্তৰ্নিহিত চিকিৎসাজনিত অৱস্থা।
মাহেকীয়াৰ ৰক্তস্ৰাৱ কেনে হ’ব লাগে?
স্বাভাৱিক আৰু সুস্থ সময় ৩ৰ পৰা ৭ দিনলৈকে আৰু ইয়াৰ প্ৰবাহ মধ্যমীয়া বুলি ধৰা হয়। সাধাৰণতে যদি আপুনি প্ৰতি ৩ৰ পৰা ৪ ঘণ্টাৰ মূৰে মূৰে পেড সলনি কৰিবলগীয়া হয়, তেন্তে ইয়াক সুস্থ প্ৰবাহ বুলি গণ্য কৰা হয়।
কিছুমান মহিলাৰ বয়সৰ লগে লগে মাহেকীয়াৰ ৰক্তস্ৰাৱ কমি আহে, কিন্তু যদি হঠাতে অতি কম হৈ পৰে আৰু মাত্ৰ ১-২ দিনহে থাকে, বা সঘনাই মাহেকীয়া হয় তেন্তে আপুনি চিন্তিত হোৱা উচিত। যদি ইয়াৰ লগতে ভাগৰ, চুলি সৰা , বা হৰম’নৰ ভাৰসাম্যহীনতাৰ লক্ষণ দেখা দিয়ে, তেন্তে ইয়াক আওকাণ কৰা উচিত নহয়।
হঠাতে ৰক্তক্ষৰণ কমি যোৱাৰ আঁৰত কেইবাটাও চিকিৎসাজনিত কাৰণ থাকিব পাৰে। থাইৰয়ডৰ সমস্যা, পিচিঅ’এছ, অকালতে ডিম্বাশয়ৰ সমস্যা, বা জৰায়ুৰ দাগ আদি ইয়াৰ মূল দোষী হ’ব পাৰে। ইয়াৰ উপৰিও গুৰুতৰ ৰক্তহীনতা বা দীৰ্ঘদিনীয়া ৰোগেও ঋতুস্ৰাৱৰ প্ৰবাহত প্ৰভাৱ পেলাব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
