দেশৰ ৰাজধানীতে সুৰক্ষিত নহয় দেশৰ নাৰী৷ দিল্লীত আকৌ গণধৰ্ষণৰ ঘটনা৷ শ্লিপাৰ বাছৰ ভিতৰত বাছচালক আৰু কণ্ডাক্টৰ মিলি এগৰাকী মহিলাক ধৰ্ষণ কৰাৰ অভিযোগ উত্থাপিত হৈছে৷ এই যৌন নিৰ্যাতনৰ ঘটনাটো ঘটিছে ১২ মে তাৰিখে৷ ইয়াৰপাছতেই দুই অভিযুক্তক গ্ৰেপ্তাৰো কৰা হৈছে বুলি বৃহস্পতিবাৰে আৰক্ষী সূত্ৰৰ পৰা জনা গৈছে৷
আৰক্ষীৰ তৰফৰ খবৰ অনুসৰি যৌন নিৰ্যাতনৰ চিকাৰ সেই মহিলাই ঘটনাটোৰ পাছতেই অভিযোগ দাখিল কৰিছে৷ তেওঁর অভিযোগৰ ভিত্তিতেই গোচৰ ৰুজু কৰা হয়৷ আৰম্ভ হয় তদন্তৰ৷ তাৰপিছতেই গ্ৰেপ্তাৰ ২ অভিযুক্ত৷ আনকি তদন্তৰ অংশ হিচাপে বাছখন বাজেয়াপ্ত কৰাও হৈছে৷
সূত্ৰৰ দাবী, নিৰ্যাতিতা মহিলাগৰাকী বিবাহিত৷ তেওঁৰ তিনি সন্তানো আছে৷ ইতিমধ্যেই সেই মহিলাৰ ভাষ্য ৰেকৰ্ড কৰা হৈছে৷ তেওঁৰ মেডিকেল পৰীক্ষাও কৰা হৈছে৷ ইয়াৰপাছতেই এফ আই আৰ নথিভুক্ত কৰা হয়৷ প্ৰয়োজনীয় প্ৰক্ৰিয়া সম্পন্ন হোৱাৰ পাছত দ্ৰুত গ্ৰেপ্তাৰ কৰা হয় অভিযুক্তক৷
প্ৰকৃত ঘটনা কি?
তদন্তকাৰীয়ে জনাইছে যে শ্লিপাৰ বাছৰ ভিতৰতেই এই যৌন নিৰ্যাতনৰ ঘটনা ঘটিছে বুলি অভিযোগ৷ যদিও বাছৰ ৰুট বা ঠিক কোন স্থানত এই ঘটনা ঘটিছে সেই বিষয়ে এতিয়াও বিস্তাৰিতভাৱে জানিব পৰা হোৱা নাই৷ তদন্তৰ পাছতহে সেই কথা স্পষ্ট হ’ব৷
দুই অভিযুক্ত, বাছচালক আৰু কণ্ডাক্টৰ বৰ্তমান আৰক্ষীৰ তদন্তত আছে৷ সোধপোছ অব্যাহত ৰখা হৈছে৷ ইয়াৰোপৰি বাছৰ পৰা সেই সকলো প্ৰমাণ পোৱা গৈছে৷ সেইসমূহ পৰীক্ষাৰ বাবে পঠিওৱাও হৈছে৷ গোচৰৰ ফৰেনছিক আৰু মেডিকেল ৰিপৰ্টেও তদন্তত গুৰুত্বপূৰ্ণ ভূমিকা ল’ব বুলি ধাৰণা কৰিছে তদন্তকাৰীয়ে৷
এই ঘটনা কেনেকৈ ঘটিল, কেতিয়া ঘটিল, ঘটনাৰ সময়ত বাছখন চলি আছিল নেকি, তেতিয়া বাছত অন্য যাত্ৰী আছিলনে সকলোবোৰ বিষয় বিচাৰি তদন্ত চলাইছে আৰক্ষীয়ে৷ দিল্লী আৰক্ষীয়ে সমগ্ৰ ঘটনাৰ তদন্ত অব্যাহত ৰাখিছে৷ তদন্ত যিমানেই আগুৱাইছে সিমানেই বিস্তাৰিত তথ্য সন্মুখলৈ আহিছে৷ বৰ্তমান পৰ্যন্ত নিৰ্যাতিতা মহিলা আৰু অভিযুক্তৰ পৰিচয় প্ৰকাশ কৰা হোৱা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
