চাকৰিৰ ওপৰিও ভৱিষ্যতক সুৰক্ষিত ৰখাৰ চিন্তা প্ৰায় সকলোৰেই থাকে৷ আমি বহুতেই সময় ভাৱি, অৱসৰৰ পাছত যেতিয়া নিয়মিত দৰমহা নাথাকিব তেতিয়া সংসাৰৰ খৰচ কেনেকৈ চলিব? এই সমস্যাৰ অন্যতম নিৰ্ভৰযোগ্য সমাধান এন পি এছ বা নেশ্বনেল পেঞ্চন চিষ্টেম৷ ই চৰকাৰ নিয়ন্ত্ৰিত এনে এক প্ৰকল্প, যি কেৱল নিৰাপদ বিনিয়োগেই নহয়, বাৰ্ধক্যত সন্মানজনক পেনছনৰো নিশ্চয়তা দিয়ে৷
এন পি এছৰ সকলোতকৈ ডাঙৰ সুবিধা হৈছে কম্পাউণ্ডিং শক্তি৷ ৩০ বছৰ বয়সত যদি কোনোৱে বিনিয়োগ আৰম্ভ কৰে তেন্তে হাতত প্ৰায় ৩০ বছৰৰ দীৰ্ঘ সময় থাকিব৷ যাৰ ফলত বিনিয়োগ কৰা ধন কেইবাগুণ বাঢ়ি যাব পাৰে৷ খুবেই বেছি টকা প্ৰতিমাহে বিনিয়োগ নকৰি কেনেকৈ ভৱিষ্যতৰ বৃহৎ ভৰসা হৈ উঠিব পাৰে NPS জানি থওক৷
ধৰা হ’ল বৰ্তমান ৩০ বছৰীয়া কোনো ব্যক্তি বা মহিলাই প্ৰতিমাহে ৫০০০ টকাকৈ NPS একাউণ্টত ধন জমা কৰিছে সেইক্ষেত্ৰত কিমান পেঞ্চন পাব? মাহিলী বিনিয়োগঃ ৫০০০ টকা, বিনিয়োগৰ সময়কালঃ৩০ বছৰ, মুঠ বিনিয়োগঃ ১৮ লাখ টকা, সম্ভাৱ্য বাৰ্ষিক ৰিটাৰ্ণঃ ১০ শতাংশ, ৬০ বছৰ বয়সত মুঠ কৰ্পাছঃ ১১৩,৯৬,৬২৭ টকা অৰ্থাৎ প্ৰায় ১.১৩ কোটি৷ ইয়াতেই লক্ষ্যণীয় বিষয় যে মুঠ ১৮লাখ টকা বিনিয়োগ কৰিও প্ৰায় ৯৫.৯৬ লাখ টকা কেৱল সুদ বা ৰিটাৰ্ণ হিচাপে পাব৷ ই দীৰ্ঘম্যাদি বিনিয়োগ আৰু সময়ৰ শক্তি৷
অৱসৰৰ সময়ত টকা তোলাৰ বিকল্প- ৬০ বছৰ বয়স পোৱাৰ পাছত আপোনাৰ সন্মুখত মূলত দুটা বিকল্প থাকিব৷ অৱসৰৰ সময়ত টকা তোলাৰ বিকল্পঃ ৬০ বছৰ বয়সৰ পাছত মূলত দুটা বিকল্প থাকিব৷
বিকল্প ১ঃ ৬০শতাংশ টকা তুলি লোৱা আৰু ৪০ শতাংশৰে পেঞ্চন লোৱা৷ আপুনি যদি ১.১৩ কোটি টকাৰ মাজৰ পৰা ৬৮.৩৭ লাখ টকা এককালীনভাৱে তুলি লয় তেতিয়া এই টকা সম্পূৰ্ণ কৰমুক্ত থাকিব৷ বাকী ৪৫.৫৮ লাখ টকা এনুইটি প্লেনত বিনিয়োগ কৰিব লাগিব৷ সম্ভাৱ্য মাহিলী পেঞ্চন প্ৰায় ২৬৫০০ টকাৰ পৰা ৩০,৪০০ টকা হ’ব৷
বিকল্প২ঃ সম্পূৰ্ণ টকাই পেঞ্চনৰ বাবে ব্যৱহাৰ কৰে যদি আপুনি সম্পূৰ্ণ ১.১৩ কোটি টকাই এনুইটি প্লেনত বিনিয়োগ কৰিব লাগিব৷ তেতিয়া ৭শতাংশৰ পৰা ৮শতাংশ সুদৰ হাৰত বছৰি ৭.৯৭ লাখ টকাৰ পৰা ৯.১১ লাখ টকা পৰ্যন্ত পেঞ্চন পাব পাৰে৷ সম্ভাৱ্য মাহিলী পেঞ্চন প্ৰায় ৬৬০০০ টকাৰ পৰা ৭৬০০০ টকা হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
