আকৌ তৰুণীৰ ৰহস্যজনক মৃত্যুক লৈ তোলপাৰ দেশ৷ অভিযোগ যে এইবাৰ নয়ডাত এগৰাকী তৰুণীৰ মৃত্যু৷ যৌতুকৰ দাবীত বাৰে বাৰে নিৰ্যাতনৰ চিকাৰ হৈ অহা ২৪ বছৰীয়া তৰুণীয়ে ছাদৰ পৰা জঁপিয়াই শেষ কৰিছে নিজৰ জীৱন৷ ইকোটেক-৩ থানা এলেকাত জলপুৰা গাওঁত এই ঘটনা ঘটিছে৷ আৰক্ষীয়ে মৃতাৰ স্বামী আৰু শহুৰক গ্ৰেপ্তাৰ কৰিছে আৰু এই ঘটনাত পৰবৰ্তী আইনী প্ৰক্ৰিয়া চলিছে৷
যৌতুকক লৈ নিৰ্যাতন
আৰক্ষীয়ে জনাইছে যে ১৪ মাহ পূৰ্বে হৃতিকৰ সৈতে দীপিকাৰ বিবাহ হৈছিল৷ মৃতকৰ পৰিয়ালৰ সদস্যসকলৰ অভিযোগ যে বিবাহত যৌতুক হিচাপে এখন ফৰচুনাৰ এছ ইউ ভি আৰু ১ কোটি টকা দিয়াৰ বন্দোবস্ত আছিল৷ তাৰপিছতো বিবাহৰ পাছত তৰুণীৰ শহুৰেকৰ ঘৰৰ লোকসকলে বাৰে বাৰে যৌতুক দাবী কৰি থাকে বুলি অভিযোগ উঠিছে৷ তদন্তকাৰীসকলৰ ধাৰণা যে ক্ৰমাগত অসুবিধাৰ কাৰণেই শেষ পৰ্যন্ত দীপিকাই চৰম পদক্ষেপ ল’বলৈ বাধ্য হয়৷ অভিযোগ অনুসৰি দীপিতাই বিগত ১৭ মেৰ নিশা ছাদৰ পৰা জপিয়াই দিয়ে৷
শৰীৰত আঘাতৰ চিন দেখা গৈছে
আৰক্ষীয়ে জনাইছে যে দীপিকাৰ শৰীৰত গুৰুতৰ আঘাতৰ চিন দেখা গৈছে৷ ঘটনাৰ খবৰ পাই আৰক্ষীৰ দল ঘটনাস্থলত উপস্থিত হৈ তদন্ত আৰম্ভ কৰে৷ ইয়াৰ পাছতেই মৃতদেহ মৰোণোত্তৰ পৰীক্ষাৰ বাবে পঠিওৱা হয়৷ কৰ্তৃপক্ষই নিশ্চিত কৰিছে যে গোচৰটো জলপুৰা গাওঁৰ ইকোটেক-৩ থানা এলেকাৰ আওতাধীন৷
স্বামী আৰু শহুৰক গ্ৰেপ্তাৰ
এই ঘটনাত আৰক্ষীয়ে মৃত মহিলাৰ স্বামী হৃতিক আৰু শহুৰ মনোজক গ্ৰেপ্তাৰ কৰিছে৷ তদন্তকাৰীয়ে জনাইছে যে মৃতকৰ পিতৃয়ে দাখিল কৰা লিখিত অভিযোগৰ ভিত্তিতেই ব্যৱস্থা লোৱা হৈছে৷ আইনৰ প্ৰাসংগিক ধাৰাত এখন গোচৰ দাখিল কৰা হৈছে৷
আৰক্ষীয়ে কি কৈছে?
এক আনুষ্ঠানিক বিবৃত্তিত আৰক্ষীয়ে জনাইছে যে যৌতুক সংক্ৰান্তিয় অত্যাচাৰৰ কাৰণে হতাশাত ডুবিছিল তৰুণীগৰাকীয়ে৷ আৰক্ষীয়ে দিয়া বিবৃত্তিত দাবী, প্ৰাপ্ত তথ্য অনুসৰি যৌতুক বিচাৰি স্বামীগৃহৰ পৰা তেওঁক মানসিক অত্যাচাৰ চলোৱা হৈছিল৷ আৰু শেষত হতাশ হৈ ১৭ মে’ৰ নিশা মহিলাগৰাকীয়ে ছাদৰ পৰা জপিয়াই মৃত্যুবৰণ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
