মহিলাসকলৰ জীৱনৰ অন্যতম সমস্যা হৈছে হৰমনেল ইমবেলেন্স৷ কোৱা হয় নাৰীদেহত যাৱতীয় সমস্যা আৰম্ভ হয় ইয়াৰ পৰাই৷ কৈশোৰত মুখত হালমইনা ওলোৱাই হওক বা পলি এণ্ডোক্ৰিন মেটাবলিক অভেৰিয়ান চিনড্ৰমেই হওক বা পিচিঅএছেই হওক৷ সকলোবোৰেই হৰমনৰ খেলিমেলিৰ বাবেই হয়৷ হৰমনৰ খেলিমেলিয়ে ঋতুচক্ৰ, টোপনি আৰু হজমস্বাস্থ্যতো প্ৰভাৱ পেলায়৷ মেজাজ খিঙখিঙীয়া হৈ পৰে৷ এই হৰমনৰ ভাৰসাম্যহীনতাৰ সমস্যাৰ দূৰ কৰিব পাৰি সাধাৰণ কিছু খাদ্যৰ পৰাই৷ দৈনিক খাদ্যৰ পাতত কি কি ৰাখিলে উপকাৰ পাব?
ফ্লেক্স ছিডচ
ফ্লেক্ট ছিডছ বা তিচি বীজ আকাৰত সৰু হ’লেও মহিলাৰ স্বাস্থ্যৰ বাবে উপকাৰী৷ অত্যন্ত পুষ্টিকৰ এই বীজত প্ৰচুৰ পৰিমাণে ফাইবাৰ, ওমেগা-৩ ফেটি এছিড আৰু লিগনেন আছে৷ এইসমূহে দেহত ইষ্ট্ৰজেন হৰমনৰ মাত্ৰা বজায় ৰখাত সহায় কৰে৷ ইয়াৰোপৰি অন্ত্ৰৰ স্বাস্থ্যও বজায় ৰাখে৷ কোষ্ঠকাঠিন্যৰ সমস্যা দূৰ কৰে৷
সেউজীয়া শাকপাচলি
প্ৰতিদিনে খাদ্যৰ প্লেটত সেউজীয়া শাকপাচলি থকাটো অত্যন্ত জৰুৰী৷ এইসমূহত প্ৰচূৰ পৰিমাণে মেগনেছিয়াম, ফ’লেট, আয়ৰণ, এণ্টিঅক্সিডেণ্ট আৰু ফাইবাৰ থাকে৷ অতিৰিক্ত মানসিক চাপ, ক্লান্তি, টোপনিৰ সমস্যা আৰু PMS ৰ সমস্যা দূৰ কৰে শাকপাচলিয়ে৷ ইয়াৰোপৰি মেটাবলিজম উন্নত কৰে আৰু লাইফষ্টাইল ডিজিজৰ আশংকা কমায়৷
বাদাম
আলমণ্ড, আখৰোট, কাজুৰ দৰে বাদাৰত স্বাস্থ্যকৰ ফেট, মিনাৰেল আৰু প্ৰটিন ভৰপুৰ থাকে৷ এইসমূহে হৰমন উৎপাদনকাৰী গ্ৰন্থিসমূহৰ কাৰ্যকাৰিতা সচল ৰাখে৷ ইয়াৰোপৰি ক্ৰনিক অসুখৰ আশংকা কমায় দিয়ে৷
টেঙা দৈ
হৰমনৰ ভাৰসাম্য ঠিক ৰাখিবলৈ হ’লে পৰিপাকতন্ত্ৰৰ স্বাস্থ্যও বজায় ৰাখিব লাগিব৷ আৰু এইক্ষেত্ৰত টেঙা দৈ উপকাৰী৷ ইয়াত থকা প্ৰোবায়োটিক অন্ত্ৰৰ বাবে উপকাৰী আৰু সংক্ৰমণৰ আশংকা কমায়৷ প্ৰকৃততে এই খাদ্যই হৰমনৰ কাৰ্যকাৰিতা বজায় ৰাখে আৰু শৰীৰৰ পৰা টক্সিক পদাৰ্থ বাহিৰ কৰি দিয়ে৷
দাইল
বিভিন্ন ধৰণৰ দাইল, ৰাজমাহ, মগুমাহ আদিয়ে মহিলাৰ হৰমনৰ হেলথৰ বাবে ভীষণ উপকাৰী৷ এইসমূহত প্ৰটিন, ফাইবাৰ, আয়ৰণ আৰু কাৰ্বহাইড্ৰেট থাকে৷ এইসমূহে দীৰ্ঘক্ষণ পেট ভৰাই ৰাখে আৰু তেজত শৰ্কৰাৰ মাত্ৰা নিয়ন্ত্ৰণত ৰাখে৷
ফলমূল
বিভিন্ন ধৰণৰ ফল যেনে আপেন, নাচপতি, মধুৰিআম, কমলা আৰু আমলখিয়ে শৰীৰত এণ্টিঅক্সিডেণ্ট, ভিটামিন আৰু ফাইবাৰ প্ৰদান কৰে৷ এইসমূহে অক্সিডেটিভ ষ্ট্ৰেছ কমায় আৰু হজমশক্তি বঢ়ায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
