গৰম দিনত প্ৰায় প্ৰতিঘৰ অসমীয়াৰ ঘৰতেই পোৱা যায় এই বীজ, বিজ্ঞানীয়ে কিয় ছুপাৰফুডৰ স্বীকৃতি দিছে এই বীজক?

গৱেষণাত জনা গৈছে যে কঁঠালৰ বীজত আছে ভাল পৰিমাণ প্ৰটিন, ফাইবাৰ আৰু শৰীৰৰ বাবে প্ৰয়োজনীয় নানান খনিজ উপাদান৷ ইয়াত আয়ৰণ, পটাচিয়াম, মেগনেছিয়াম আৰু ভিটামিন বি কমপ্লেক্সো পোৱা যায়৷ এইসমূহে শৰীৰৰ শক্তি বঢ়োৱাত সহায় কৰে আৰু পেশী মজবুত ৰখাতো উপকাৰী৷ ইয়াৰোপৰি কঁঠালৰ বীজত থকা ফাইবাৰে হজমশক্তি ভালে ৰখাত সহায় কৰে৷ যাৰ কোষ্ঠকাঠিন্য বা হজমৰ সমস্যা আছে তেওঁলোকৰ বাবেও ই উপকাৰী হ’ব পাৰে৷ দীৰ্ঘ সময় পেট ভৰি থাকে আৰু ওজন নিয়ন্ত্ৰণত সহায় কৰিব পাৰে এই বীজে৷

স্বাস্থ্য বিশেষজ্ঞৰ মতে ডায়বেটিছ ৰোগীসকলৰ বাবেও কঁঠালৰ বীজ উপকাৰী হ’ব পাৰে৷ কাৰণ ই দ্ৰুত ৰক্ত শৰ্কৰাৰ মাত্ৰা নবঢ়ায়৷ যাৰ কিডনিৰ সমস্যা আছে তেওঁলোকে বেছি পৰিমাণে খোৱাৰ পূৰ্বে চিকিৎসকৰ পৰামৰ্শ লোৱা উচিত৷ কেৱল ঘৰুৱা ৰন্ধনেই নহয় বিভিন্ন খাদ্য সংস্থাইয়ো কঁঠালৰ বীজক লৈ কাম আৰম্ভ কৰিছে এই বীজ শুকাই গুৰি কৰি আটা, বিস্কুট, স্নেকছ আনকি প্ৰটিন পাউডাৰ তৈয়াৰৰ চেষ্টাও কৰিছে৷ বিজ্ঞানীসকলৰ মতে ভৱিষ্যতে ই নিৰামিষ প্ৰটিনৰ ডাঙৰ উৎস হৈ উঠিব পাৰে৷