আইপিএলৰ পাছত আফগানিস্তানৰ বিৰুদ্ধে টেষ্ট মেচৰ বাবে সাজু হৈছে ভাৰত৷ এই মেচৰ বাবে ১৫জনীয়া দলত কোন কোন খেলুৱৈ থাকিব সেয়া নিৰ্ধাৰণো কৰিছে অজিত আগৰকাৰে৷ শুভমন গিলৰ সহ অধিনায়ক কৰা হৈছে লোকেশ ৰাহুলক৷ এইবাৰো অৱশ্যে ভাৰতীয় দলত সুযোগ নাপালে মহম্মদ ছামীয়ে৷
আফগানিস্তানৰ বিৰুদ্ধে মেচখন বিশ্ব টেষ্ট চেম্পিয়নচিপৰ অংশ অৱশ্যে নহয়৷ সেয়ে বিশ্ৰাম দিয়া হৈছে জছপ্ৰীত বুমৰাহকো৷ কিন্তু কিয় এই মেচত গুৰুত্ব দিয়া নহ’ল মহম্মদ ছামীক, সেই প্ৰশ্ন এতিয়া বহুজন ক্ৰিকেটপ্ৰেমীৰ মনতেই৷ মেচসমূহৰ পৰা ছামীক বাৰে বাৰে দূৰৈত ৰাখিছে গৌৰম গম্ভীৰ আৰু আগৰকাৰে৷
টেষ্ট দলত নতুন কেইবাজন খেলুৱৈক সুযোগ দিছে জাতীয় নিৰ্বাচকে৷ তেওঁলোক হৈছে হৰ্ষ ডুবে, মানৱ সুতাৰ আৰু গুৰনুৰ ব্ৰাৰ। ২৩ বছৰীয়া মানৱ বাওঁহতীৰ স্পিনাৰ আৰু বেটছমেন। বলিঙো অল-ৰাউণ্ডাৰ। ২৫ বছৰীয়া গুৰনুৰ এজন বেগী বলাৰ। তেওঁৰ বেটিঙো বেয়া নহয়। ২৩ বছৰীয়া হৰ্ষো এজন অল ৰাউণ্ডাৰ। বাওঁহাতৰ স্পিনাৰ আৰু বাওঁহাতৰ বেটছমেন।
গম্ভীৰ, আগৰকাৰে ভৱিষ্যতৰ দল গঢ়াৰ কাম আৰম্ভ কৰিছে। শ্ৰীলংকা আৰু নিউজিলেণ্ডৰ বিৰুদ্ধে টেষ্ট শৃংখলাৰ পূৰ্বে তেওঁলোকে এই খেলুৱৈকেইজনৰ খেল চাব বিচাৰিছে তেওঁলোকে। আফগানিস্তানৰ বিৰুদ্ধে প্ৰথম একাদশত মানৱ, গুৰনুৰ বা হৰ্ষে সুযোগ নাপালেও শুভমনহঁতৰ ড্ৰেছিং ৰুমৰ পৰিবেশৰ সৈতে চিনাকি হোৱাৰ সুযোগ পাব। তিনিজন যুৱ বলাৰক সুযোগ দিয়াৰ উপৰিও আৰু এটা কথা স্পষ্ট কৰি দিয়া হৈছে যে তেওঁলোকে এতিয়া ছামীৰ কথা ভৱা নাই৷ ছামীয়ে এতিয়া আই পি এলৰ লক্ষ্ণৌ ছুপাৰ জয়েণ্টচৰ হৈ ভাল পাৰফৰ্ম কৰক৷
ভাৰতীয় দলৰ ‘ডিলাৰশ্বিপ গ্ৰুপ’ত পণ্টকো এতিয়া আৰু গণ্য কৰা নহয়। তেওঁৰ পাৰফৰমেন্স আৰু মানসিকতাক লৈ বাৰে বাৰে প্ৰশ্ন উত্থাপন হৈছে। পন্তৰ ওপৰত নিৰ্বাচকসকলো হয়তো হতাশ হৈছে। আশা কৰা মতে ফল নাপায়ে তেওঁক উপ-অধিনায়কৰ পদৰ পৰা অপসাৰণ কৰা হৈছে। তেওঁৰ পৰিবৰ্তে ৰাহুলক দায়িত্ব দিয়া হৈছে। অনুমান কৰা হৈছে যে ৰাহুলৰ অভিজ্ঞতাই শুভমনকো অধিনায়ক হিচাপে নিজকে অধিক উন্নত কৰাত সহায় কৰিব।
ভাৰতীয় দলত কোন কোন আছে?
শুভমান গিল (অধিনায়ক), কে এল ৰাহুল (উপ অধিনায়ক), যশস্বী জয়ছোৱাল, ছাই সুদৰ্শন, ঋষভ পন্ত (উইকেটকিপাৰ), দেৱদত্ত পাদিক্কাল, নীতিশ কুমাৰ ৰেড্ডী, ৱাশ্বিংটন সুন্দৰ, কুলদীপ যাদৱ, মহম্মদ ছিৰাজ, প্ৰসিদ্ধ কৃষ্ণ, হৰ্ষ ডুবে, ধ্ৰুৱ জুৰেল (উইকেটকিপাৰ), মানৱ সুতাৰ আৰু গুৰনুৰ ব্ৰাৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
