দেশৰ বৃহত্তম ৰাষ্ট্ৰায়ত্ত বেংক ভাৰতীয় ষ্টেট বেংকে গ্ৰাহকসকলক ফিক্সড ডিপোজিটত আকৰ্ষণীয় সুদৰ সুবিধা দিছে৷ SBIত গ্ৰাহকে মাত্ৰ ৭দিনৰ পৰা আৰম্ভ কৰি ১০ বছৰ পৰ্যন্ত ম্যদত FD কৰিব পাৰে৷ SBIৰ বিভিন্ন এফ ডি স্কিমত বিনিয়োগ কৰিলে নিশ্চিত ৰিটাৰ্ণ পোৱা যায়৷ কাৰণ এটা চৰকাৰী বেংক আৰু চৰকাৰৰ নিয়ন্ত্ৰণত পৰিচালিত হয়৷ যদি কোনো ব্যক্তিয়ে SBIৰ বিশেষ FD স্কিমত ৩লাখ টকা বিনিয়োগ কৰিলে, তেন্তে মেচিউৰিটিৰ সময়ত তেওঁ প্ৰায় ১,৫৮,৯৭৪ টকা পৰ্যন্ত নিৰ্দিষ্ট সুদ পাব পাৰে৷ নিৰাপদ বিনিয়োগ আৰু নিশ্চিত আয়ৰ বাবে বহুতেই SBIৰ এফ ডিক ভৰসাযোগ্য বিকল্প হিচাপে বাচি লয়৷
এফ ডিত কিমান সুদ দিছে এছ বি আইয়ে?
ভাৰতীয় ষ্টেট বেংকে তেওঁলোকৰ গ্ৰাহকৰ ফিক্সড ডিপজিটত আকৰ্ষণীয় সুদৰ হাৰ পাইছে৷ বেংকত বিভিন্ন ম্যাদৰ FD স্কিমত ন্যূনতম ৩.০৫ শতাংশৰ পৰা সৰ্বোচ্চ ৭.১৫ শতাংশ পৰ্যন্ত সুদ দিছে৷ SBIৰ সকলোতকৈ কম ম্যাদৰ অৰ্থাৎ ৭দিনৰ FD ত গ্ৰাহকে ৩.০৫ শতাংশৰ পৰা ৩.৬৫ শতাংশ পৰ্যন্ত সুদ পাইছে৷ অন্যহাতে ৪৬ দিনৰ পৰা ১৭৯ দিনৰ এফ ডি স্কিমত বেংকত ৪.৯০ শতাংশৰ পৰা ৫.৫০ শতাংশ পৰ্যন্ত ৰিটাৰ্ণ দিছে৷
ইয়াৰোপৰি ১৮০ দিনৰ পৰা ২১০ দিনৰ এফ ডিত ৫.৬৫ শতাংশৰ পৰা ৬.২৫ শতাংশ পৰ্যন্ত সুদৰ সুবিধা পাইছে৷ দীৰ্ঘম্যাদি বিনিয়োগ কৰিব খুজিলে এছ বি আইৰ ৫ বছৰৰ পৰা ১০ বছৰৰ এফ ডি স্কিমত এটা ভাল বিকল্প হ’ব পাৰে৷ এই ম্যাদৰ FDত বেংকে ৬.০৫ শতাংশৰ পৰা সৰ্বোচ্চ ৭.১৫ শতাংশ পৰ্যন্ত সুদ দিছে৷
৩লাখ জমা কৰিলে কিমান ৰিটাৰ্ণ পাব?
যদি কোনো সাধাৰণ নাগৰিকে SBIৰ ৬ বছৰৰ এফ ডি স্কিমত ৩লাখ বিনিয়োগ কৰে তেন্তে মেচিউৰিটিৰ সময়ত সুদসহ মুঠ ৪৩০,১২০ টকা পাব৷ অৰ্থাৎ ৬ বছৰত প্ৰায় ১৩০,১২০ টকা সুদ হিচাপেই লাভ কৰিব৷ অন্যহাতে প্ৰবীণ নাগৰিকে যদি একেই স্কিমত ৩ লাখ টকা জমা কৰে তেন্তে মেচিউৰিটিৰ সময়ত মুঠ ৪৫৬,২৭৬ টকা পাব৷ ইয়াৰ মাজত কেৱল সুদ হিচাপেই থাকিব ১৫৬,২৭৬ টকা৷ ইয়াৰোপৰি অতি প্ৰবীণ নাগৰিকৰ বাবে এই স্কিমত আৰু বেছি সুবিধা আছে৷ ৩লাখ টকা বিনিয়োগ কৰিলে ৬ বছৰৰ পাছত মুঠ ৪৫৮,৯৭৮ টকা পাব৷ যাৰমাজত ১৫৮,৯৭৮ টকা থাকিব কেৱল সুদ হিচাপেই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
