মাত্ৰ ৫০ বছৰ বয়সৰ ভিতৰতেই ২ কোটি টকাৰ মালিক হোৱাৰ সপোন দেখিছে? যদি ৩০ বছৰ বয়স হয় তেন্তে কিমান টকাৰ SIP কৰিব?

বিনিয়োগ এক্সপাৰ্ট বা বিশেষজ্ঞই পৰামৰ্শ দিয়ে যে নিয়মিত বিনিয়োগ কৰিলে দীৰ্ঘম্যাদি মোটা টকা ৰিটাৰ্ণ হিচাপে পোৱা যায়৷ বৰ্তমান বজাৰত বহুধৰণৰ বিনিয়োগ বিকল্প আছে৷ চৰকাৰী স্কিম, বণ্ড, ফিক্সড ডিপজিটত গেৰেণ্টিযুক্ত ৰিটাৰ্ণ থাকে৷ কিন্তু এইসমূহত ৰিটাৰ্ণ SIPতকৈ কম৷ সেয়ে আজিকালি বিনিয়োগৰ অন্যতম জনপ্ৰিয় মাধ্যমেই হৈছে SIP বা চিষ্টেমেটিক ইনভেষ্টমেণ্ট প্লেন৷ প্ৰকৃততে ইয়াৰ মাধ্যমেৰে নিয়মিতভাৱে মিউচুৱেল ফাণ্ডত বিনিয়োগ কৰা সম্ভৱ৷ এইক্ষেত্ৰত অৱশ্যে কিছু ভয়ো থাকে বিনিয়োগকাৰীৰ৷ কাৰণ এয়া শ্বেয়াৰ বজাৰৰ সৈতে যুক্ত৷ ৰিটাৰ্ণৰ নিশ্চিত সীমা অৱশ্যে ইয়াত নাথাকে৷ কিন্তু SIPত বিনিয়োগ কৰি বৰ্তমানলৈকে কাৰো লোকচান হোৱা নাই৷

SIP কেলকুলেটৰ অনুসৰি ৩০ বছৰ বয়সীয়া কোনোৱে যদি ১২ শতাংশ ৰিটাৰ্ণৰ হিচাপত পৰবৰ্তী ২০ বছৰৰ বাবে SIP কৰে তেন্তে প্ৰতিমাহে অন্তত ২০১০০ টকা বিনিয়োগ কৰিব পাৰে৷ ২০ বছৰৰ পাছত অৰ্থাৎ নিজৰ বয়স ৫০ বছৰ হোৱাৰ সময়ত তেওঁৰ মুঠ ফাণ্ড হ’ব ২ কোটি ৮২ হাজাৰ ৮৭৩ টকা৷ কিন্তু কেনেকৈ? হিচাপ অনুসৰি আগন্তুক ২০ বছৰত সেই ব্যক্তিৰ মুঠ বিনিয়োগৰ পৰিমাণ হ’ব ৪৮ লাখ ২৪ হাজাৰ টকা৷ আৰু এই পৰিমাণৰ অৰ্থৰ পৰা ৰিটাৰ্ণ হিচাপে পাব ১ কোটি ৫২ লাখ ৫৮ হাজাৰ ৮৭৩ টকা৷