আই পি এলৰ মাজতেই বিবাহ ঠিক হৈছে ছানৰাইজাৰ্ছ হায়দৰাবাদৰ মালিক কাব্যা মাৰানৰ! ছচিয়েল মিডিয়াত তুংগত আছে এই চৰ্চা৷ নেটদুনীয়াৰ চৰ্চাত পাত্ৰ কোন সেয়াও স্পষ্ট হৈ পৰিছে৷ কাব্যাৰ হ’বলগীয়া স্বামী হৈছে তামিল সুৰকাৰ অনিৰুদ্ধ ৰবিচন্দ্ৰন৷ দুজনৰ বিবাহক লৈ ছচিয়েল মিডিয়াত এটাৰ পাছত আনটো পোষ্ট দেখিবলৈ পোৱা গৈছে৷ আনকি বিবাহৰ দিনক্ষণো জনাই দিছে বহুতে৷ কিন্তু কিমান সঁচা এই খবৰ?
কাব্যা-অনিৰুদ্ধৰ প্ৰেমকাহিনীক লৈ চৰ্চা এয়াই প্ৰথম নহয়৷ বিগত সময়ত চলিয়েই আহিছে এই চৰ্চা৷ সম্প্ৰতি এক বিনোদনমূলক ৱেবচাইট দাবী কৰা হৈছে দুইপক্ষৰ পৰিয়ালত স্পেইনত তেওঁলোকৰ বিবাহ সম্পন্ন হ’ব বুলিও জানিব পৰা গৈছে৷ চলিত বছৰৰ ডিচেম্বৰত বিবাহৰ অনুষ্ঠান হ’ব৷ পাছত চেন্নাইতো অনুষ্ঠান পতা হ’ব৷ এই বিষয়ক লৈ কোনোৱে অৱশ্যে এই পৰ্যন্ত মুখ খোলা নাই৷ বহুতেই আকৌ কৈছে যে অনিৰুদ্ধেও পূৰ্বেও এটা পোষ্ট দিছিল, তাত তেওঁ লিখিছিল, ‘সকলোবোৰ গুজব, বন্ধ কৰা এইবোৰ৷’ তেওঁৰ এই পোষ্টক লৈ বহুতে কৈছে যে বিবাহৰ কথাবোৰো গুজবেই হ’ব চাগৈ৷
উল্লেখ্য যে ছানৰাইজাৰ্ছৰ সুন্দৰী মালিক কাব্যাৰ অনুৰাগীৰ সংখ্যাও কম নহয়৷ ষ্টেডিয়ামত কমলা ৰঙৰ জাৰ্ছীত তেওঁ দলক সমৰ্থন জনাবলৈ আহিলেই ছানৰাইজাৰ্ছৰ প্ৰতি যেন আকৰ্ষণ এনেই বাঢ়ি যাই আইপিএলপ্ৰেমীৰ৷ আনহাতে তেওঁৰ চৰ্চিত প্ৰেমিক অনিৰুদ্ধও প্ৰতিষ্ঠিত এজন সুৰকাৰ৷ অনিৰুদ্ধ বিখ্যাত তামিল ছবি জেইলাৰ, লিঅ’ বা কুলিৰ দৰে বিখ্যাত তামিল চিনেমাত সুৰ দিছে৷ ইয়াৰোপৰি হিন্দিত শ্বাহৰুখ খানৰ জোৱান চিনেমাৰ সুৰকাৰ হিচাপেও তেওঁ খুবেই জনপ্ৰিয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
