বিশ্ব ক্ৰিকেটত তেওঁপ নাম যেন আত্মবিশ্বাসৰ আৰু এক নাম৷ ২০ গজত নামিলেই বেটেৰে দেখুৱাই জাদু৷ আছে বিশ্বজোৰা খ্যাতি, ৰেকৰ্ডৰ পাহাৰ৷ কিন্তু সেই বিৰাট কোহলিয়েই ভিতৰি ভিতৰি যুঁজ দিছে ভয়, আত্মসন্দেহ আৰু মানসিক ক্লান্তিৰ সৈতে৷ কেৰিয়াৰৰ সোণালী সময়েও তেওঁক অনুপ্ৰাণিত কৰিব পৰা নাই৷ ইমপষ্টাৰ ছিনড্ৰোমত ভোগাৰ কথা এইবাৰ প্ৰকাশ্যে জনালে ভাৰতৰ প্ৰাক্তন অধিনায়ক কিং কোহলীয়ে৷
বাংগালুৰুৰ আৰচিবি ইনোভেছন লেব ইণ্ডিয়ান স্পৰ্টছ চামিটত কোহনিয়ে কয়, ‘দীৰ্ঘদিন দেশৰ অধিনায়কত্ব কৰি কৰি তেওঁ মানসিকভাৱে ক্লান্ত হৈ পৰিছিল৷ মেচত পাৰ্ফৰ্মেন্স থাকিলেও ভিতৰি ভিতৰি তেওঁ হেৰুৱাই পেলাইছিল খেলাৰ আনন্দ৷ অধিনায়কত্ব এৰাৰ পাছত সেই কঠিন সময়ত তেওঁৰ কাষত থিয় দিয়ে ৰাহুল দ্ৰাবিড় আৰু বিক্ৰম ৰাঠৌৰ৷ কোহলীয়ে কয় যে ৰাহুল দ্ৰাবিড় আৰু বিক্ৰম ৰাঠোৰে তেওঁৰ খেলকেই নহয় ব্যক্তিগত জীৱনটোকো সামৰি ৰাখিছে৷
মনোৰোগ বিশেষজ্ঞৰ মতে, ইমপষ্টাৰ ছিনড্ৰোম এনে এক মানসিক অৱস্থা, য’ত মানুহে নিজৰ সাফল্যকো বিশ্বাস কৰিব পৰা নাই৷ যিমানেই প্ৰশংসা, পুৰস্কাৰ বা স্বীকৃতি আহক ধাৰণা হয় সকলো ভাগ্যৰ জোৰত হৈছে৷ ভিতৰি ভিতৰি কাম কৰিও এক অদ্ভুত ভয়, এদিন সকলোৱে বুজি যাব যে তেওঁ প্ৰকৃততে যোগ্য নহয়, এই ধৰণৰ চিন্তাই কুটুৰি কুটুৰি খাইছিল বিৰাট কোহলীক৷
বিশেষজ্ঞই কয়, সাধাৰণ আত্মবিশ্বাসৰ অভাৱ আৰু ইমপষ্টাৰ চিনড্ৰোম একেই নহয়৷ আত্মবিশ্বাস কম থাকিলে মানুহে নিজৰ দক্ষতাক লৈ দ্বিধাত থাকে৷ কিন্তু ইমপষ্টাৰ চিনড্ৰোমত আক্ৰান্ত ব্যক্তিয়ে ডাঙৰ সাফল্যৰ পাছতো নিজকে অযোগ্য ভাৱে৷ নিজৰ অৰ্জনক সৰুকৈ চাই৷ সকলো সময়তে অন্যৰ সৈতে তুলনা কৰা আৰু ভিতৰি ভিতৰি অপৰাধবোধত ভোগা এই সমস্যাৰ সাধাৰণ লক্ষণ৷
চিকিৎসকৰসকলৰ মতে এই সমস্যা সাধাৰণ মানুহৰ নহয়৷ তাৰকা, ক্ৰীড়াবিদ, অভিনেতা, কৰ্পৰেট দুনীয়াৰ সফল ব্যক্তিসকলৰহে হয়৷ বহুতৰেই এই মানসিক চাপ আছে৷ কাৰণ সাফল্যৰ সৈতে বাঢ়ি থাকে প্ৰত্যাশা, সমালোচনাৰ ভয় আৰু সকলো সময়তে নিঁখুত থকাৰ অদৃশ্য চাপ৷ দীৰ্ঘদিন এই মানসিক অৱস্থা থাকিলে উদ্বেগ, অনিদ্ৰা, বাৰ্নআউট, আত্মবিশ্বাসৰ সমস্যা আনকি কামৰ দক্ষতা কমি যাব পাৰে৷ বহুতেই নতুন সুযোগ বা দায়িত্ব ল’বলৈ ভয় কৰে, কাৰণ ভিতৰি ভিতৰি তেওঁলোকে নিজকে যথেষ্ট বুলি ধাৰণা নকৰে৷
বিশেষজ্ঞসকলৰ পৰামৰ্শ, এই অনুভূতিক অস্বীকাৰ নকৰি স্বীকাৰ কৰাই প্ৰথম ধাপ৷ নিজৰ সাফল্যসমূহ মনত ৰখা, বাৰে বাৰে অন্যৰ সৈতে তুলনা নকৰা৷ কামৰ মানুহৰ সৈতে খোলামেলাকৈ কথা কোৱা আৰু ভুলক শিকাৰ অংশ হিচাপে মানি লোৱাটোৱে মানসিক চাপ কমোৱাত সহায় কৰে৷ প্ৰয়োজন হ’লে অৱশ্যেই মানসিক স্বাস্থ্য বিশেষজ্ঞৰ সহায় লোৱা উচিত৷ বিৰাট কোহলিৰ এই স্বীকাৰোক্তিয়েই যেন আকৌ অবাৰ বুজাই দিছে. সাফল্যৰ হাঁহিৰ আঁৰতো চলি থাকে গভীৰ মানসিক যুদ্ধ৷ সেই যুদ্ধৰ কথা প্ৰকাশ্যে কোৱাটো দুৰ্বলতা নহয়, বৰং সাহসহে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
