মানৱ জাতিৰ হিংস্ৰতাৰে ভৰা এনে এক উৎসৱ যিয়ে আপোনাক হয়টো ভাবুক কৰি তুলিব। যি উৎসৱৰ বাবে ৰ*ক্তাক্ত হৈ পৰে সাগৰৰ পানী। যাৰ বাবে মৃত্যু উপত্যাকত পৰিণত হৈ পৰে ডেনমাৰ্কৰ অধীনস্থ এটা দ্বীপ। এনে এটা পৰম্পৰাগত উৎসৱক দোহাৰি জীৱন্তে প্ৰাণ কাঢ়িলে ৭০০তকৈও অধিক ডলফিন আৰু তিমি মাছৰ। এই ঘটনা সংঘটিত হৈছে ডেনমাৰ্কৰ অধীনত থকা ফেয়াৰো আইলেণ্ডত। ফেয়াৰো আইলেণ্ডত প্ৰতিবছৰে ‘দ্য গ্ৰিণ্ড’ নামৰ এটা বিশেষ উৎসৱ উৎযাপন কৰা হয়। এই উৎসৱটোত এনেকৈ ডলফিন বা তিমি মাছ হ*ত্যা কৰাটো এটা পৰম্পৰাগত নিয়ম। প্ৰতিবছৰে এনেকৈ ডলফিন বা তিমি মাছ আইলেণ্ডটোৰ সকলো সম্প্ৰদায়ৰ লোকে এনেকৈয়ে হ*ত্যা কৰি আহিছে। লক্ষণীয় কথাটো হৈছে এই কাৰ্যত পুৰুষসকলৰ লগতে স্থানীয় মহিলা আৰু শিশুসকলেও যোগ দিয়ে।
দ্য গ্ৰিণ্ড উৎসৱত স্থানীয় লোকসকলৰ পৰম্পৰাগত এই ক্ৰুৰতাৰ বাবে আইলেণ্ডটোৰ পৰা বহু কিলোমিটাৰ দূৰলৈ সাগৰৰ পানী ৰঙা হৈ পৰা দেখা যায়। খবৰ অনুসৰি এই দ্য গ্ৰিণ্ড উৎসৱৰ বাবে আইলেণ্ডটোত এইবছৰ ৪০২ টা তিমি মাছ আৰু ৩০০টা ডলফিনক হ*ত্যা কৰা হৈছে। এই পৰিমাণ পূৰ্বৰ বছৰবোৰৰ তুলনাত যথেষ্ট বেছি। PETAৰ অধ্যক্ষ এলিছা এলেনে দ্য গ্ৰিণ্ডৰ এই পৰম্পৰাগত নিয়মৰ বিৰোধিতা কৰি এনেদৰে অতি ডলফিন আৰু তিমি হ*ত্যাত নিষেধাজ্ঞা আৰোপ কৰাৰ বাবে ডেনমাৰ্ক চৰকাৰক দাবী জনাইছে। অৱশ্যে প্ৰতিবাৰেই বিভিন্ন সমাজকৰ্মীয়ে দ্য গ্ৰিণ্ড উৎসৱৰ এই বিশেষ পৰম্পৰাটোৰ বিৰোধিতা কৰি আহিছে। অৱশ্যে ডেনমাৰ্কৰ অধীনত থাকিলেও ফেয়াৰো আইলেণ্ড সম্পূৰ্ণ স্বত্বন্ত্ৰ আৰু আইলেণ্ডটোৰো কিছু কিছু ক্ষেত্ৰত আছে এক নিজস্ব আইন। উল্লেখ্য যে ফেয়াৰো আইলেণ্ডৰ এই দ্য গ্ৰিণ্ড উৎসৱ প্ৰায় এহেজাৰ বছৰৰ পৰা চলি আহিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
