আজিকালি শোৱনি কোঠা, ড্ৰয়িং ৰূম বা শিশুসকলৰ কোঠাত ৰঙীন আৰু আকৰ্ষণীয় Dream Catcherৰ সহজে দেখা যায়। বহুতে ইয়াক কেৱল ঘৰৰ সৌন্দৰ্য বৃদ্ধি কৰা সামগ্ৰী বুলি গণ্য কৰে। আনহাতে, বহু লোকৰ বিশ্বাস কৰে যে Dream Catcherৰ ইতিবাচক শক্তি, শুভ চিন্তা আৰু ভাল সপোনৰ প্ৰতীক। বাস্তুশাস্ত্ৰতো Dream Catcherৰ সম্পৰ্কে কিছুমান বিশেষ কথা উল্লেখ কৰা হৈছে।
Dream Catcher কি?
উপৰি উক্ত ছবিত দেখাৰ দৰে Dream Catcher হৈছে ঘূৰণীয়া আকৃতিৰ এটা সজ্জা সামগ্ৰী, যাৰ মাজভাগত জালৰ দৰে বুননি থাকে আৰু তলফালে পাখি, মণি বা ৰঙীন সূতা ওলমি থাকে। পৰম্পৰাগত বিশ্বাস অনুসৰি, ই নেতিবাচক শক্তি আৰু বেয়া সপোন আঁতৰাই ইতিবাচক শক্তি, শুভ চিন্তা আৰু ভাল সপোনক আকৰ্ষণ কৰে বুলি ধৰা হয়।
বাস্তুশাস্ত্ৰ অনুসৰি Dream Catcherৰ লগোৱাৰ সঠিক দিশ
বাস্তুশাস্ত্ৰ অনুসৰি Dream Catcher লগাওঁতে ইয়াৰ দিশৰ ওপৰত বিশেষ গুৰুত্ব দিয়া উচিত। ইয়াক পূব, উত্তৰ অথবা উত্তৰ-পূব (ঈশান কোণ) দিশত লগোৱাটো শুভ বুলি ধৰা হয়। এই দিশসমূহ ইতিবাচক শক্তিৰ প্ৰৱেশ দ্বাৰ বুলি বিশ্বাস কৰা হয়। সঠিক দিশত লগোৱা Dream Catcher ঘৰত শান্তি, সু-সমন্বয় আৰু ইতিবাচক পৰিৱেশ বজাই ৰাখিবলৈ সহায় কৰে বুলি ধৰা হয়।
শোৱনি কোঠাৰ ক’ত লগাব Dream Catcher?
যদি আপুনি Dream Catcher শোৱনি কোঠাত লগাব বিচাৰে, তেন্তে ইয়াক বিচনাৰ মূৰৰ ওপৰত অথবা খিৰিকীৰ ওচৰত লগোৱাটো উপযুক্ত বুলি কোৱা হয়। এনে কৰিলে শুই থকাৰ সময়ত মন শান্ত থাকে, ইতিবাচক চিন্তাধাৰা বৃদ্ধি পায় আৰু সুখনিদ্ৰা লাভ হয় বুলি বহুতে বিশ্বাস কৰে। অৱশ্যে, Dream Catcherৰ মজিয়াৰ একেবাৰে ওচৰত বা ধূলি-মলিন সহজে জমা হোৱা ঠাইত লগোৱাৰ পৰা বিৰত থাকিব লাগে।
কোনবোৰ ঠাইত Dream Catcher লগাব নালাগে?
বাস্তুশাস্ত্ৰীয় বিশ্বাস অনুসৰি Dream Catcher বাথৰুম, পাকঘৰ, ষ্ট’ৰ ৰুম অথবা ঘৰৰ অন্ধকাৰ আৰু সেমেকা ঠাইত লগোৱা উচিত নহয়। তদুপৰি, যদি Dream Catcher ফাটি যায়, ভাঙি যায় বা অতি পুৰণি হৈ পৰে, তেন্তে তাক ঘৰত নাৰাখি নতুনকৈ সলনি কৰাটো অধিক শুভ বুলি গণ্য কৰা হয়।
Dream Catcher লগোৱাৰ সম্ভাৱ্য উপকাৰিতা
বাস্তুশাস্ত্ৰীয় আৰু পৰম্পৰাগত বিশ্বাস অনুসৰি, সঠিক দিশত লগোৱা ড্ৰিমকেচাৰে ঘৰত ইতিবাচক শক্তিৰ পৰিৱেশ সৃষ্টি কৰে। মানসিক চাপ আৰু উদ্বেগ হ্ৰাস কৰাত সহায় কৰে বুলি ধৰা হয়। মনত শান্তি আৰু স্থিৰতা আনিবলৈ সহায় কৰে। ঘৰৰ পৰিৱেশ অধিক সুখদায়ক আৰু সৌহাৰ্দ্যপূৰ্ণ কৰি তোলে। সুখনিদ্ৰা, ইতিবাচক চিন্তাধাৰা আৰু মানসিক ভাৰসাম্য বজাই ৰখাত সহায় কৰে বুলি বহুতে বিশ্বাস কৰে।
ওপৰত উল্লেখ কৰা সকলো উপকাৰিতা আৰু দিশ-নিৰ্দেশনা মূলতঃ বাস্তুশাস্ত্ৰ, ফেং শ্বুই আৰু পৰম্পৰাগত বিশ্বাসৰ ওপৰত ভিত্তি কৰি গঢ় লৈ উঠিছে। ইয়াৰ বৈজ্ঞানিক প্ৰমাণ নিশ্চিতভাৱে প্ৰতিষ্ঠিত হোৱা নাই। সেয়েহে ইয়াক মূলতঃ সাংস্কৃতিক আৰু আধ্যাত্মিক বিশ্বাস হিচাপে গ্ৰহণ কৰা উচিত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
