জ্যোতিষশাস্ত্ৰত তামক এবিধ শুভ ধাতু বুলি গণ্য কৰা হয়। ইয়াৰ সম্পৰ্ক সূৰ্য আৰু মংগল গ্ৰহৰ সৈতে থাকে বুলি বিশ্বাস কৰা হয়। সেইবাবে তামৰ খাৰু পিন্ধিলে সূৰ্য আৰু মংগলৰ শুভ প্ৰভাৱ বৃদ্ধি পায় আৰু জন্মকুণ্ডলীত এই দুয়োটা গ্ৰহৰ অৱস্থান শক্তিশালী হয় বুলি বহুতে বিশ্বাস কৰে। ফলস্বৰূপে জীৱনত ইতিবাচক ফল লাভ হোৱাৰ কথা কোৱা হয়। কিন্তু জ্যোতিষীয় বিশ্বাস অনুসৰি, যিসকল ৰাশিৰ অধিপতি গ্ৰহৰ সৈতে সূৰ্য বা মংগলৰ বৈৰিতা আছে, তেওঁলোকৰ বাবে তামৰ খাৰু পিন্ধা শুভ বুলি ধৰা নহয়।
গতিকে তেনে ৰাশিৰ লোকসকলে তামৰ খাৰু পিন্ধাৰ পৰা বিৰত থাকিব লাগে
বৃষ আৰু তুলা
বৃষ আৰু তুলা ৰাশিৰ অধিপতি গ্ৰহ হৈছে শুক্ৰ। জ্যোতিষ শাস্ত্ৰত শুক্ৰৰ সৈতে সূৰ্য আৰু মংগলৰ সম্পৰ্ক অনুকূল নহয় বুলি ধৰা হয়। সেইবাবে এই দুয়োটা ৰাশিৰ জাতক-জাতিকাই তামৰ খাৰু পিন্ধাৰ আগতে সাৱধান হোৱাটো উচিত।
মকৰ আৰু কুম্ভ
মকৰ আৰু কুম্ভ ৰাশিৰ অধিপতি হৈছে শনি। জ্যোতিষীয় বিশ্বাস অনুসৰি সূৰ্য আৰু শনি পৰস্পৰৰ প্ৰবল প্ৰতিদ্বন্দ্বী। সেইকাৰণে এই দুয়োটা ৰাশিৰ লোকে তামৰ খাৰু পিন্ধিলে মানসিক অশান্তি, শাৰীৰিক অসুবিধা বা জীৱনত নেতিবাচক প্ৰভাৱ পৰিব পাৰে বুলি ধৰা হয়।
কন্যা আৰু মিথুন
কন্যা আৰু মিথুন ৰাশিৰ অধিপতি হৈছে বুধ। বুধ আৰু সূৰ্যৰ মাজত বন্ধুত্বপূৰ্ণ সম্পৰ্ক থাকিলেও মংগলৰ সৈতে বুধৰ সম্পৰ্ক বিশেষ অনুকূল নহয় বুলি জ্যোতিষ শাস্ত্ৰত উল্লেখ আছে। সেইবাবে এই দুয়োটা ৰাশিৰ লোকেও তামৰ খাৰু পিন্ধাৰ আগতে অভিজ্ঞ জ্যোতিষীৰ পৰামৰ্শ লোৱাটো ভাল।
তামৰ খাৰু পিন্ধাৰ নিয়ম
তামৰ খাৰু পিন্ধিবলৈ দেওবাৰ বা মঙলবাৰ শুভ দিন বুলি ধৰা হয়। পুৰুষে সোঁহাতত আৰু মহিলাই বাঁওহাতত তামৰ খাৰু পিন্ধিব লাগে। পিন্ধাৰ আগতে থাৰুপাত গংগাজল, কেঁচা গাখীৰ অথবা পৰিষ্কাৰ পানীৰে শুদ্ধ কৰি ল’ব লাগে। খাৰু পিন্ধাৰ সময়ত “ওঁ সূৰ্যায় নমঃ” অথবা “ওঁ ভৌমায় নমঃ” মন্ত্ৰ জপ কৰা শুভ বুলি বিশ্বাস কৰা হয়। তামৰ খাৰু পিন্ধাৰ পিছত মাংস আৰু মদ্যপানৰ পৰা বিৰত থাকিবলৈ কোৱা হয়, কিয়নো ইয়াৰ ফলত ধাতুটোৰ ইতিবাচক শক্তি লাভত বাধা আহিব পাৰে বুলি জ্যোতিষীয় বিশ্বাস আছে।
বিশেষ গুৰুত্বপূৰ্ণ- এই লেখাত উল্লেখ কৰা তথ্য, পৰামৰ্শ আৰু দাবীসমূহ জ্যোতিষীয় বিশ্বাস, প্ৰচলিত ধাৰণা আৰু বিভিন্ন উৎসৰ ওপৰত আধাৰিত। ইয়াক বৈজ্ঞানিকভাৱে প্ৰমাণিত সত্য বুলি গণ্য কৰিব নালাগে। যিকোনো সিদ্ধান্ত লোৱাৰ আগতে নিজৰ বিবেচনা প্ৰয়োগ কৰক অথবা সংশ্লিষ্ট বিশেষজ্ঞৰ পৰামৰ্শ গ্ৰহণ কৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
