চেম্পিয়ন হল স্পেইন কিন্তু ১৪ কোটি টকা লাভ কৰিলে মিয়া খালিফাই, কিন্তু কেনেকৈ?
নিউয়ৰ্কৰ নিউ জাৰ্ছী ষ্টেডিয়ামত অনুষ্ঠিত ফাইনেল মেচখনত ৰেফাৰী শ্লোভাকো ভিনিচিচৰ ফাইনেল টাইমৰ হুইছেল বাজি উঠাৰ লগে লগে আনন্দত আত্মহাৰা হৈ পৰে স্পেইনৰ সমৰ্থকসকল। স্পেইনৰ এই সমৰ্থকসকলৰ মাজত আছিল মিয়া খালিফাও। স্পেইনে দ্বিতীয়বাৰলৈ চেম্পিয়নৰ মুকুট পৰিধান কৰাৰ লগে লগে একালৰ প*ৰ্ণষ্টাৰ মিয়া খালিফাৰো ভাগ্যৰ দুৱাৰ মুকলি হয়। ডিফেণ্ডিং চেম্পিয়ন আৰ্জেণ্টিনাক স্পেইনে পৰাস্ত কৰাৰ লগে লগে মিয়া খালিফাৰ বেংক একাউণ্টলৈ আহে ১৪ কোটি টকাৰ বিশাল ধনৰাশি। মিয়া খালিফাই নিজেই এই দাবী কৰিছে।
মিয়া খালিফাই কেনেকৈ লাভ কৰিলে এই ধন?
দৰাচলতে মিয়া খালিফাই ফাইনেল মেচখনৰ বাবে অনলাইন লটাৰীত লগাইছিল ধন। মিয়াই স্পেইনৰ সমৰ্থনত ফাইনেল মেচখনৰ পূৰ্বে আৰ্জেণ্টিনাৰ বিৰুদ্ধে লগাইছিল এই ধন। মিয়াই ছচিয়েল মিডিয়াত সদৰী কৰা অনুসৰি স্পেইনে চেম্পিয়নৰ মুকুট পৰিধান কৰাৰ লগে লগেই মিয়া খালিফাৰ বেংক একাউণ্টলৈ পূৰ্ব নিৰ্ধাৰিত নিয়ম অনুসৰি এই বিশাল পৰিমাণৰ ধন ট্ৰেন্সফাৰ হয়। খেল শেষ হোৱাৰ লগে লগেই মিয়া খলিফাই তেওঁৰ এই বৃহৎ পে-আউটৰ স্ক্ৰীণশ্বট ছ’চিয়েল মিডিয়াত অনুৰাগীসকলৰ সৈতে শ্বেয়াৰ কৰে। পোষ্টটোত তেওঁ লিখে যে স্পেইনৰ যুৱ খেলুৱৈ আৰু দলটোৰ সামৰ্থ্যৰ ওপৰত তেওঁৰ সম্পূৰ্ণ বিশ্বাস আছিল আৰু সেই বিশ্বাসৰ ফলতেই তেওঁ এই বৃহৎ অংকৰ ধন জিকিবলৈ সক্ষম হৈছে বুলি দাবী কৰে। মিয়া খলিফাৰ এই বাজি আৰু বিপুল অংকৰ ধন জিকাৰ দাবীৰ পিছত ছ’চিয়েল মিডিয়াত ব্যৱহাৰকাৰীসকল দুটা ভাগত বিভক্ত হৈ পৰিছে। তেওঁৰ অনুৰাগীসকলে তেওঁক এই “জেকপট” জয়ৰ বাবে অভিনন্দন জনাইছে। আনহাতে বহু ফুটবলপ্ৰেমীয়ে আচৰিত প্ৰকাশ কৰি কয় যে লিঅ’নেল মেছিৰ দল আৰ্জেণ্টিনাৰ বিপক্ষে বাজি ধৰাটো যথেষ্ট সাহসিকতাপূৰ্ণ সিদ্ধান্ত আছিল। সমান্তৰালভাৱে বহু ফুটবল অনুৰাগীয়ে এনে ধৰণৰ লটাৰীৰ বিৰোধিতাৰে প্ৰকাশ কৰে যে-এইধৰণৰ লটাৰীয়ে ফুটবলক কলংকিত কৰিব। এইধৰণৰ লটাৰীয়ে যুৱ প্ৰজন্মক এটা সময়ত বদ অভ্যাসলৈ পৰিণত কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
