মেকুৰী এটা সাধাৰণ জন্তু, কিন্তু বহুতে মেকুৰীক অশুভ বুলি গণ্য কৰে। যদি কৰোবালৈ যাত্ৰা কৰাৰ পূৰ্বে হঠাৎ চকুৰ সন্মুখেৰে এটা মেকুৰী ৰাস্তাৰে পাৰ হৈ যায় তেন্তে যিমানেই জৰুৰী কাম নহওক কিয়, আপোনাৰ অজ্ঞাতে ভৰি পিছলৈ গুচি যায়।
লোকবিশ্বাস আৰু জ্যোতিষ শাস্ত্ৰত কোৱা হৈছে যে মেকুৰী এটাই ৰাস্তা পাৰ হ’লে কাষেৰে পাৰ হৈ যোৱা মানুহৰ ওপৰত এটা বেয়া ছাঁ পৰে। কিন্তু এই ভয় সকলো মেকুৰীৰ বাবে একে নহয়, বিশেষকৈ ক’লা মেকুৰীৰ নাম শুনিলে মানুহৰ মনত এক বেলেগ ধৰণৰ ভয়ৰ সৃষ্টি হোৱা যেন লাগে।
জ্যোতিষৰ মতে মেকুৰীক ৰাহু আৰু কেতু এই দুটা ছাঁয়া গ্ৰহৰ ৰাশি বা প্ৰতীক। বিশেষকৈ ক’লা মেকুৰীক ৰাহুৰ প্ৰভাৱৰ সৈতে প্ৰত্যক্ষভাৱে জড়িত বুলি ধৰা হয়। জ্যোতিষীসকলৰ মতে ৰাহু আৰু কেতু হৈছে এনে দুটা শক্তি যিয়ে ব্যক্তিৰ জীৱনত হঠাৎ বাধা, কাম হেৰুৱা বা দুৰ্ঘটনা কঢ়িয়াই আনে। গতিকে খোজকাঢ়ি যাওঁতে যদি মেকুৰী এটাই ৰাস্তা পাৰ হৈ যায়, তেন্তে ৰাহু বা কেতুৱে সেই ব্যক্তিজনৰ ওপৰত বেয়া দৃষ্টি নিক্ষেপ কৰে বুলি বিশ্বাস কৰা হয়। ফলত কেৱল কাম হেৰাই যোৱাই নহয়, পৰিয়ালৰ সদস্যৰ মেজাজো খিংখিঙীয়া হৈ পৰিব পাৰে, আৰু অপ্ৰয়োজনীয়ভাৱে খং উঠাৰ অভ্যাসও বাঢ়িব পাৰে।
তদুপৰি, আপুনি কিবা এটা ভাল বা শুভ কাম কৰিবলৈ যাওঁতে যদি মেকুৰী এটাই আপোনাৰ বাট বন্ধ কৰি দিয়ে, তেন্তে সেই কামত সফল হ’বলৈ আপুনি বহুত কষ্টৰ সন্মুখীন হ’ব লাগিব বুলি বিশ্বাস কৰা হয়। মেকুৰীয়ে আমাৰ চৌপাশৰ ধনাত্মক বা ভাল শক্তিৰ প্ৰবাহ নিমিষতে ধ্বংস কৰি পেলায়। ফলত সহজে কৰিব লগা কামটো আবদ্ধ হৈ পৰে বা অপ্ৰয়োজনীয়ভাৱে পলম হৈ পৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
