পূৰ্বতে শিক্ষকতাৰ অভিজ্ঞতাৰে পুষ্ট দেশৰ কেইগৰাকীমান বিশিষ্ট ৰাজনীতিবিদ

ৰাজনাথ সিং

উত্তৰ প্ৰদেশৰ চন্দৌলী জিলাৰ ভাভুৰা গাঁৱত ১৯৫১ চনৰ ১০ জুলাইত জন্মগ্ৰহণ কৰে। তেওঁ গোৰখপুৰ বিশ্ববিদ্যালয়ৰ পৰা Physicsত স্নাতকোত্তৰ ডিগ্ৰী লাভ কৰে। তাৰ পিছত তেওঁ কে বি পোষ্ট গ্ৰেজুৱেট কলেজ, মিৰ্জাপুৰত Physicsৰ অধ্যাপক হিচাপে কাম আৰম্ভ কৰে। বিশেষ কথাটো হ’ল, তেওঁৰ শিক্ষকতা জীৱন ১৯৭১ চনৰ পৰাই আৰম্ভ হোৱা বুলি Indian Expressৰ জীৱনীমূলক তথ্যত উল্লেখ আছে। সেই সময়তে তেওঁ RSS আৰু ছাত্ৰ ৰাজনীতিৰ সৈতেও জড়িত হৈ পৰিছিল। ৰাজনাথ সিঙৰ ৰাজনৈতিক যাত্ৰা আৰম্ভ হয় ১৯৭০ৰ দশকত। ১৯৭৪ চনত তেওঁ তদানীন্তন ভাৰতীয় জনসংঘৰ Mirzapur unit-ৰ Secretary হয় আৰু ১৯৭৭ চনত প্ৰথমবাৰৰ বাবে উত্তৰ প্ৰদেশ বিধানসভালৈ নিৰ্বাচিত হয়। ইয়াৰ পিছত তেওঁৰ ৰাজনৈতিক কেৰিয়াৰ দ্ৰুতগতিত আগবাঢ়ে—

মায়াৱতী

উত্তৰ প্ৰদেশৰ প্ৰাক্তন মুখ্যমন্ত্ৰী মায়াৱতীৰ ৰাজনৈতিক জীৱনৰ এটা গুৰুত্বপূৰ্ণ অথচ তুলনামূলকভাৱে কম চৰ্চিত অধ্যায় হ’ল তেওঁৰ শিক্ষকতা জীৱন। ৰাজনীতিত পূৰ্ণকালীনভাৱে সক্ৰিয় হোৱাৰ পূৰ্বে তেওঁ দিল্লীৰ ইন্দৰপুৰী জে জে কলনীৰ এখন বিদ্যালয়ত শিক্ষকতা কৰিছিল। সেই সময়তে তেওঁ ভাৰতীয় প্ৰশাসনিক সেৱা (IAS) পৰীক্ষাৰ বাবেও প্ৰস্তুতি চলাই আছিল। অৰ্থাৎ মায়াৱতীৰ প্ৰথম পেছাগত পৰিচয় আছিল শিক্ষয়িত্ৰী। তেওঁ বিদ্যালয়ৰ ছাত্ৰ-ছাত্ৰীক পঢ়োৱাৰ লগতে নিজেও উচ্চ শিক্ষাৰ বাবে আগবাঢ়ি গৈছিল। শিক্ষকতা কৰাৰ সময়তেই তেওঁ আইন বিষয়ৰো অধ্যয়নো অব্যাহত ৰাখিছিল। এই সময়ছোৱাই তেওঁৰ জীৱনত এক গুৰুত্বপূৰ্ণ পৰিৱৰ্তনৰ ভূমিকা লৈছিল। মায়াৱতীৰ শিক্ষকতা জীৱন দীঘলীয়া নহ’লেও সেই সময়ছোৱাই তেওঁৰ ব্যক্তিত্ব গঠনত যথেষ্ট গুৰুত্বপূৰ্ণ ভূমিকা পালন কৰিছিল বুলি তেওঁ বিভিন্ন সময়ত উল্লেখ কৰিছে। বিদ্যালয়ত শিক্ষকতা কৰাৰ ফলত সাধাৰণ মানুহৰ সৈতে যোগাযোগ, নিজৰ বক্তব্য স্পষ্টভাৱে প্ৰকাশ কৰা আৰু মানুহৰ সমস্যা বুজি পোৱাৰ সুযোগ লাভ কৰিছিল।

ড০ মনোজ কুমাৰ ঝা

বিহাৰৰ ৰাষ্ট্ৰীয় জনতা দলৰ (RJD) এগৰাকী গুৰুত্বপূৰ্ণ নেতা ড০ মনোজ কুমাৰ ঝা বৰ্তমান ৰাজ্যসভাৰ সাংসদ। ৰাজনীতিত সম্পূৰ্ণৰূপে সক্ৰিয় হোৱাৰ পূৰ্বে তেওঁ দিল্লী বিশ্ববিদ্যালয়ৰ Department of Social Workৰ অধ্যাপক আছিল। তাৰ আগতে ১৯৯৪ৰ পৰা ২০০২লৈ জামিয়া মিলিয়া ইছলামিয়াত অধ্যাপক হিচাপেও কাম কৰিছিল। দিল্লী বিশ্ববিদ্যালয়ত তেওঁ Department of Social Workৰ মুৰব্বীও আছিল। তেওঁৰ শিক্ষাগত পটভূমি Social Work-ত MA আৰু PhD। শিক্ষাবিদ হিচাপে তেওঁৰ গৱেষণাৰ বিষয় আছিল সামাজিক আন্দোলন, শাসনব্যৱস্থা, সামাজিক ন্যায়, সংখ্যালঘু-সংখ্যাগৰিষ্ঠ সম্পৰ্ক আদি। পিছলৈ এই একাডেমিক অভিজ্ঞতাই তেওঁক ৰাষ্ট্ৰীয় ৰাজনীতিত সামাজিক ন্যায় আৰু সংবিধান সম্পৰ্কীয় বিষয়ত শক্তিশালী বক্তা হিচাপে প্ৰতিষ্ঠা কৰাত সহায় কৰে। ২০২৬ চনতো চৰকাৰী সংসদীয় নথিত তেওঁৰ ৰাজ্যসভাৰ সদস্য হিচাপে উল্লেখ আছে।

ড০ অংগোমচা বিমল আকোইজাম

মণিপুৰৰ Inner Manipur সমষ্টিৰ কংগ্ৰেছ সাংসদ ড০ অংগোমচা বিমল আকোইজাম মূলতঃ এগৰাকী শিক্ষাবিদ আৰু অধ্যাপক হিচাপে পৰিচিত আছিল। তেওঁ JNUৰ অধ্যাপক আছিল আৰু Social/Political Psychology তথা Cultural Studies-ৰ সৈতে জড়িত আছিল। ২০২৪ৰ লোকসভা নিৰ্বাচনত জয়লাভ কৰি তেওঁ সক্ৰিয় ৰাষ্ট্ৰীয় ৰাজনীতিলৈ আহে। মণিপুৰৰ সংঘাতৰ সময়ত তেওঁৰ একাডেমিক পৰিচয় আৰু ৰাজনৈতিক বিশ্লেষণে তেওঁক ৰাষ্ট্ৰীয় সংবাদমাধ্যমতো বিশেষভাৱে চৰ্চিত কৰিছিল।

ড০ সিকন্দৰ কুমাৰ

হিমাচল প্ৰদেশৰ বিজেপি নেতা ড০ সিকন্দৰ কুমাৰ এগৰাকী অৰ্থনীতিৰ অধ্যাপক হিচাপে দীঘলীয়া সময় কাম কৰিছিল। হিমাচল প্ৰদেশ বিশ্ববিদ্যালয়ৰৰ অৰ্থনীতি বিভাগত তেওঁৰ প্ৰায় ২৯ বছৰৰ teaching experience আছিল আৰু ২০০৯ চনৰ পৰা প্ৰধ্যাপক হিচাপে কাম কৰিছিল। শিক্ষাক্ষেত্ৰৰ পৰা তেওঁ বিশ্ববিদ্যালয় প্ৰশাসনলৈও আগবাঢ়ে আৰু ২০১৮ চনত হিমাচল প্ৰদেশ বিশ্ববিদ্যালয়ৰ Vice-Chancellor হয়। তাৰ পিছত ২০২২ চনত বিজেপিৰ প্ৰাৰ্থী হিচাপে ৰাজ্যসভালৈ নিৰ্বাচিত হয়।

এই প্ৰতিবেদন যুগুতাইছে মানসজ্যোতিয়ে

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ