ডিজিটেল আৰু ইণ্টাৰনেট বেংকিংৰ যুগত বেংক একাউণ্টৰ সৈতে মোবাইল নম্বৰ লিংক কৰাটো অতি প্ৰয়োজনীয়। কেৱল সেয়াই নহয়, আধাৰৰ লগত এটা ফোন নম্বৰ থকাটোও খুবেই জৰুৰী। কাৰণ ই একাধিক পৰীক্ষণ প্ৰক্ৰিয়াত আবদ্ধ হৈ পৰিব পাৰে। গতিকে, আপোনাৰ ফোন নম্বৰ সলনি কৰাৰ লগে লগে আপোনাৰ নতুন মোবাইল নম্বৰটো আধাৰ কাৰ্ডৰ সৈতে লিংক কৰক।
সাধাৰণতে যেতিয়াই আধাৰ কাৰ্ড আপডেট কৰাৰ প্ৰশ্ন হয় তেতিয়াই আধাৰ সেৱা কেন্দ্ৰলৈ যাব লাগিব বুলি ভাবে। কিন্তু এতিয়া আপোনাৰ হাতত আন এটা ডাঙৰ বিকল্প আছে। ইউআইডিএআইৰ নতুন আধাৰ এপত আপোনাৰ মোবাইল নম্বৰ আপডেট কৰাৰ সুবিধা আছে। এই নতুন এপটোত একাধিক সেৱা সংযোজন কৰা হৈছে, যাৰ জৰিয়তে আপুনি আধাৰৰ সৈতে লিংক কৰা পুৰণি মোবাইল নম্বৰটো সহজে সলনি কৰিব পাৰিব।
এপটোত মোৰ নম্বৰ সলনি কৰাৰ বিকল্প ক’ত পাম?
এতিয়া ইউআইডিএআইৰ আধাৰ এপৰ শেহতীয়া আপডেটত মোৰ মোবাইল নম্বৰ সলনি কৰাৰ বিকল্পটো পোনপটীয়াকৈ হোম স্ক্ৰীণত দেখা পোৱা নাই। ইয়াৰ পৰিবৰ্তে, এই বিকল্প সেৱাসমূহ অংশত আছে। ইয়াৰ পৰা ব্যৱহাৰকাৰীয়ে নতুন মোবাইল নম্বৰেৰে আপডেট প্ৰক্ৰিয়া আৰম্ভ কৰিব পাৰিব। ইয়াৰ বাবে তেওঁলোকে এপত দিয়া নিৰ্দেশনা অনুসৰণ কৰি পৰীক্ষণ আৰু প্ৰমাণীকৰণ প্ৰক্ৰিয়া সম্পূৰ্ণ কৰিব লাগিব।
নতুন আধাৰ এপটোৱে কেৱল মোবাইল নম্বৰ সলনি কৰাৰ সুবিধা প্ৰদান কৰাই নহয়, আধাৰ সম্পৰ্কীয় আন কেতবোৰ সেৱাও আগবঢ়াইছে। আন এজন ব্যক্তিৰ আধাৰ পৰীক্ষা কৰাৰ সুবিধাৰ উপৰিও এই এপটোত আপোনাৰ বায়’মেট্ৰিক তথ্য লক বা আনলক কৰাৰ বিকল্পও আছে। আধাৰ এপৰ জৰিয়তে আধাৰত পঞ্জীয়ন কৰা মোবাইল নম্বৰ কেনেকৈ সলনি কৰিব পাৰি চাওক।
আধাৰ এপৰ পৰা আধাৰত পঞ্জীয়ন কৰা মোবাইল নম্বৰ কেনেকৈ সলনি কৰিব?
আধাৰত নতুন মোবাইল নম্বৰ যোগ কৰিবলৈ প্ৰথমে স্মাৰ্টফোনত আধাৰ App খোলক। যদি আপোনাৰ মোবাইলত এপটোৰ পুৰণি সংস্কৰণ আছে তেন্তে প্ৰথমে প্লে ষ্ট’ৰ বা এপ ষ্ট’ৰৰ পৰা আপডেট কৰক। তাৰ পিছত তলত দিয়া পদক্ষেপ অনুসৰণ কৰক।
- প্ৰথমে এপটো খুলি তলত থকা Services ছেকচনলৈ যাওক।
- তাত Mobile Number Update বিকল্পটো নিৰ্বাচন কৰক।
- তাৰ পিছত Continue to Update Mobile Number ত ক্লিক কৰক।
- আধাৰৰ সৈতে লিংক কৰিব বিচৰা নতুন মোবাইল নম্বৰটো দিয়ক।
- তাৰ পিছত পৰ্দাত দিয়া নিৰ্দেশনা অনুসৰণ কৰক আৰু OTP পৰীক্ষণ সম্পূৰ্ণ কৰক। লগতে
- এপটোৱে বিচৰা প্ৰয়োজনীয় প্ৰমাণীকৰণ প্ৰক্ৰিয়াসমূহো সম্পূৰ্ণ কৰক।
- সকলো প্ৰক্ৰিয়া সম্পূৰ্ণ হোৱাৰ পিছত মোবাইল নম্বৰ আপডেট কৰিবলৈ অনুৰোধ জমা দিব।
মাচুল কিমান হ’ব আৰু কিমান দিনৰ পিছত মোবাইল নম্বৰ আপডেট হ’ব?
আধাৰত মোবাইল নম্বৰ আপডেট কৰিবলৈ ৭৫ টকা মাচুল দিব লাগিব। আপডেট অনুৰোধ জমা দিয়াৰ পিছত নতুন মোবাইল নম্বৰ আপডেট হ’বলৈ ১০ৰ পৰা ১৫ দিন সময় লাগিব পাৰে। এই সময়ছোৱাত ব্যৱহাৰকাৰীয়ে এপটোৰ জৰিয়তে নিজেই তেওঁলোকৰ আপডেট অনুৰোধৰ অৱস্থা অনুসৰণ কৰিব পাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
