বলিউডৰ ‘কিং খান’ শ্বাহৰুখ খানৰ আজি ৬১ সংখ্যক জন্মদিন। জন্মদিনৰ বিশেষ দিনটোত নিজৰ অনুৰাগীসকলক এক বিশেষ উপহাৰ দিলে ছুপাৰষ্টাৰগৰাকীয়ে। শ্বাহৰুখ খানৰ আগন্তুক বহু প্ৰতীক্ষিত ছবি ‘King’ৰ প্ৰথমটো গান ‘Tu Mil Jaaye’ মুক্তি পোৱাৰ লগে লগে অনুৰাগীৰ মাজত সৃষ্টি হৈছে ব্যাপক উৎসাহ-উদ্দীপনা।
নৱেম্বৰৰ ২ তাৰিখে জন্মদিন উদযাপন কৰা শ্বাহৰুখ খানে এইবাৰ অনুৰাগীসকলৰ বাবে এক সংগীতময় উপহাৰ আগবঢ়াইছে। ছবিখনৰ এই প্ৰথমটো গানে শ্বাহৰুখ খান আৰু দীপিকা পাডুকনৰ অন-স্ক্ৰীন ৰোমাঞ্চৰ এক সুন্দৰ আভাস দিছে।
জন্মদিনত অনুৰাগীৰ বাবে বিশেষ উপহাৰ
শ্বাহৰুখ খানৰ জন্মদিন মানেই মুম্বাইৰ বান্দ্ৰাস্থিত তেওঁৰ বাসগৃহ ‘মন্নত’ৰ সন্মুখত অনুৰাগীৰ ভিৰ। প্ৰতি বছৰে হাজাৰ হাজাৰ অনুৰাগীয়ে নিজৰ প্ৰিয় তাৰকাগৰাকীক এবাৰ চাবলৈ অধীৰ আগ্ৰহেৰে অপেক্ষা কৰে।
এইবাৰো জন্মদিন উপলক্ষে মন্নতৰ বাহিৰত অনুৰাগীৰ ব্যাপক সমাগম দেখা যায়। যদিও শ্বাহৰুখ খানে এইবাৰ পৰম্পৰাগতভাৱে বেলকনিত উপস্থিত হৈ অনুৰাগীক শুভেচ্ছা জনোৱা নাছিল, তথাপি তেওঁ অনুৰাগীৰ মৰমৰ প্ৰতি সঁহাৰি জনাই এক বিশেষ বাৰ্তা প্ৰেৰণ কৰে।
ইয়াৰ লগতে তেওঁৰ আগন্তুক ছবি ‘King’ৰ প্ৰথমটো গান ‘Tu Mil Jaaye’ মুক্তি দি অনুৰাগীসকলক জন্মদিনৰ ‘ৰিটাৰ্ণ গিফ্ট’ দিয়ে।
‘Tu Mil Jaaye’ গানত শ্বাহৰুখ-দীপিকাৰ ৰোমাঞ্চ
‘King’ ছবিখনৰ ‘Tu Mil Jaaye’ গানটোত শ্বাহৰুখ খান আৰু দীপিকা পাডুকনক এক বিশেষ ৰূপত দেখা গৈছে। গানটোত প্ৰেম, ৰোমাঞ্চৰ লগতে ছবিখনৰ একচনধৰ্মী পৰিৱেশৰো আভাস পোৱা যায়।
গানটোৰ সংগীত পৰিচালনা কৰিছে সচিন-জিগৰে। গানটোত কণ্ঠদান কৰিছে অৰিজিৎ সিং আৰু মধুবন্তী বাগচীয়ে। লগতে ইংৰাজী ৰেপ অংশত এড শ্বিৰাণৰ নামো উল্লেখ কৰা হৈছে।
গানটোৰ দৃশ্যসমূহে শ্বাহৰুখ খানৰ ৰোমাণ্টিক আৰু শক্তিশালী দুয়োটা ৰূপৰ আভাস দিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
