সংখ্যা আমাৰ জীৱনৰ এক অবিচ্ছেদ্য অংগ। জন্মৰ তাৰিখৰ পৰা আৰম্ভ কৰি ঘৰ, বাহন, ম’বাইল নম্বৰ আনকি জীৱনৰ বহু গুৰুত্বপূৰ্ণ সিদ্ধান্ততো সংখ্যাৰ এক বিশেষ ভূমিকা থাকে বুলি বহুতে বিশ্বাস কৰে। ইয়াৰ ভিতৰত ৯ সংখ্যাটোক বিশেষ তাৎপৰ্যপূৰ্ণ। কিন্তু প্ৰশ্ন হয়, ৯ নম্বৰটো সঁচাকৈয়ে শুভ নে অশুভ?
সংখ্যাতত্ত্ব (Numerology) অনুসৰি ৯ হৈছে এটা শক্তিশালী আৰু বিশেষ তাৎপৰ্য থকা সংখ্যা। এই সংখ্যাটোক সাহস, শক্তি, নেতৃত্ব, মানৱতা আৰু ত্যাগৰ প্ৰতীক হিচাপে গণ্য কৰা হয়।
৯ সংখ্যাৰ অধিপতি কোনটো গ্ৰহ?
বৈদিক জ্যোতিষশাস্ত্ৰ আৰু সংখ্যাতত্ত্বৰ প্ৰচলিত ধাৰণা অনুসৰি ৯ সংখ্যাৰ অধিপতি গ্ৰহ হৈছে মংগল। মংগলক শক্তি, সাহস, আত্মবিশ্বাস, পৰাক্ৰম আৰু নেতৃত্বৰ প্ৰতীক বুলি কোৱা হয়। সেয়েহে ৯ সংখ্যাৰ সৈতে জড়িত ব্যক্তিসকলৰ মাজত সাধাৰণতে কিছুমান বিশেষ গুণ দেখা যায় বুলি সংখ্যাতত্ত্বত বিশ্বাস কৰা হয়।
৯ সংখ্যাৰ লোকৰ ব্যক্তিত্ব কেনেকুৱা?
সংখ্যাতত্ত্বৰ মতে, ৯ সংখ্যাৰ প্ৰভাৱ থকা লোকসকলৰ ব্যক্তিত্বত কেইবাটাও বিশেষ বৈশিষ্ট্য দেখা যায়।
সাহসী আৰু আত্মবিশ্বাসী: এনে লোকসকলে সাধাৰণতে প্ৰত্যাহ্বান গ্ৰহণ কৰিবলৈ ভয় নকৰে। কঠিন পৰিস্থিতিতো সাহসেৰে আগবাঢ়িবলৈ চেষ্টা কৰে।
নেতৃত্বৰ গুণ: আনক নেতৃত্ব দিব পৰা ক্ষমতা আৰু নিজৰ সিদ্ধান্তত দৃঢ় হৈ থকাৰ প্ৰৱণতা থাকে বুলি বিশ্বাস কৰা হয়।
মানৱতাবাদী মনোভাৱ: আনৰ দুখ-কষ্ট বুজিবলৈ আৰু বিপদৰ সময়ত সহায় কৰিবলৈ আগ্ৰহী হয়।
আৱেগিক স্বভাৱ: কেতিয়াবা অতি সোনকালে খং উঠিব পাৰে। আৱেগৰ বশৱৰ্তী হৈ সিদ্ধান্ত লোৱাৰ প্ৰৱণতাও থাকিব পাৰে।
দৃঢ় মনোবল: নিজৰ লক্ষ্যত উপনীত হ’বলৈ কঠোৰ পৰিশ্ৰম কৰাৰ মানসিকতা থাকে।
৯ নম্বৰটো শুভ নে অশুভ?
সংখ্যাতত্ত্বৰ দৃষ্টিত ৯ নম্বৰটোক সাধাৰণতে শুভ আৰু শক্তিশালী সংখ্যা হিচাপে গণ্য কৰা হয়। বিশেষকৈ সাহস, কৰ্মশক্তি, নেতৃত্ব আৰু সফলতাৰ সৈতে এই সংখ্যাক জড়িত কৰা হয়।
কিন্তু সকলোৰে বাবে ৯ নম্বৰ সমানে শুভ হ’ব বুলি ক’ব নোৱাৰি। ব্যক্তিৰ জন্মতাৰিখ, জন্মসংখ্যা আৰু অন্যান্য সংখ্যাৰ সৈতে ইয়াৰ সম্পৰ্কৰ ওপৰত ভিত্তি কৰি সংখ্যাতত্ত্বত বিভিন্ন ব্যাখ্যা আগবঢ়োৱা হয়।
অস্বীকাৰ: এই লেখাটো পৰম্পৰাগত সংখ্যাতত্ত্ব আৰু জ্যোতিষশাস্ত্ৰৰ বিশ্বাসৰ আধাৰত প্ৰস্তুত কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ

















