আধুনিক শিক্ষা বিস্তাৰৰ ফলত বিজ্ঞান আৰু প্ৰযুক্তি বিদ্যাৰ বলত একবিংশ শতিকাৰ তৃতীয় দশকত মানৱ সমাজ তথা সভ্যতাই বিকাশৰ শীৰ্ষত আৰোহণ কৰা বুলি কোৱা হয়৷ মানৱ সভ্যতাৰ বিকাশে আধুনিক স্তৰত প্ৰৱেশ কৰিলেও এতিয়াও বিশ্ব বিভিন্ন কোণত আদিম মানৱৰ দৰে একাংশ জনগোটে বসবাস কৰি আহিছে৷
লেটিন আমেৰিকাৰ অতব্য অৰণ্যাঞ্চলৰ পৰা ভাৰতৰ আন্দামান, আফ্ৰিকা মহাদেশৰ পৰা অষ্ট্ৰেলিয়া মহাদেশলৈ বিশ্বৰ বিভিন্ন কোণত এতিয়াও বহু জনগোটে আদিম মানৱৰ দৰে অঘৰী অথবা গাঁও পাতি জীৱন যাপন কৰি আছে৷ কিছুমান জনগোটে বিশেষকৈ জনজাতিয়ে গাঁও বা বস্তি পাতি বাস কৰিবলৈ ধৰিলেও তেওঁলোকে আদিম লোকাচাৰ বা জীৱন চৰ্যাক এতিয়াও আকোৱালি আধুনিক মানুহৰ তুলনাত এতিয়াও তেওঁলোক অতি ক্ৰূৰ মানৱ হিচাপেই জীৱন নিৰ্বাহ কৰি আছে৷
লগতে পঢ়ক কাণ্ডজ্ঞানহীন ছেবা! বহী পুনৰীক্ষণত ষষ্ঠ আৰু দশম স্থান লাভ দুই পৰীক্ষাৰ্থীৰ
তেনে এটা জনগোট তথা জনজাতি হৈছে আস্মত বা আছমত জনগোষ্ঠী৷ অষ্ট্ৰেলিয়া মহাদেশৰ নিউগিনিত বসবাস কৰা এই জনগোষ্ঠীটোক এতিয়াও বিপজ্জনক জনজাতি বুলি আখ্যা দিয়া হয়৷ তেওঁলোকৰ জীৱন ধাৰণৰ প্ৰণালীয়ে জনগোষ্ঠীটোক অতি বিপজ্জনক তথা ক্ৰূৰ বুলি ক’বলৈ আধুনিক মানুহক বাধ্য কৰাই আহিছে৷
এই জনগোষ্ঠীটোৰ জীৱনচৰ্যা তথা জীৱন ধাৰণৰ প্ৰক্ৰিয়াত অলপ দৃষ্টিপাত কৰিলেই আপোনালোক এই বিষয়ে পতিয়ন যাব৷ জনগোষ্ঠীটোৰ লোকসকলে নিজকে যোদ্ধা বুলি গণ্য কৰি শত্ৰুক দেখা লগে লগেই আক্ৰমণ কৰি হত্যা কৰে৷
শত্ৰুক হত্যা কৰাৰ পিছতে জনগোষ্ঠীটোৰ শত্ৰুৰ মাংস ভক্ষণ কৰে৷ যিজন লোকে শত্ৰুক আক্ৰমণ কৰি হত্যা কৰে অৰ্থাৎ তেওঁলোকৰ মতে যিজনে যুদ্ধত জয়ী হয় তেওঁ জনগোষ্ঠীটোৰ লোকসকলৰ প্ৰতি এইদৰেই আনুগত্য আৰু সাহস প্ৰদৰ্শন কৰে৷
লগতে পঢ়ক চেনিটেৰী পেড নহয়! চৰকাৰে দিছে ১ লাখ বিনামূলীয়া ঋতুস্ৰাৱ কাপ
শত্ৰুক হত্যা কৰি সেই মাংস ৰান্ধি খাই বিজয় উৎসৱ উদযাপন কৰাৰ লগতে তেওঁলোকে মৃতকৰ হাড়বোৰ গহনা হিচাপেও পিন্ধে৷ জনগোষ্ঠীৰ লোকসকলে এনেদৰে বিজয় উৎসৱ উদযাপন কৰাৰ উদ্দেশ্য হৈছে যাতে তেওঁলোকক দেখি শত্ৰুৰ মনত তেওঁলোকৰ প্ৰতি ভীতি ভাৱ উদ্ৰেক হয়।
আনহাতে আছমত জনগোষ্ঠীৰ লোকসকলে শত্ৰুক হত্যা কৰাৰ পিছত প্ৰথমে জুইত মূৰটো পোৰে আৰু তাৰ পিছত তাৰ মাংসবোৰ এৰুৱাই খায়। অৱশ্যেই লোকাচাৰ অৰ্থাৎ ৰীতি-নীতি মানি চলিহে তেওঁলোকে এইসমূহ কৰে। ইপিনে শত্ৰুৰ মূৰটো অৰ্থাৎ লাওখোলাটোকো তেওঁলোকে আঠুৱা হিচাপে ব্যৱহাৰ কৰে। আনকি লাওখোলাটোৰ খুলিটো দুটা ভাঙি তাৰ পৰা পাত্ৰ বনাই তাতে খাদ্যও খায়।
জনগোষ্ঠীৰ লোকসকলে শত্ৰুৰ মাংস ৰান্ধোতে ৰীতি-নীতি পালন কৰে৷ ইফালে তেওঁলোকে মানুহৰ মূৰটোক অতি পবিত্ৰ বুলি গণ্য কৰি ইয়াক গছৰ ফলৰ লগত তুলনা কৰে। ইয়াৰ উপৰিও মৃতকৰ হাড়বোৰ ভবিষ্যতৰ সকাম-নিকামত ৰীতি-নীতিৰে ব্যৱহাৰ কৰা হয়। উৎসৱৰ সময়ত শত্ৰুৰ মূৰটো শিশুৰ ভৰিৰ মাজত ৰাখিলে শত্ৰু পক্ষৰ শক্তি শিশুৰ মাজলৈ গুচি আহে বুলিও তেওঁলোকৰ মাজত লোক বিশ্বাস আছে।
লগতে পঢ়ক ৬ বছৰীয়া শিশুক ধৰ্ষণ ৬৫ বছৰীয়া বৃদ্ধৰ, পলাতক লম্পট বৃদ্ধ অভিযুক্ত
আছমত জনগোষ্ঠীৰ মানুহেও শত্ৰুৰ হাড়ৰ পৰা গহনা তৈয়াৰ কৰাৰ উপৰিও কিছুমানে শত্ৰুৰ হাড় নিজৰ ঘৰত ৰখাটো শুভ বুলি বিশ্বাস কৰে।
জনগোষ্ঠীৰ লোকসকলে বেছিভাগেই নৈৰ পাৰত ঘৰ সাজে, যাতে তেওঁলোকে সহজে চিকাৰ কৰিব পাৰে। জানি আচৰিত হ’ব যে শত্ৰুক হত্যা কৰাৰ পিছত আছমত জনগোষ্ঠীৰ সদস্যসকলেও তেওঁৰ ৰাজহাড় তথা জকাটো ঘৰলৈ নি ট্ৰফীৰ দৰে সজাই ৰাখে। এইদৰে আনন্দ প্ৰকাশ কৰি ঘৰত ৰখাটো তেওঁলোকে সাহসিকতাৰ চিন বুলি গণ্য কৰে।
আশ্চৰ্যজনকভাৱে নিউগিনিত বাস কৰা আছমত জনগোষ্ঠীৰ লোকসকলে তেওঁলোকৰ জনগোষ্ঠীৰ মানুহৰ মৃত্যুৰ পিছত তেওঁৰ মৃতদেহটো নষ্টহে কৰি পেলায়। শোক কৰাৰ আগতে মৃতকৰ ডিঙি কাটি মগজু আৰু চকু উলিয়াই আনে। তেওঁলোকে বিশ্বাস কৰে যে এনে কৰিলে দুষ্ট আত্মাবোৰক ৰোধ কৰিব পাৰি। তেনে কৰিলে মৃতকৰ আত্মাই তেওঁৰ ফৈদৰ আন কোনো সদস্যৰ শৰীৰত প্ৰৱেশ কৰিব নোৱাৰে বুলি তেওঁলোকে বিশ্বাস কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
