অসম লাইভ২৪ঃ তেওঁ বলীউডৰ মিষ্টাৰ পাৰ্ফেক্সনিষ্ট। তেওঁৰ শেহতীয়া ছবি ‘লাল সিং চাড্ডা’ই বক্স অফিচত বিশেষ খলকনি তুলিব নোৱাৰিলে। লাল সিং চাড্ডাৰ পাছত আৰু কোনো নতুন প্ৰজেক্ট আৰম্ভ কৰা নাই মিঃ পাৰ্ফেক্সনিষ্ট আমিৰ খানে।
অভিনয় জগতৰ পৰা সাময়িক বিৰতি লোৱাৰ কথাও কিছুদিন পূৰ্বে প্ৰকাশ কৰিছিল আমিৰে। কিছুদিন পূৰ্বে আমিৰৰ কন্যা ইৰা খানৰ আঙুঠি পিন্ধোৱা অনুষ্ঠানত এই কথা ঘোষণা কৰিছিল আমিৰে। হাতত অফুৰন্ত সময় এতিয়া মিঃ পাৰ্ফেক্সনিষ্টৰ। নতন কামো হাতত নাই আমিৰৰ। শেহতীয়াভাৱে তেওঁৰ মহেশ ভাট্টে তেওঁক এখন ছবি অফাৰ কৰিছিল যদিও সেই ছবিত কাম নকৰাৰ সিদ্ধান্ত লয় আমিৰে।
সম্প্ৰতি এক সাক্ষাৎকাৰত আমিৰে এই সন্দৰ্ভত কয়, ‘তেতিয়া কেৰিয়াৰৰ কঠিন সময় আছিল। খুব আশা কৰিছিলো ভাল প্ৰজেক্ট এটাৰ। তেতিয়াই মহেশ ভাট্টে মোক এটা প্ৰস্তাৱ দিছিল। মোৰো সপোন আছিল মহেশ ভাট্টৰ সৈতে কাম কৰাৰ। কিন্তু মনটোৱে নিদিলে। ভিতৰৰ মনটোৱে মোক কৈ উঠিল কেৱল চাহিদাৰ বাবেই আপোছ কৰাটো সঠিক কথা নহয়।’ আমিৰ খানে লগতে কয়, ‘মহেশ ভাট্টে তেতিয়া ছবি পৰিচালক হিচাপে যথেষ্ঠ খ্যাতি অৰ্জন কৰিছিল। তেওঁৰ সৈতে সকলো অভিনেতাই কাম কৰাৰ সপোন দেখিছিল।’ কিন্তু এই সফল পৰিচালকৰ লগত কিয় কাম কৰিবলৈ আগ্ৰহ প্ৰকাশ কৰা নাছিল আমিৰে? ইয়াৰ আঁৰত আছিল বিশেষ কাৰণ। এই সন্দৰ্ভত আমিৰে কৈছিল, ‘মহেশ ভাটে প্ৰস্তাৱটো দিওতে পোনছাটেই মই নাকচ কৰিছিলো এনে নহয়। মই তেওঁৰ কাৰ্যালয়লৈ গৈছিলো। স্ক্ৰিপ্টো পঢ়ি চালো, কিন্তু স্ক্ৰিপ্ট মোৰ পছন্দৰ নহ’ল। কাৰণ মই নিজেই পূৰ্বে কৈছিলো যে প্ৰযোজক, পৰিচালক বা চিত্ৰনাট্য যিকোনো এটা পছন্দ নহ’লেও মই কাম নকৰো। মোৰ সেই চিত্ৰনাট্যৰ কাহিনী সেইদিনা পছন্দ হোৱা নাছিল। ভাৱিবলৈ সময় ললো। মোৰ পত্নী ৰীণাৰ সৈতেও বাৰ্তালাপত মিলিত হ’লো। মহেশ ভাট্টকো স্ক্ৰিপ্ট পছন্দ নোহোৱাৰ কথা জনালো। মনটো নিমিলিলে মই কোনোপধ্যেই কাম কৰিব নোৱাৰো। অৱশেষত মই ছবিখন নকৰাৰেই সিদ্ধান্ত ল’লো।’
মহেশ ভাট্টৰ ছবি নকৰাৰ সিদ্ধান্ত লোৱা আমিৰ খানে পৰবৰ্তীসময়তো মহেশ ভাট্টৰ ছবিত অভিনয় কৰা নাই। ছবি নকৰিলেও মহেশ ভাট্ট আৰু আমিৰ খানৰ সম্পৰ্ক সৌহাদ্যপূৰ্ণই। অৱশ্যে শেহতীয়াভাৱে আমিৰৰ ছবিয়ে বক্স অফিচত বিশেষ খলকনি তুলিব নোৱাৰাৰ বাবেই আমিৰে নিজৰ সিদ্ধান্ত সলনি কৰিব পাৰে বুলিও বহুতেই চৰ্চা চলোৱা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
